[᭑᭒12B]
᭑᭒
ᬲᬬᬦ᭄ᬭᬸᬲᬓ᭄᭞ᬗᭂᬢᬶᬄᬧᬕᬫᭂᬮᬾᬕᬜ᭄ᬚᬶᬄ᭞ᬫᬩᬶᬳᬬᬸᬳᬦ᭄ᬲᬫ᭄ᬩᭂᬦ᭄ᬳᬶᬬᭀᬂ᭞ᬯᬭᬯᬶᬭᬶᬕᬗ᭄ᬲᬃᬕᬶᬗ᭄ᬲᬶᬃ᭞ᬦᬾᬦᬾᬓᬩᬯᭀᬲᬶᬲᬶᬧ᭄᭞ᬓᬢᬸᬤᬸᬄᬫᬓᬸᬝᬵᬓᬸᬭᬸᬂ᭞ᬤᬶᬧᭂᬢᭂᬗᬾᬫᬗᬼᬕᬃ᭞ᬢᭀᬂᬓᬦ᭄ᬢᬶᬳᬢᬸᬕᭂᬮ᭄
ᬲᬶᬮᬶᬤ᭄᭞ᬧᬭᬾᬦ᭄ᬫᬸᬲᬸᬄᬫᬮᬳᬶᬩ᭄ᬗᬸᬢᬂᬢᬓᬶᬮᬦ᭄᭟ᬤᬤᬶᬓᬢᬹᬃᬓᬦᬕᬭ᭞ᬲᬲᭀᬮᬳᬾᬭᬶᬂᬳᬶᬳᬚᬶ᭞ᬳᬶᬅᬚᬶᬕᭂᬮᬶᬲ᭄ᬗᬸᬢᬸᬲᬂ᭞ᬉᬭᬸᬚᬸᬳᬫ᭄ᬮᬦᬕᬭᬶ᭞ᬭᬯᬸᬄᬓᬧᬸᬬᬸᬂᬯᬶᬬᬓ᭄ᬢᬶ᭞ᬫᬗᬦ᭄ᬢᬶᬦᬶᬦ᭄ᬬᬸᬤᬤᬶᬢᬸ᭞
ᬫᬲᬶᬄᬢᬸᬳᬭᬤᬓᬲᬶᬤᬦ᭄᭞ᬓᬤᬸᬂᬓᬓᭂᬦ᭄ᬢᬦᬾᬧᭂᬮᬶᬄ᭞ᬫᬦᬳᬶᬧᬸᬦ᭄ᬳᬶᬓᬯᬸᬮᬲᬫᬶᬲᬕ᭄ᬲᬕ᭄᭟᭠ᬩᬳᬦᬾᬓᭂᬤᭂᬂᬢᬸᬫ᭄ᬩᬸᬓᬂ᭞ᬲᬤᬸᬓ᭄ᬧᬗᬺᬕᬳᬾᬓᬯᬶᬢ᭄᭞ᬓᬮᬶᬄᬲᭀᬭᭀᬄᬚᬚᬭᬳᬦ᭄᭞ᬫᬢᬸᬦ᭄ᬤᬸᬦ᭄ᬫᬓᭂᬚᬂ᭠
ᬓᬫ᭄ᬩᬶᬮ᭄᭞ᬰᬹᬭᬵᬫ᭄ᬮᬧᬸᬭᬵᬗᬫ᭄ᬩᬶᬮ᭄᭞ᬲᬦᬾᬓᬯᬶᬓᬦᬂᬓᬢᬹᬃ᭞ᬧᬸᬦᬶᬓᬦᬾᬫᬓ᭄ᬭᬡ᭞ᬓᬮᬶᬂᬓᬾᬦᬾ᭠ᬫᬸᬮᬕᬜ᭄ᬚᬶᬄ᭞ᬫᬦᬄᬳᬶᬧᬸᬦ᭄ᬲᬸᬪᬓ᭄ᬢᬶᬦᬾᬓᬦᬕᬭ᭟ᬫᬓᭂᬚᬂᬜᬓᬶᬢ᭄᭞ᬤᬶᬫᬦᬄ᭞ᬦᬗ᭄ᬳᬶᬂᬢᭀᬦ᭄ᬤᬾᬦ᭄ᬓᭂᬚ᭠
[᭑᭓13A]
ᬮᬦᬶᬦ᭄᭞ᬫᬜᬶᬳ᭄ᬦᬬᬂᬳᬶᬥᭂᬧ᭄ᬘᭀᬗᬄ᭞ᬭᬭᬱᬦᬾᬤᬸᬭᬸᬂᬧᬲ᭄ᬢᬶ᭞ᬯᬶᬭᬾᬄᬩᬸᬳᬶᬦ᭄ᬫᬓᬮᬶᬦ᭄᭞ᬧᬗ᭄ᬭᬯᭀᬲ᭄ᬳᬶᬩᬗ᭄ᬓᭀᬮ᭄ᬗᬕᬸᬫ᭄᭞ᬢᭀᬦ᭄ᬤᬾᬦ᭄ᬓᬲᬶᬤᬦ᭄ᬳᬲᬢ᭄᭞ᬭᬸᬫ᭄ᬩᬾᬓᬭᬶᬤᬸᬭᬸᬂᬗᬶᬮᬶᬲ᭄᭞ᬲᬂᬅᬫ᭄ᬮᬧᬸ
ᬭᬵᬕᭂᬮᬶᬲ᭄ᬫᬕᬸᬦᬶᬢ᭟ᬓᬳᬶᬭᬶᬂᬳᬦ᭄ᬢᬸᬓ᭄ᬧᬸᬗ᭄ᬕᬯ᭞ᬫᬓᬤᬶᬳᬶᬤᬳᬶᬳᬭᬶ᭞ᬰᬹᬭᬵᬅᬫ᭄ᬮᬧᬸᬭᬵᬳᬶᬤ᭞ᬫ᭄ᬩᬄᬩᬳᬂᬧᬗ᭄ᬭᬯᭀᬲ᭄ᬩᭂᬘᬶᬓ᭄᭞ᬧᬓᬬᬸᬦᬾᬫᬗ᭄ᬓᬶᬦ᭄᭞ᬫᬫᬭᬓᬂᬤᬬᬲᬭᬸ᭞ᬗᭂᬲᬾᬗᬶᬦ᭄ᬳᬶᬧᬺᬓᬗ᭄ᬕᭀ
ᬲᬓᬶᬂᬧᬗᬸᬢᬸᬲ᭄ᬳᬶᬳᬚᬶ᭞ᬫᬗ᭄ᬤᬭᬯᬸᬄᬲᬫᬶᬢᭂᬤᬸᬦ᭄ᬓᬦᬕᬭ᭟ᬫᬜᬶᬳ᭄ᬦᬬᬂᬓᬲᬸᬲ᭄ᬭᬸᬲᬦ᭄᭞ᬭᬶᬂᬅᬦᬓᬾᬅᬕᬸᬂᬮᬶᬗ᭄ᬲᬶᬃ᭞ᬧᬘᬂᬤᬯᬸᬄᬧᬯᬘᬦ᭞ᬧᬗᬾᬫᬦᬾᬢᬸᬳᬭᬫᬮᬶᬄ᭞ᬯᬶᬭᬾᬄᬲᬓᬤᬶᬫᬗ᭄ᬓᬶᬦ᭄᭞ᬳᬶᬧ᭄ᬭ᭠
ᬬᬮᬶᬦ᭄ᬢᬂᬤᬸᬤᬹ᭞ᬫᬳᬫ᭄ᬩᭂᬓ᭄ᬧᬧᬂᬫᭀᬫᭀ᭞ᬩᬗ᭄ᬕᬬᬂᬦ᭄ᬤᬾᬯᬾᬓ᭄ᬗᭂᬫᬲᬶᬦ᭄᭞ᬅᬦᬓ᭄ᬅᬕᬸᬂᬗᬸᬭᬄᬓᬮᬶᬦ᭄ᬢᬗᬶᬂᬲᬸᬯᬾᬘ᭄ᬙ᭟ᬧᬓᬬᬸᬦᬦ᭄ᬗᬯᬸᬮᬲᬂ᭟ᬭᬶᬂᬭᬬᬢᬾᬲᬦᬾᬪᬓ᭄ᬢᬶ᭞ᬫᬗ᭄ᬤᬦᬸᬮᬸᬲ᭄ᬓᬳᬸᬭᬶᬬᬦ᭄᭞
Page:Bali-lontar-gaguritan-rusak-sasak-01-300ppi.pdf/13
This page has been proofread.
