[᭑᭗17B]
᭑᭗
ᬲ᭄ᬧᬺᬕᬸᬲ᭄ᬢᬶᬩᬩᭂᬘᬶᬓ᭄᭞ᬓᬤᬯᬸᬳᬦ᭄ᬓᬭᬶᬤᬶᬢᬸ᭞ᬫᬗ᭄ᬕᬫᭂᬮ᭄ᬧ᭄ᬭᬶᬗ᭄ᬕᬭᬢ᭞ᬫᬳᬶᬭᬶᬗᬦ᭄ᬯᬾᬦ᭄ᬢᭂᬦ᭄ᬳᬗᬦ᭄ᬢᬶᬕᬂᬗᬢᬸᬲ᭄᭞ᬧᬕᭂᬄᬢᬸᬳᬭᬚ᭄ᬭᬶᬄᬭᬸᬲᬓ᭄᭞ᬦᬶᬫ᭄ᬧᬮᬶᬦ᭄ᬳᬶᬤᬗᬶᬦ᭄ᬚᬸᬭᬶᬂ᭞ᬰᬹᬭᬅᬫ᭄ᬮ
ᬧᬸᬭᬕᬾᬦ᭄ᬢᬲ᭄᭞ᬭᬶᬂᬦᬃᬫ᭄ᬫᬤᬕᭂᬦᬄᬧᬘᬂᬫᬩᬸᬳᬢᬶᬦ᭄᭟ᬯᬶᬭᬾᬄᬲᬶᬤᬯᬸᬦᬾᬲᬫ᭄ᬧᬸᬦ᭄᭞ᬗ᭄ᬭᬜ᭄ᬚᬶᬂᬓᬩᬢᬸᬓ᭄ᬮᬶᬬᬂ᭞ᬢᬦ᭄ᬓᭀᬘᬧᬦᬃᬫ᭄ᬫᬤᬦᬾᬫᬗ᭄ᬓᬶᬦ᭄ᬤᬶᬢᬸ᭞ᬓᬤᬶᬭᬶᬦᬾᬘᬭᬶᬢᬬᬂ᭞ᬧᬕᭂᬄᬓᬢᬮᬶᬓᬸᬃ
ᬲᬳᬶ᭟ᬩᬳᬦ᭄ᬫᬸᬲᬸᬄᬧ᭄ᬭᬬᬰᬓᬺ᭞ᬲᬳᬓᬦ᭄ᬢᬶᬫᬗᭀᬢᬕ᭄ᬳᬦ᭄ᬢᬸᬓᬦ᭄ᬢᬶ᭞ᬉᬭᬸᬚᬸᬅᬫ᭄ᬮᬦᬕᬦ᭄ᬢᬸᬦ᭄᭞ᬫᬤᭂᬕ᭄ᬓᬲᬹᬭᬦᬶᬤ᭞ᬢᬸᬳᬭᬕᬶᬗ᭄ᬕᬂᬢᬸᬳᬭᬕᬶᬗ᭄ᬲᬶᬃᬦᬳᬦ᭄ᬓᬾᬯᬸᬄ᭟ᬲᬢᬓᬦ᭄ᬫᬸᬲᬸᬄᬓᬲᬶᬤᬦ᭄᭞
ᬓᬧᭂᬦ᭄ᬤᬓ᭄ᬗᬥᬸᬓᬯᬦᬶᬦ᭄᭟ᬳᬦ᭄ᬢᬸᬓᬾᬩᬲ᭄ᬓᬮᬶᬬᬸᬦᬦ᭄᭞ᬫᬸᬲᬸᬄᬲᭂᬮᬫ᭄ᬫᬗᬋᬧᬶᬦ᭄᭠ᬓᬤᬶᬭᬶ᭞ᬚᬕᬭᬕᬮᬶᬮᬶᬄᬭᬶᬜ᭄ᬘᬸᬂ᭞ᬲᭀᬭᭀᬳᬦ᭄ᬕᬫᬢᬶᬃᬢ᭄ᬢ᭞ᬤᭂᬮᭀᬤ᭄ᬩᬩᬓ᭄ᬲᬫᬶᬩᬦ᭄ᬢᬲ᭄ᬫᬸ᭠
[᭑᭘18A]
ᬯᬦᬶᬳᭂᬮᬸᬄ᭞ᬧᬥᬗᬮᬶᬄᬓᬳᬸᬭᬶᬧᬦ᭄᭞ᬓᬦᬕᬭᬫᬢᬹᬃᬪᬓ᭄ᬢᬶ᭟ᬫᬸᬲᬸᬳᬾᬲᬫ᭄ᬧᬸᬦ᭄ᬗᬫ᭄ᬩᭂᬮᬂᬦᬾᬤᬶᬳᬸᬄᬓᬤᬶᬭᬶᬢᭂᬮᬲᬫᬶ᭞ᬕᬮᭀᬕᭀᬃᬓᬦ᭄ᬩᭂᬮᬢᭂᬧᬸᬂ᭞ᬩᬮᬾᬓᬓᬮᬶᬄᬭᬸᬧ᭞ᬢᬦ᭄ᬳᬸᬘᬧᭂᬦ᭄ᬧ
ᬤᬸᬲᬸᬦᬦ᭄ᬘᭀᬭᭀᬄᬤᬶᬢᬸ᭞ᬦᬾᬤᬶᬘᬓ᭄ᬭᬘᬭᬶᬢᬬᬂ᭞ᬅᬦᬓ᭄ᬅᬕᬸᬂᬗᬸᬭᬄᬮᬶᬗ᭄ᬲᬶᬃ᭟ᬲ᭠ᬲᬜ᭄ᬚᬢᬲᬫ᭄ᬧᬸᬦ᭄ᬦᬧᬓ᭄᭞ᬩᬢᬸᬩᬢᬸᬲᭀᬭᭀᬄᬫᬲᬶᬓᭂᬧ᭄ᬩᭂᬤᬶᬮ᭄᭞ᬲᬾᬬᭀᬲ᭄ᬦᬾᬜᬫ᭄ᬩᬸᬢ᭄ᬩᬩᬭᬸ᭞
ᬯᬢᭂᬓ᭄ᬯᬃᬕ᭄ᬕᬶᬩᬸᬓ᭄ᬧᬤᬦ᭄᭞ᬅᬦᬓ᭄ᬅᬕᬸᬂᬮᬾᬦ᭄ᬧᬸᬗ᭄ᬕᬯᬮᬶᬗ᭄ᬲᬶᬃᬕᬸᬧᬸᬄ᭞ᬗᭂᬢᭀᬕ᭄ᬢᬶᬳᬂᬫᬓᭂᬚᬂ᭞ᬲᬤᬕᬶᬂᬓᭀᬢᬫᬗᬶᬭᬶᬂ᭟ᬯᬾᬦ᭄ᬢᭂᬦ᭄ᬲᬶᬓᭂᬧ᭄ᬢᬶᬕᬂᬗᬢᬓ᭄᭞ᬢᬸᬢᬶᬂᬚᬤᬫᬲᬶᬗ᭄ᬲᭂᬢ᭄ᬕᬶᬦ᭄ᬢᬶᬂ᭞ᬩ᭄ᬭᬳ᭄ᬫᬵᬦ
ᬲᬮᬶᬗ᭄ᬕᬶᬄᬫᬶᬮᬸ᭞ᬯᬾᬦ᭄ᬢᭂᬦ᭄ᬗᭂᬫᬶᬢ᭄ᬩᬜ᭄ᬘᬶᬗᬄ᭞ᬫᬦᬸᬭᬾᬓ᭄ᬱᬧᬓᭂᬫᬶᬢ᭄ᬓᭀᬢᬦᬾᬜᬢᬹᬃ᭞ᬅᬦᬓ᭄ᬅᬕᬸᬂᬗᬸᬭᬄᬳᬶᬤ᭞ᬫᬫᬃᬕ᭄ᬕᬶᬫᬯᬸᬦᬜ᭄ᬚᬸᬮᬶ᭟ᬗᭂᬦ᭄ᬤᬶᬄᬫᬸᬭᬸᬩ᭄ᬩᬦ᭄ᬧ᭄ᬭᬥ᭞ᬧᬬᬸᬂᬳᬕᬸᬂᬳᬦᬹ
Page:Bali-lontar-gaguritan-rusak-sasak-01-300ppi.pdf/18
This page has been proofread.
