[᭑᭕15B]
᭑᭕
ᬅᬕᬸᬂᬮᬶᬗ᭄ᬲᬶᬃ᭞ᬰᬹᬭᬵᬅᬫ᭄ᬮᬧᬸᬭᬵᬧᬘᬂᬫᬗ᭄ᬕᬫᭂᬮᬂ᭟ᬧ᭄ᬭᬶᬗ᭄ᬕᬭᬭᬦᬾᬳᬶᬭᬶᬓᬵ᭞ᬜᬦ᭄ᬤᬂᬧᬶᬲᬦ᭄ᬧᬶ᭠ᬓᬸᬓᬸᬳᬶᬦ᭄᭞ᬳᬶᬳᬭᬶᬢᬍᬃᬧᬢᬸᬢᬦ᭄᭞ᬭᬶᬂᬓᬤᬶᬭᬶᬫᬶᬓᬸᬓᬸᬳᬶᬦ᭄᭞ᬧᬸᬧᬸᬢ᭄᭞ᬩᬩᬯᭀᬲ᭄ᬩᭂᬘᬶᬓ᭄᭞ᬓᭀᬘᬧᬂ
ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬧᬸᬬᬸᬗᬾᬓᬩᬸᬤᬮᬂ᭞ᬰᬹᬭᬵᬅᬫ᭄ᬮᬧᬸᬭᬵᬕᭂᬮᬶᬲ᭄᭞ᬦᬧᬓ᭄ᬭᬯᬸᬄᬭᬶᬂᬓᬸ᭠ᬝᬵᬘᬓ᭄ᬭᬗᬢᬸᬭᬂ᭟ᬭᬶᬂᬳᬶᬳᬚᬶᬲᬧᬺᬢᬶᬗ᭄ᬓᬄ᭞ᬓᬧᬮᬦᬾᬘᭀᬗᬄᬲᬫᬶ᭞ᬤᬗᬶᬦ᭄ᬚᬸᬭᬶᬂᬤᭂᬮᭀᬤ᭄ᬧ᭄ᬭᬬ᭞ᬓᬗ᭄ᬕᭂ᭠
ᬓ᭄ᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬭᬭᬶᬲ᭄ᬗᬦ᭄ᬤᬶᬓᬳᬭᬶᬲ᭄᭞ᬢᬶᬢᬄᬳᬸᬕᬶᬯᬱ᭄ᬝᬦᬶᬧᬸᬦ᭄᭞ᬢᬢᬓ᭄ᬲᬫᭂᬗ᭄ᬕᬄᬳᬶᬤ᭞ᬪᬝᬵᬭᬳ᭄ᬬᬂᬧ᭄ᬭᬫᬯᬶ᭞ᬳᬮᬳᬬᬸᬯᬦ᭄ᬢᬄᬳᬶᬤᬫᬧᬳᬶᬘ᭄ᬙ᭟ᬦᬗ᭄ᬳᬶᬂᬩᬸᬢᬸᬲᬾᬧᬫᬶᬢᬂ᭞ᬧᬢᬹᬢᬾᬳᬸᬕᬶ
ᬫᬃᬕ᭄ᬕᬶᬦᬶᬦ᭄᭞ᬩ᭄ᬭᬢ᭄ᬢᬓᬓ᭄ᬱᬢ᭄ᬭᬶᬬᬦᬾᬓᬯᭀᬢ᭄᭞ᬧᬕᭂᬄᬫᬢᬮᬂᬭᬶᬂᬚᬸᬭᬶᬢ᭄᭞ᬳᬶᬳᬦᬓ᭄ᬮᬶᬦ᭄ᬢᬂᬗᬶᬭᬶᬂ᭞ᬩᬩᬯᭀᬲ᭄ᬓᬮᬶᬦ᭄ᬢᬂᬧᬢᬸᬢ᭄᭞ᬭᬭᬶᬲ᭄ᬫᬧᬫᬶᬢ᭄ᬩᬸᬤᬮ᭄᭞ᬧᬘᬂᬧᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬰᬹᬭᬵᬅᬫ᭄ᬮᬧᬸᬭᬵᬗ᭄ᬕ᭠
[᭑᭖16A]
ᬫᭂᬮ᭄ᬧ᭄ᬭᬶᬗ᭄ᬕᬭᬢ᭟ᬧᬸᬦᬶᬓᬲᬫ᭄ᬧᭂᬢ᭄ᬦᬕᬭ᭞ᬫᬓᬤᬶᬦᬶᬧᬸᬦ᭄ᬓᬤᬶᬭᬶ᭞ᬢᬜ᭄ᬘᬭᬶᬢᬲᬫ᭄ᬧᬸᬦᬧᬓ᭄᭞ᬫᬕᬫᭂᬮᬾᬫᬓᬓᬮᬶᬄ᭞ᬓᭀᬘᬧᬦ᭄ᬭᬶᬂᬦᬕᬭ᭞ᬅᬕᬸᬂᬮᬶᬗ᭄ᬲᬶᬃᬓᬾᬯᬸᬄ᭞ᬳᬦ᭄ᬢᬸᬓᬳᬢᬹᬃᬢᭂᬭᬂ᭞ᬓ᭠
ᬧᬮᬅᬫ᭄ᬧᭂᬦᬦ᭄ᬲᬳᬶᬤ᭄᭞ᬫᬫ᭄ᬩᭂᬓ᭄ᬩᬶᬚᬸᬕ᭄᭞ᬓᭂᬗᬶᬦ᭄ᬧᬫᬸᬲᬸᬗᬦ᭄ᬘᭀᬗᬄ᭟ᬗᭂᬦ᭄ᬢᬸᬗᬶᬦ᭄ᬭᬯᭀᬲ᭄ᬫᬓᭂᬚᬂ᭞ᬲᬧᬺᬓᬗ᭄ᬕᭀᬲᭂᬮᬫ᭄ᬲᬫᬶ᭞ᬦᬸᬭᬸᬢ᭄ᬫᬧᬦ᭄ᬋᬓᬾᬳᬶᬬ᭞ᬳᬶᬲᬳᬶᬤ᭄ᬚᬸᬜ᭄ᬚᬸᬗᬯᬶᬳᬓ᭄ᬢᬶ᭞ᬓᭀᬘᬧ᭄
ᬫᬩᬗ᭄ᬰᬢᬶᬗ᭄ᬕᬶ᭞ᬓᬧᬸᬗ᭄ᬓᬸᬃᬫᬦ᭄ᬤᬤᬶᬅᬕᬸᬂ᭞ᬬᬦ᭄ᬲᬫ᭄ᬧᬸᬦ᭄ᬫᬜᬶᬤᬬᬂ᭞ᬓᬯᭀᬦ᭄ᬳᬶᬤᬭᬵᬚᬩᬮᬶ᭞ᬢᬸᬳᬭᬲᬦ᭄ᬢᬸᬮ᭄ᬳᬶᬥᭂᬧ᭄ᬲᭂᬮᬫᬾᬫᬫᬜ᭄ᬚᬓ᭄᭟ᬳᬶᬤᬳᬦᬓ᭄ᬅᬕᬸᬂᬗᬸᬭᬄ᭞ᬩᬾᬩᬲ᭄ᬩᬩᬯᭀᬲᬾᬭᬭᬶᬲ᭄
ᬗᬸᬢᬸᬲ᭄ᬲᭀᬭᭀᬄᬩᬢᬸᬩᬢ᭞ᬫᬩᬲ᭄ᬢᬳᬶᬩᬗ᭄ᬰᬲᬳᬶᬤ᭄᭞ᬓᬳᬢᬹᬃᬓᬦᬕᬭᬶ᭞ᬗᬚᬓ᭄ᬧᬦᬓ᭄ᬤᬤᬸᬳᬳᬲᬫ᭄ᬧᬸᬦ᭄᭞ᬓᬧ᭄ᬭᬾᬓ᭄ᬱᬓᬧᬸᬧᬸᬢᬦ᭄᭞ᬓᬳᬶᬮᬗᬂᬭᬶᬂᬦᬕᬭᬶ᭞ᬓᬮᬶᬄᬳᭂᬦ᭄ᬢᭀᬳᬶᬧ᭄ᬭᬓᬗ᭄ᬕᭀᬩ
Page:Bali-lontar-gaguritan-rusak-sasak-01-300ppi.pdf/16
This page has been proofread.
