[᭒᭐20B]
᭒᭐
ᬦᬾᬤᬶᬦᬃᬫ᭄ᬫᬤ᭞ᬰᬹᬭᬅᬫ᭄ᬮᬧᬸᬭᬵᬓᭂᬗᬶᬦ᭄᭟ᬢᬸᬳᬭᬢᬶᬦ᭄ᬤᬶᬄᬧᬗᬦ᭄ᬤᬶᬓ᭞ᬤᬸᬓ᭄ᬲᬸᬩᬦᬾᬤ᭠ᬯᭂᬕᬾᬧᬫ᭄ᬩᬸᬤᬮᬶᬦ᭄᭞ᬤᬾᬰᬧ᭄ᬭᬶᬗ᭄ᬕᬭᬢᬤᬶᬢᬸ᭞ᬫᬸᬧᬸᬢᬂᬧᬗᬦ᭄ᬤᬶᬓ᭞ᬭᬶᬂᬲᬬᭀᬕ᭄ᬬᬜᬦᬧᬢᬶᬓᬧᬶ᭠
ᬢᬸᬭᬸᬢ᭄᭞ᬭᬶᬂᬧ᭄ᬭᬶᬗ᭄ᬕᬭᬢᬬᬦ᭄ᬢᭂᬓᬵ᭞ᬫᬸᬲᬸᬳᬾᬢᬦ᭄ᬭᬾᬯᭂᬤ᭄ᬯᬶᬳᬓ᭄ᬢᬶ᭟ᬰᬹᬭᬵᬅᬫ᭄ᬮᬧᬸᬭᬯᬦ᭄ᬢᬄ᭞ᬳᬕᬾᬭᬯᬸᬄᬧᬢᬸᬮᬸᬂᬬᬸᬤᬕᬶᬦ᭄ᬢᬶᬂ᭞ᬤᬤᬶᬢᬸᬳᬭᬓᬧᬶᬦ᭄ᬢᬸᬳᬸ᭞ᬳᭂᬦ᭄ᬢᭀᬫᬓ᭄ᬭᬡᬩᬾᬩᬲ᭄᭞
ᬧ᭄ᬭᬶᬗ᭄ᬕᬭᬢᬳᬲᭂᬮᬶᬤ᭄ᬲᭂᬤᬓᬕᬯᬸᬓ᭄᭞ᬳᬦ᭄ᬢᬸᬓ᭄ᬩᬢᬸᬓ᭄ᬮᬶᬬᬂᬓᭀᬧᬂ᭞ᬓᬸᬤᬂᬤᬾᬰᬫᬜ᭠ᬋᬗᬶᬦ᭄᭟ᬩᬾᬩᬲ᭄ᬮᬭᬶᬲ᭄ᬫᬗᬯᬸᬳᬂ᭞ᬲᬶᬦ᭄ᬢᬸᬂᬋᬜ᭄ᬘᭂᬫ᭄ᬢᬦᬄᬩᬾᬬᬦᬾᬓᬵᬫ᭄ᬩᬶᬮ᭄᭞ᬚᬮᬦ᭄ᬫᬦ᭄ᬳᬶᬧᬸᬦ᭄ᬯᬶᬭᬾᬄ
ᬘᬮᬸᬄ᭞ᬢᬦ᭄ᬳᬸᬘᬧ᭄ᬧᬸᬱ᭄ᬧᬮᬬ᭞ᬭᬶᬂᬧᬶᬥᬥᬧᬶᬦ᭄ᬤᭂᬤᬂᬯᬶᬭᬾᬄᬫᬘᬸᬄᬘᬸᬄ᭞ᬭᬶᬂᬳᬶᬤᬾᬰᬧ᭄ᬭᬶᬗ᭄ᬕᬭᬢ᭞ᬲᬸᬭᬓ᭄ᬜᬦᬾᬦ᭄ᬤᭂᬄᬕᬸᬫᬶᬦ᭄ᬢᬶᬃ᭞ᬭᬶᬂᬭᬸᬫᬫᬗ᭄ᬓᬶᬦ᭄ᬓᭀᬘᬧᬂ᭞ᬅᬦᬓ᭄ᬅᬕᬸᬂᬦᭂᬗ᭄ᬳᬄᬫᬯᬦᬦ᭄ᬕᭂᬮᬶᬲ᭄᭞
[᭒᭑21A]
ᬩᬩᬯᭀᬲᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬶᬂᬓᬤᬶᬭᬶᬲᬋᬗᬦ᭄᭞ᬧᬘᬂᬗ᭄ᬭᬶᬲ᭄ᬢᬧ᭄ᬭᬬᬰᬓᬺᬓᭀᬘ᭠ᬧ᭄ᬳᬶᬧᬸᬦ᭄᭞ᬭᬶᬂᬧᬓᬸᬓ᭄ᬮᬶᬂᬫᬕᭂᬮᬃ᭞ᬲᬫ᭄ᬧᭀᬚᬦᬾᬓᬓᬸᬓᬸᬳᬶᬦ᭄᭟ᬤᬯᬸᬄᬧᬶᬲᬦ᭄ᬲᬫ᭄ᬧᬸᬦ᭄ᬦᬧᬓ᭄᭞ᬲᬶᬓᭂ
ᬧ᭄ᬲᬓᬶᬂᬤᬾᬰᬭᬸᬫᬓᬤᬶᬭᬶ᭞ᬭᬶᬂᬜᬶᬳᬸᬃᬕᬥᬶᬂᬫᬘᬸᬦ᭄ᬤᬸᬓ᭄᭞ᬢᭂᬓᬾᬦ᭄ᬳᬶᬧ᭄ᬭᬬᬰᬓᬺ᭞ᬢᭂᬳᬶᬳᬶ᭠ᬧᬸᬦ᭄ᬳᬶᬰᬓᬺᬓᬸᬫᬦ᭄ᬤᭂᬮ᭄ᬗᬤᬸ᭞ᬧᬕᬸᬭᬸᬳᬦᬾᬫᬯᬱ᭄ᬝ᭞ᬳᬶᬅᬚᬶᬅᬮᬶᬓᬲᬸᬩ᭄ᬓᬮᬶᬲ᭄᭟ᬓᬮᬶᬄᬩᬶᬲᬗ᭄ᬕ
ᬯᬾᬲᬶᬫᬢ᭄᭞ᬳᬧᬂᬢᬸᬳᬭᬩᬶᬲᬓᭂᬦᬩᬦ᭄ᬫᬶᬫᬶᬲ᭄᭞ᬭᭀᬯᬗᬾᬢᭂᬓᬵᬫᬗ᭄ᬕᬸᬕᬸ᭞ᬓ᭄ᬭ᭠ᬡᬩᬦᬶᬧᬸᬘᬸᬓᬂ᭞ᬢᬸᬳᬲᬦ᭄ᬢᬸᬮ᭄ᬩᬸᬓᬓᭂᬩᭀᬦᬾᬫᬗᬫᬹᬓ᭄᭞ᬧᬥᬓᬸᬘᬸᬧ᭄ᬫᬗᬋᬧᬂ᭞ᬢᬸᬳᬭᬫ
ᬦᭀᬮᬶᬄᬓᬲᬫ᭄ᬧᬶᬂ᭟ᬲᬶᬓᭂᬧ᭄ᬦᬕᬭᬦᬾᬫᭂᬦ᭄ᬤᬓ᭄᭞ᬩᭂᬤᬶᬮ᭄ᬚᭂᬃᬫ᭄ᬫᬦ᭄ᬓᬕᬗ᭄ᬕᬾᬫᬗᬸᬚᬦᬶᬦ᭄᭞ᬓᬵᬋᬧ᭄ᬯᬾᬦ᭄ᬢᭂᬦ᭄ᬢᭂᬢᬶᬕᬗᬢᬸᬲ᭄᭞ᬫᬸᬲᬸᬳᬾᬓᬾᬄᬭᬸᬲᬓ᭄᭞ᬮᬾᬦ᭄ᬫᬤᬶᬤᬶᬃᬗᬩᬢᬢᬸᬫᬜ᭄ᬚᬭᬸᬗ᭄ᬓᬸᬂ᭞
Page:Bali-lontar-gaguritan-rusak-sasak-01-300ppi.pdf/21
This page has been proofread.
