[᭑᭓13B]
᭑᭓
ᬕᬦᬶᬕᬸᬫᬦ᭄ᬢᬶᬫᬗᬶᬭᬶᬂ᭞ᬅᬦᬓᬾᬳᬕᬸᬂᬯᬶᬳᬓ᭄ᬢᬶ᭞ᬫᬫᬸᬧᭀᬦᬶᬦ᭄ᬚᬕᬢ᭄ᬮᬦ᭄ᬤᬸᬄ᭞ᬦᬗ᭄ᬳᬶᬂᬭᬶᬳᬶᬦᬂᬧᬶᬲᬦ᭄᭞ᬓᬩᬭᬾᬳᬢᬸᬭᬂᬲᬫᬶ᭞ᬧᬶᬮᬶᬄᬓᬾᬗᬶᬦ᭄ᬯᬾᬦ᭄ᬢᭂᬦ᭄ᬲᬸᬯᬾᬘᬦᬶᬂᬪᬝᬵᬭ᭟ᬧᬗ᭄ᬭᬯᭀᬲᬾᬫᬜᬶᬤᬬᬂ᭞᭠
ᬧᬸᬘᬄᬢᬩᬸᬦᬤᬾᬕᭂᬮᬶᬲ᭄᭞ᬳᬶᬩᬗ᭄ᬓᭀᬮ᭄ᬫᬳᬶᬮ᭄ᬧ᭄ᬭᬬ᭞ᬳᬾᬗ᭄ᬕᬮ᭄ᬧᬗ᭄ᬭᬶᬲ᭄ᬢᬦᬾᬓᬶᬗᬶᬦ᭄᭞ᬦᬾᬫᬗ᭄ᬓᬶᬦ᭄ᬫᬗ᭄ᬭᬶᬳᬶᬦᬶᬦ᭄᭞ᬦᬾᬤᬶᬩᬢᬸᬓ᭄ᬮᬶᬬᬂᬢᭂᬤᬸᬳ᭞ᬧ᭄ᬭᬓᬗ᭄ᬕᭀᬲᬫ᭄ᬧᬸᬦ᭄ᬢᬸᬯ᭞ᬋᬋᬄᬳᬶᬧᬸᬦ᭄ᬳᬸᬕᬶᬫᬗ᭄ᬓᬶᬦ᭄᭞ᬦᬾ᭠
ᬳᬶᬭᬶᬓᬧᬶᬥᬃᬢᬳᬶᬦ᭄ᬧᬗᬦ᭄ᬤᬶᬓ᭟ᬕᬸᬦ᭄ᬢᬢ᭄ᬅᬫ᭄ᬮᬧᬸᬭᬵᬳᬶᬤ᭞ᬓᬮᬶᬄᬪᬳᬸᬥᬡ᭄ᬥᬲᬫᬶ᭞ᬫᬫᬢᬸᬓ᭄ᬭᬯᭀᬲᬾᬩᬩᬲ᭄᭞ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬗᭂᬲᬾᬗᬶᬦ᭄ᬧᬭᬫᬗ᭄ᬓᬶᬦ᭄᭞ᬧᬺᬓᬗ᭄ᬕᭀᬢᬸᬯᬯᬸᬲ᭄ᬓᬢᬹᬃ᭞ᬭᬶᬂᬳᬚᭂᬂ᭠
ᬰᬹᬭᬅᬫ᭄ᬮᬧᬸᬭᬵᬫᬧᬸᬢᬸᬲᬦ᭄ᬕᭂᬮᬶᬲ᭄᭞ᬫᬦ᭄ᬤᬯᬸᬳᬂᬓᬤᬶᬧᭂᬳᬶᬂᬧᬓᬬᬸᬦᬦ᭄᭟ᬳᬶᬢᬸᬯᬢᬦ᭄ᬳᬓᬾᬄᬫᬦᬄ᭞ᬧᬧᭀᬮᭀᬲᬦ᭄ᬢᭂᬓᬗᬶᬭᬶᬂ᭞ᬗᬚᬓ᭄ᬧᬶᬳᬦᬓ᭄ᬦᬾᬘᭂᬭᬶᬓᬦ᭄᭞ᬳᬤᬶᬭᬶᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬸᬢᬸᬲᬦ᭄᭠
[᭑᭔14A]
ᬫᬫ᭄ᬩᬋᬗᬶᬦ᭄᭞ᬦᬫ᭄ᬧᬶᬧᬯᬘᬦᬧᬢᬸᬢ᭄᭞ᬧᬘᬂᬓᬢᬸᬃᬭᬶᬂᬳᬶᬤ᭞ᬅᬦᬓ᭄ᬅᬕᬸᬂᬗᬸᬭᬄᬮᬶᬗ᭄ᬲᬶᬃ᭞ᬕᭂᬮᬶᬲ᭄ᬭᬯᬸᬄᬭᬶᬂᬦᬕᬭᬲᬫ᭄ᬧᬸᬦ᭄ᬩᬾᬩᬲ᭄᭟ᬲᬫᬶᬯᭂᬓᬲ᭄ᬯᭂᬓᬲ᭄ᬳᬶᬤ᭞ᬰᬹᬭᬵᬅᬫ᭄ᬮᬧᬸᬭᬵᬭᬭᬶᬲ᭄᭞ᬳᬶᬧᬺᬓᬗ᭄ᬕᭀ
ᬩᬢᬸᬓ᭄ᬮᬶᬂᬬᬂ᭞ᬓᬧ᭄ᬭᬾᬓ᭄ᬱᬫᬢᬳᬦ᭄ᬭᬭᬶᬲ᭄᭞ᬯᬶᬭᬾᬄᬓᬳᬢᬹᬃᬚᬢᬶ᭞ᬲᬓᭀᬗ᭄ᬓᭀᬮ᭄ᬓᬧ᭄ᬭᬬᬢᬶ᭠ᬦᬹᬢ᭄᭞ᬦᬗ᭄ᬳᬶᬂᬓᬭᬶᬫᬶᬚᬦ᭄ᬢᭀᬲ᭄᭞ᬫᬗᬦ᭄ᬢᭂᬦᬂᬫᬦᬄᬲᬸᬘᬶ᭞ᬳᬫ᭄ᬩᭂᬓ᭄ᬧᬸᬗ᭄ᬕᬸᬂᬘᭀᬗᬄᬢᭂᬓᬾᬦ᭄ᬧᬜᬸᬗ᭄ᬲᬸᬗᬦ᭄᭟
ᬓᭀᬘᬧ᭄ᬋᬓᬾᬤᬸᬓᬾᬮᬯᬲ᭄᭞ᬓᬯᬶᬢᬦ᭄ᬳᬶᬧᬸᬦ᭄ᬲᬯᬶᬳᬓ᭄ᬢᬶ᭞ᬦᬸᬳᬸᬃᬭᬵᬚᬩᬮᬶᬗ᭄ᬭᬶᬲ᭄ᬢ᭞ᬲᬲᬓᬾᬫᬯᬦᬦ᭄ᬓᭂᬦᬶ᭞ᬳᬶᬩᬢᬸᬓ᭄ᬮᬶᬬᬂᬢᬸᬗ᭄ᬕᬶᬮ᭄᭞ᬭᬶᬂᬧ᭄ᬭᬬᬢᭂᬋᬄᬳᬶᬧᬸᬦ᭄᭟ᬢᬸᬭᬸᬦᬦ᭄ᬩᬜ᭄ᬚᬃᬕᭂᬢᬲ᭄᭞ᬤᬸᬳᬦᬶᬂᬧᬶᬦᬶᬄᬓᬚ
ᬕ᭄ᬭᬳᬶᬦ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬳᬶᬧᬺᬓᬗ᭄ᬕᭀᬦᬾᬤᬶᬓᭀᬧᬂ᭟ᬘᭂᬮᬂᬫᬤᬬᬳᬸᬧᬬ᭞ᬓᬲᬓ᭄ᬱᬢ᭄ᬧᬢᬶᬄᬭᬶᬂᬫᬥᬳᬶᬦ᭄᭞ᬓᭀᬘᬧ᭄ᬭᬶᬂᬮᭀᬦ᭄ᬢᬃᬓᬯᬶᬢᬦ᭄᭞ᬧᬢᬶᬄᬪᬓ᭄ᬢᬓ᭄ᬗᭀᬘᬾᬢ᭄ᬲᬫᬶ᭞ᬭᬯᭀᬲᬾᬧᬾᬦ᭄ᬢᭂᬃ᭠
Page:Bali-lontar-gaguritan-rusak-sasak-01-300ppi.pdf/14
This page has been proofread.
