[᭑᭔14B]
᭑᭔
ᬲᬗᬶᬤ᭄᭞ᬢᬸᬳᬭᬲᬸᬳᬸᬤ᭄ᬗᬤᬸᬳᬤᬸ᭞ᬫᬓ᭄ᬭᬡᬵᬚᬕᬢᬾᬭᬸᬦ᭄ᬤᬄ᭞ᬳᬶᬧ᭄ᬭᬓᬗ᭄ᬕᭀᬓᭀᬧᬂᬯᬶᬳᬓ᭄ᬢᬶ᭞ᬫᬸᬮᬦᬶᬧᬸᬦ᭄ᬓᬢᬳᬦ᭄ᬲᬓᬶᬂᬭᬶᬳᬶᬦᬦ᭄᭟ᬭᬶᬂᬦᬕᬭᬲᬶᬲᬶᬧ᭄᭞ᬢᬸᬳᬭᬭᬚᬶᬦ᭄ᬫᬗ᭄ᬯᬶᬮᬗᬶᬦ᭄᭞ᬫᬦᬸᬤᬸ᭠
ᬓ᭄ᬳᬃᬢ᭄ᬢᬳᬲᬶᬮᬦ᭄᭞ᬭᬶᬂᬭᬾᬜ᭄ᬘᬗᬾᬳᬮᬶᬢ᭄ᬲᬫᬶ᭞ᬳᬓᬸᬤᬂᬫᬲᬓᬶᬗᬶᬦ᭄᭞ᬳᬸᬢᬗᬾᬲᬫ᭄ᬧᬸᬦ᭄ᬫᬘᬸᬘᬸ᭠ᬮ᭄᭞ᬧᬶᬂᬢᭀᬂᬦᬯᬂᬳᬸᬫᬄ᭞ᬚᬦᬶᬫ᭄ᬩᬸᬳᬦ᭄ᬤᬬᬩᭂᬘᬶᬓ᭄᭞ᬫᬍᬲ᭄ᬳᬸᬓᬸᬫ᭄᭞ᬓᬦᬕᬭᬧᬘᬂᬘᭀᬗᬄ᭟ᬳᬶᬧ᭄ᬭᬓᬗ᭄ᬕᭀ
ᬩᬢᬸᬓ᭄ᬮᬶᬬᬂ᭞ᬳᭀᬃᬢ᭄ᬢᬬᬂᬓᬤᬗᬶᬦ᭄ᬚᬭᬶᬂ᭟ᬫᬢᬶᬦᬾᬩᬳᬦ᭄ᬲᬜ᭄ᬚᬢ᭞ᬩᬯᬸᬢᭂᬓᭂᬓᬓᭂᬫ᭄ᬩᬭᬶᬦ᭄᭞ᬫᬗᬚᬓ᭄ᬧᬦᬓ᭄ᬫᬢᬶ᭞ᬳᬶᬧᬺᬓᬗ᭄ᬕᭀᬓᭀᬧᬂᬲᬫ᭄ᬧᬸᬦ᭄᭞ᬲᬶᬤᬫᬩᬳᬤᬬ᭞ᬮᭀᬮᭀᬲᬾᬓᬤᬗᬶᬦ᭄ᬚᬭᬶᬂ᭞ᬢᭂ
ᬗ᭄ᬮᬯᬸᬢ᭄ᬓᬩᬢᬸᬓ᭄ᬮᬶᬬᬂᬜᬭᬶᬢ᭟ᬫᬶᬯᬄᬢᭂᬓᬾᬦ᭄ᬳᬶᬓᬧᬮ᭞ᬤᬾᬰᬘᭀᬭᬄᬤᬗᬶᬦ᭄ᬫᬃᬕ᭄ᬕᬶᬚᬸᬭᬂ᭞ᬳᬧᬂᬓᬧ᭄ᬭᬚᬦᬶᬧᬶᬲᬦ᭄᭞ᬫᬩᬶᬬᬸᬓ᭄ᬘᭀᬗᬄᬭᬾᬄᬚᬢᬶ᭞ᬦᬾᬓᬗ᭄ᬕᭀᬗᬧᬮᬶᬳᬶᬦ᭄᭞ᬤᬶᬩᬢᬸᬓ᭄ᬮᬶᬬᬂᬬᬲᬫ᭄ᬧᬸᬦ᭄
[᭑᭕15A]
ᬭᬸᬲᬓ᭄ᬫᬗᬚᬓ᭄ᬧᬦᬓ᭄᭞ᬓᬾᬢᭀᬩᬳᬜᬦ᭄ᬤᬃᬢ᭄ᬢᬳᬶᬦ᭄᭞ᬢᭂᬓᬘᬸᬦᬸᬢ᭄ᬳᬶᬧ᭄ᬭᬓᬗ᭄ᬕᭀᬦᬾᬫᬓᭂ᭠ᬚᬂ᭟ᬫᬗ᭄ᬕᬸᬕᭀᬦᬶᬦ᭄ᬧᬶᬲᬦ᭄ᬓ᭄ᬭᬸᬡᬵ᭞ᬦᬾᬦᬾᬗᬤᬬᬂᬦᬾᬦᬾᬢᭀᬲᬶᬂᬧ᭄ᬭᬕᬢ᭄ᬭᬭᬱᬜᬲᬸᬩ᭞ᬲᬓᭀᬗ᭄ᬓᭀ
ᬮ᭄ᬭᬶᬂᬩᬗ᭄ᬓᭀᬮ᭄ᬫᬳᬶᬮ᭄᭞ᬧᬘᬂᬜᬶᬳ᭄ᬦᬬᬂᬫᬗ᭄ᬓᬶᬦ᭄᭞ᬫᬗ᭄ᬭᬶᬲ᭄ᬢᬢᬢᬶᬦ᭄ᬤᬶᬄᬫᬮᬸ᭞ᬲᭀᬭᭀᬳᬦ᭄ᬕᬫᬢᬶᬃᬢ᭄ᬢ᭞᭠ᬦᬾᬫᬦᭀᬗᭀᬲ᭄ᬤᬗᬶᬦ᭄ᬚᬸᬭᬸᬂ᭞ᬯᬶᬳᬓ᭄ᬢᬶᬲᬫ᭄ᬧᬸᬦ᭄ᬓᬕᭂᬩᬸᬕ᭄ᬫᬓᭂᬚᬂᬩᬸᬦ᭄ᬢᬲ᭄᭟ᬲᬓᬓᬭᬾᬦ᭄ᬩᬦᬶᬭᬸ᭠
ᬲᬓ᭄᭞ᬫᬗᬮᬲ᭄ᬗᬮᬶᬄᬓᬕᬭᬶ᭞ᬳᭂᬮᬸᬄᬫᬸᬳᬦᬶᬘᭂᬦᬶᬓ᭄ᬢᬸᬯ᭞ᬧᬓ᭄ᬭᬾᬬᬓ᭄ᬩᬶᬮᬂᬫᬃᬕ᭄ᬕᬶ᭞ᬳᬤᬜᬶᬗᬮ᭄ᬫᬜᬸᬗ᭄ᬕᬶ᭞ᬮᬾᬦ᭄ᬳᬤᬦᭂᬕᭂᬦ᭄ᬫᬜᬸᬯᬸᬤ᭄᭞ᬍᬫᭂᬂᬍᬫᬄᬫᬚᬮᬦ᭄᭞ᬓᭀᬘᬧᬂᬤᬶᬧᬸᬬᬸᬂᬫᬗ᭄ᬓᬶᬦ᭄᭞ᬲᬸᬩᬓᬢᬸᬃ
ᬲᬤᬾᬰᬤᬾᬰᬦᬾᬘᭀᬗᬄ᭟ᬳᬶᬤᬗᬶᬦ᭄ᬚᬸᬭᬶᬂᬫᬓᭂᬚᬂ᭞ᬲᬤᭂᬮᭀᬤ᭄ᬧ᭄ᬭᬬᬦᬶᬦᬹᬢᬶᬦ᭄᭞ᬫᬩᬩ᭠ᬯᭀᬲ᭄ᬭᬶᬂᬳᬭᬶ᭞ᬓᬮᬶᬄᬧᬸᬗ᭄ᬕᬯᬲᬫᬶ᭞ᬧᬓᬬᬸᬦᬦ᭄ᬫᬗ᭄ᬓᬶᬦ᭄ᬢᭂᬤᬸᬦ᭄᭞ᬗᬢᬸᬭᬂᬧᬗᬯᬶᬓᬦ᭄᭞ᬭᬶᬂᬅᬦᬓᬾ
Page:Bali-lontar-gaguritan-rusak-sasak-01-300ppi.pdf/15
This page has been proofread.
