[᭙9B]
᭙
ᬫ᭄ᬧᬸᬭᬸᬲᬓ᭄᭞ᬕᬸᬩᬸᬕ᭄ᬧ᭄ᬭᬧᬾᬦᬾᬯᬶᬳᬓ᭄ᬢᬶ᭞ᬤᬾᬦᬶᬂᬳᬃᬢ᭄ᬢ᭞ᬳᬕᭂᬂᬳᬶᬩᬦ᭄ᬓᭀᬮ᭄ᬫᬳᬶᬮ᭄᭟ᬫᬶᬯᬄᬲᭀᬭᭀᬄᬓᭂᬩᭀᬩᬦ᭄ᬢᬾᬂᬧᬜᬶᬬᬸᬯᬦ᭄᭞ᬓᬭᬡᬫᬓᬬᬸᬦ᭄ᬯᬶᬳᬓ᭄ᬢᬶ᭞ᬦᬳᬃᬓᭂᬦᬶᬲᬶᬤ᭞ᬫᬸᬲᬸ
ᬳᬾᬳᭀᬜᬓᬮᬄ᭞ᬕᬸᬩᬸᬕ᭄ᬧᬭᬧᬾᬦᬾᬓᬭᬶ᭞ᬢᬸᬳᬭᬤᬭᬸᬲᬓ᭄᭞ᬩᬭᬡᬦᬶᬧᬸᬦ᭄ᬓᭂᬦᬶ᭟ᬫᬗ᭄ᬤᬾᬓᬢᬹᬃᬢᭂᬓᬾᬦ᭄ᬰᬹᬭᬅᬫ᭄ᬮᬧᬸᬭᬵ᭞ᬳᬶᬭᬤᬾᬦ᭄ᬯᬶᬭᬵᬪᬓ᭄ᬢᬶ᭞ᬧᬺᬫᬗ᭄ᬓᬶᬦ᭄ᬗᬶᬍᬲᬂ᭞ᬭᬾᬜ᭄ᬘᬗᬾ
ᬲᭂᬤᭂᬂᬫᬗᬧ᭄᭞ᬳᭂᬦ᭄ᬢᭀᬓᬭᬡᬢᬸᬳᬭᬮᬭᬶᬲ᭄᭞ᬤᬾᬰᬦᬾᬭᬸᬲᬓ᭄᭞ᬳᬶᬮᭀᬪᬫᬗᬸᬓᬸᬳᬶᬦ᭄᭟ᬫᬸᬮᬢᬶᬢᬄᬤᬤᬶᬯᭂᬢᬸᬧᬭᬘᬫ᭄ᬧᬄ᭞ᬓᬓᭂᬤᭂᬂᬩᬳᬦ᭄ᬤᬕᬶᬂ᭞ᬧᬶᬤᬶᬓᬾᬫᬫᭂᬭᬓ᭄᭞ᬲᬬᬦ᭄ᬫ᭠
ᬗᬧ᭄ᬫᬢᬗ᭄ᬕᬮ᭄᭞ᬢᬹᬃᬮᬶᬬᬸᬩᬸᬯᬶᬦ᭄ᬗᭂᬦ᭄ᬢᭂᬦᬶᬦ᭄᭞ᬓᬜ᭄ᬘᬦ᭄ᬦᬾᬘᭀᬗᬄ᭞ᬓᬲᬶᬦᭀᬫᬜ᭠ᬗ᭄ᬭᬜ᭄ᬚᬶᬂ᭟᭜᭟ᬧᬸᬧᬸᬄ᭞᭒᭞ᬲᬶᬦᬶᬫ᭄᭚ᬰᬹᬭᬵᬅᬫ᭄ᬮᬧᬸᬭᬵᬩᬸᬤᬮ᭄᭞ᬫᬗᭀᬚᭀ᭠
[᭑᭐10A]
ᬕ᭄ᬓᬧᬸᬬᬸᬂᬭᬭᬶᬲ᭄᭞ᬫᬧᬗ᭄ᬭᬯᭀᬲ᭄ᬭᬶᬂᬧᬸᬗ᭄ᬕᬯ᭞ᬲᭀᬮᬄᬧᬧᬭᬦᬾᬫᬦᬶ᭞ᬲᬫ᭄ᬧᬸᬦ᭄ᬓᬤᬳᬸᬄᬲᬫᬶ᭞ᬦᬾᬜᬦ᭄ᬤᬂᬫᬓᬧᬧᬸᬘᬸᬓ᭄᭞ᬗᬫ᭄ᬧᬶᬤᬶᬦ᭄ᬓᬾᬭᬶᬓᬦᬦ᭄᭞ᬳᭂᬦᭂᬂᬢᬦ᭄ᬓᭀᬘᬧ᭄ᬭᬶᬂᬯᭂᬗᬶ᭞ᬳᬮᬲ᭄ᬍᬫᬄ
ᬫᬸᬜᬶᬦ᭄ᬢᬫ᭄ᬩᬭᬾᬫᬗᬢᬕ᭄᭟ᬫᬢᬶᬫ᭄ᬧ᭄ᬩᬮᬦ᭄᭞ᬢ᭄ᬯᬭᬧᭂᬕᬢ᭄᭞ᬧᬫᬢᬶᬗᬾᬢᬭᬶᬓ᭄ᬫᬶᬚᬶᬮ᭄᭞ᬓᬮᬶᬄᬰᬹᬭᬵᬅᬫ᭄ᬮᬧᬸᬭᬵ᭞ᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬭᬶᬂᬚᬸᬮᬶ᭞ᬫᬧ᭄ᬭᬤᬩᬸᬗᬄᬗᭂᬦ᭄ᬤᬶᬄ᭞ᬳᬦᬹᬢ᭄ᬜᬦ᭄ᬤᬶᬂᬧᬬᬸᬂᬳᬕᬸᬂ᭞ᬧᬦ᭄ᬢᭂᬲ᭄
ᬢᬸᬳᬭᬓᬶᬭᬶᬕᬦ᭄᭞ᬲᬢᭂᬓᬦ᭄ᬫᬸᬲᬸᬄᬢᬶᬫ᭄ᬧᬮᬶᬦ᭄᭞ᬮᬸᬤ᭄ᬓᬢᬸᬤᬸᬄᬫᬚᬮᬦ᭄ᬫᬲᬲᬸᬭᬓᬦ᭄᭟ᬧᬫᬢᬶᬗᬾᬬᬦ᭄ᬲᬯᬂ᭞ᬓᬤᬶᬲᬕᬭᬫᬧᬮᬶᬄ᭞ᬫᬕᬸᬮᬸᬗᬦ᭄ᬢᬸᬳᬭᬧᭂᬕᬢ᭄᭞ᬩᬸᬓᬕᬸᬦᬸᬗᬾᬫᬕ
ᬢᬶᬓ᭄᭞ᬲᬸᬭᬓᬾᬫᬗᭂᬫ᭄ᬩᬸᬢᬶᬦ᭄᭞ᬓᬤᬶᬘᬫᬭᬫᬘᭂᬗᬸᬂ᭞ᬧᬦᭂᬤᭂᬂᬤᬶᬓᬢᬶᬕ᭞ᬕᬺᬩᭂᬕᬦ᭄ᬩᬢᬶᬲᬾᬓᬤᬶ᭞ᬓᭂᬢᬸᬕ᭄ᬮᬶᬦ᭄ᬤᬸᬂᬭᬱᬩᭀᬬᬯᬗ᭄ᬤᬾᬚᬬ᭟ᬰᬹᬭᬅᬫ᭄ᬮᬧᬸᬭᬵᬳᬶᬤ᭞ᬳᬾᬕᬃᬓᬬᬸᬦᬾᬫᬗᬓ᭄ᬱᬶ
Page:Bali-lontar-gaguritan-rusak-sasak-01-300ppi.pdf/10
This page has been proofread.
