[᭑᭖16B]
᭑᭖
ᬢᬸᬓ᭄ᬮᬶᬬᬂ᭟ᬓᬭᬸᬲᬓ᭄ᬩᬋᬂᬧᬮᬦ᭄ᬧᬦᬓ᭄᭞ᬤᬾᬦᬶᬂᬓᬢᬹᬃᬓᬦᬕᬭᬶ᭞ᬧᬦᬓ᭄ᬜᬦᬾᬦᬾᬤᬶᬢᭂᬗᬄ᭞ᬫᬦᬸᬭᬸᬢ᭄ᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬫᬯᬶᬦᬦ᭄ᬩᬾᬩᬲ᭄ᬯᬶᬳᬓ᭄ᬢᬶ᭞ᬧᬓᬬᬸᬦᬦ᭄ᬅᬦᬓ᭄ᬅ
ᬕᬸᬂ᭞ᬗᬭᬸᬲᬓ᭄ᬳᬶᬧᬺᬓᬗ᭄ᬕᭀ᭞ᬩᬢᬸᬓ᭄ᬮᬶᬬᬂᬫᬗ᭄ᬤᬗ᭄ᬳᬶᬮᬶᬲ᭄᭞ᬦᬾᬭᬶᬂᬧᬸᬗ᭄ᬓᬸᬃᬲᬢ᭄ᬭᬸᬦᬾᬦᬾᬭᬶᬂ᭠ᬢᭂᬗᬄᬭᬸᬕᭂᬳᬂ᭚᭜᭚ᬧᬸᬧᬸᬄ᭞᭓᭞ᬧᬗ᭄ᬓᬸᬃ᭚ᬳᭂᬦᭂᬂᬢᬦ᭄ᬓᭀᬘᬧ᭄ᬤᬶᬘᬓᬺ᭞ᬫᬗ᭄ᬓᬶᬜ᭄ᬘᬭᬶ᭠
ᬢᬲᭀᬭᭀᬳᬦ᭄ᬤᬗᬶᬦ᭄ᬚᬸᬭᬶᬂ᭞ᬲᬫ᭄ᬧᬸᬦ᭄ᬩᬾᬩᬲ᭄ᬧᬸᬧᬸᬢ᭄ᬫᬕᬸᬫ᭄᭞ᬢᬶᬗ᭄ᬓᬄᬗᬋᬧᬶᬦ᭄ᬬᬸ᭠ᬤ᭞ᬩᬢᬸᬓ᭄ᬮᬶᬬᬂᬓᭀᬧᬂᬭᬭᬂᬓᬦ᭄ᬢᬶᬦ᭄ᬳᬶᬧᬸᬦ᭄᭞ᬤᬾᬰᬓᬮᬾᬃᬓᬗᬶᬦ᭄ᬢᭂᬮᬲ᭄᭞ᬧ᭄ᬭᬶᬗ᭄ᬕᬭᬢᬓᬳᬋ
ᬧᬶᬦ᭄᭟ᬧ᭄ᬭᬬᬧᬦᬹᬚᬮᬦ᭄ᬰᬓᬺ᭞ᬫᬶᬯᬄᬲᭀᬭᭀᬄᬤᬾᬰᬦᬾᬓᭂᬮᭀᬤ᭄ᬓᬗᬶᬦ᭄᭞ᬫ᭄ᬩᬫ᭄ᬩᬾᬢᬾᬮ᭄ᬭᬯᬸᬄᬓᬢᬜ᭄ᬚᬸᬂ᭞ᬓᬫ᭄ᬧᬸᬂᬫᬦ᭄ᬤᬃᬧᬕᭂᬤᬩ᭄᭞ᬢᬦ᭄ᬳᬸᬘᬧᬦ᭄ᬲᭀᬭᭀᬄᬤᬾᬰᬓᭂᬮᭀᬤ᭄ᬓᬯᬸᬄ᭞
[᭑᭗17A]
ᬫᬦᬸᬭᬸᬢ᭄ᬢᭂᬓᭂᬤ᭄ᬓᬧ᭄ᬭᬾᬱ᭞ᬓᬤᬶᬭᬶᬦᬾᬓᬳᬋᬧᬶᬦ᭄᭟ᬫᬩ᭄ᬭᬶᬬᬸᬓ᭄ᬫᬗᬸᬦ᭄ᬲᬕᬭ᭞ᬫᬾᬄ᭠ᬓᭂᬢᬶᬬᬦ᭄ᬭᬾᬜ᭄ᬘᬗᬾᬫᬜᬋᬗᬶᬦ᭄᭞ᬲᬳᬧ᭄ᬭᬾᬭᬾᬢ᭄ᬩᭂᬮᬵᬕᬜ᭄ᬚᬸᬃ᭞ᬫᬢᬦ᭄ᬤᬓ᭄ᬲᭀᬯᬂᬲᭀᬯᬂ᭠
ᬧᬗ᭄ᬕᬕᬶᬭᬲ᭄ᬭᬾᬜ᭄ᬘᬗᬾᬫᬲᬸᬭᬓ᭄ᬗᭂᬮᬸᬃ᭞ᬓᬤᬾᬜᬫᬩᬳᬦ᭄ᬫᬶᬭᬄ᭞ᬳᬸᬧᬳᬾᬤᬤᬶᬧᬫᬢᬶᬂ᭟ᬢᬸᬳᬭᬩᬸᬳᬸᬂᬫᬦ᭄ᬤᬧᭂᬂ᭞ᬩᬢᬸᬦ᭄ᬩᭂᬤᬶᬮ᭄ᬧᬳᬶᬘᬦ᭄ᬭᬵᬚᬩᬮᬶ᭞ᬓᭀᬘᬧᬂᬤᬶᬓᭀᬧᬂᬲᬫ᭄ᬧᬸᬦ᭄᭞ᬫ᭠
ᬓᬤᬶᬩᬢᬸᬓ᭄ᬮᬶᬬᬂ᭞ᬓᬮᬶᬄᬭᬭᬂᬲᬲᭀᬭᭀᬳᬦ᭄ᬓᬸᬦ᭄ᬢᬶᬦ᭄ᬳᬶᬧᬸᬦ᭄᭞ᬫᬦ᭄ᬤᭂᬲᭂᬓᬶᬦ᭄ᬧ᭄ᬭᬶᬗ᭄ᬕᬭᬢ᭞ᬭᬾᬜ᭄ᬘᬗᬾᬫᬗᭂᬮᭀᬄᬢᬶᬢᬶᬩ᭄᭟ᬓᬤᬶᬳᭂᬫ᭄ᬩᬄᬕᬸᬦᬸᬂᬢᭂᬓᬵ᭞ᬫᬗ᭄ᬕᬭᬸᬤᬸᬕ᭄ᬢᬢᬩᬸᬳᬦᬾᬢᬭᬶᬓ᭄᭞ᬤᬶ
ᬚ᭄ᬭᭀᬦᬶᬂᬳᬮᬲ᭄ᬦᬮᬶᬓᬸᬃ᭞ᬧ᭄ᬭᬶᬗ᭄ᬕᬭᬢᬢᬦ᭄ᬧᭂᬕᬢ᭄᭞ᬫᬫᬶᬤᬶᬮᬶᬦ᭄ᬰᬹᬭᬵᬅᬫ᭄ᬮᬧᬸᬭᬵᬓᬾᬯᬸᬄ᭞ᬫ᭄ᬩᬯᭀᬲᬂᬓᬸᬘᬶᬯᬢᬥᬄ᭞ᬫᬳᬯᬶᬦᬦ᭄᭟ᬫᬫ᭄ᬩᬸᬤᬮᬶᬦ᭄ᬧ᭄ᬭᬶᬗ᭄ᬕᬭᬢ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬢᭀ
Page:Bali-lontar-gaguritan-rusak-sasak-01-300ppi.pdf/17
This page has been proofread.
