[᭘8B]
᭘
ᬧᬫᬃᬕ᭄ᬕᬶᬦᬾᬲᬧᬶᬲᬦᬦ᭄᭞ᬲᬸᬭᬓ᭄ᬲᬮᬶᬂᬢᬶᬫ᭄ᬩᬮᬶᬦ᭄᭞ᬢᬫ᭄ᬩᬸᬭᬾᬫᬗᬃᬓᬃ᭞ᬩᬸᬓᬫᬭᬱᬳᭀᬬᬕ᭄᭞ᬕᬸᬫᬶᬦᬾᬲᬮᬦ᭄ᬧᬢᬂᬫᬃᬕ᭄ᬫᬕᬶ᭞ᬩᬦ᭄ᬢᬶᬂᬕᬋᬤᭂᬕᬦ᭄ᬳ᭞ᬧᬫᬢᬶᬂᬳᬓᬓᬾᬄᬗᬶᬭᬶᬂ᭟ᬍᬯᬶᬄᬲᬓᬶᬂᬤᬾᬰᬤᬸᬲᬸᬦ᭄ᬢᭂᬭᬶ᭠
ᬓ᭄ᬢᭂᬓᬵ᭞ᬲᭀᬭᭀᬳᬦ᭄ᬤᬗᬶᬦ᭄ᬚᬸᬭᬂ᭞ᬤᭂᬮᭀᬤ᭄ᬤᬗᬶᬦ᭄ᬧ᭄ᬭᬬ᭞ᬚᬸᬭᬸᬢ᭄ᬓᬢᬭᬶᬫᬶᬯᬄ᭞ᬧᬦᬹᬚᬮᬦ᭄ᬩᬢᬸᬚᬳᬶ᭞ᬚᬚᬳᬦ᭄ᬓᬢᬾᬂ᭞ᬓᬗ᭄ᬓᬸᬂᬢᭂᬮᬲ᭄ᬫᬗᬶᬭᬶᬂ᭟ᬧᬥᬗᬮᬶᬄᬕᬸᬲ᭄ᬢᬶᬕᭂᬮᬄᬫᬜᬶᬳ᭄ᬦᬬᬂ᭞ᬢᬓᬸᬢ᭄ᬓ
ᬢᬃᬓ᭄ᬓᬚᬸᬲ᭄ᬢᬶ᭞ᬓᬋᬧᬾᬫᬫᬦ᭄ᬤᬮ᭄᭞ᬲᬓᭀᬗ᭄ᬓᭀᬮ᭄ᬓᬧ᭄ᬭᬬ᭞ᬳᬧᬦ᭄ᬧᬋᬫ᭄ᬩᬸᬕᬾᬧᬲ᭄ᬢᬶ᭞᭠ᬗᬤᬶᬳᬦᬶᬦ᭄ᬘᭀᬗᬄ᭞ᬭᬶᬂᬳᬶᬤᬭᬵᬚᬩᬮᬶ᭟ᬤᬾᬦᬶᬂᬢᬸᬳᬭᬳᬶᬧᬭᬬᬫᬜᬶᬤᬬᬂ᭞ᬗ᭄ᬕᬶᬲᬶᬤᬾᬰᬓ᭠
ᬤᬶᬭᬶ᭞ᬳᭂᬦ᭄ᬢᭀ᭞ᬳᬓᬭᬡ᭞ᬳᭂᬦᬸᬫᬓᬶᬭᬓᬶᬭ᭞ᬢᬦ᭄ᬳᬶᬘᬧᭂᬦ᭄ᬦᬾᬤᬶᬫᬃᬕ᭄ᬕᬶ᭞ᬳᬓᬸᬤᬂᬮ᭠ᬓ᭄ᬱ᭞ᬧᬫᬢᬶᬂᬲᭂᬮᬫ᭄ᬩᬮᬶ᭟ᬤᬯᬸᬄᬧᬶᬲᬦ᭄ᬓᬗᬶᬦ᭄ᬦᬧᬓᬳᬶᬥᭂᬭᬦ᭄᭞ᬓᬸᬝᬵᬧᭂᬭᬬᬤᬾᬰᬶ᭞ᬳᬶ᭠
[᭙9A]
ᬩᬸᬬᬸᬂᬫᬕᬾᬩ᭄ᬭᬲ᭄᭞ᬦᬋᬚᬓ᭄ᬗᬯᬸᬕ᭄ᬤᬾᬰ᭞ᬳᬶᬧ᭄ᬭᬬᬫᬢᬗ᭄ᬕᬮ᭄ᬓᬶᬜ᭄ᬘᬶᬢ᭄᭞ᬩᬦ᭄ᬢᬲᬢᬸᬲᬦ᭄᭞ᬩᬾᬘᬾᬢ᭄ᬫᬢᬢᬸᬫᬢᬶ᭟ᬓᭀᬘᬧ᭄ᬳᭂᬦ᭄ᬢᭀᬘᭀᬭᭀᬄᬫᬾᬦᬓ᭄ᬜᬤᬶᬤᬾᬰ᭞ᬳᬚᬳᬦ᭄ᬧᬥᬩᭂᬮᬶᬢ᭄
ᬗᬮᬶᬄᬢᭀᬗᭀᬲᭂᬗ᭄ᬓᬵ᭞ᬓᬸᬫ᭄ᬧᬸᬮ᭄ᬲᬸᬓᬫᬗᭂᬦᬄ᭞ᬤᬶᬧ᭄ᬭᬧᬾᬦ᭄ᬓᬓᬸᬓᬸᬳᬶᬦ᭄᭞ᬤᬶᬢᬸᬤᬗ᭄ᬓᬜᬳᬶᬳᬸᬭᬸᬩᬗ᭄ᬓᭀᬮ᭄ᬫᬳᬶᬮ᭄᭟ᬧᬥᬦᭂᬗᬶᬮ᭄ᬳᬧᬳᬦ᭄ᬢᬶᬫᬧᬸᬧᬸᬢᬦ᭄᭞ᬤᬗ᭄ᬓᭃᬘᬸᬗ᭄ᬓᬸᬩᬾᬩᬺᬲᬶᬄ᭞ᬓᬢᬸᬦᬸ
ᬓᬚᬭᬄ᭞ᬘᭀᬭᭀᬄᬳᬸᬩᬸᬳᬦ᭄ᬧᬺᬢᬓ᭄᭞ᬢᬦ᭄ᬳᬸᬘᬳᬦ᭄᭞ᬲᭀᬭᭀᬄᬧᬤᬶ᭞ᬮᬦ᭄ᬲᬃᬯ᭄ᬯᬩᬭᬂ᭞ᬢᬸᬳᬭᬧᭂᬕᬢ᭄ᬓᬓᬢᬶᬃ᭟ᬤᬤᬶᬩᬢᬹᬃᬭᬶᬂᬳᬶᬤᬰᬹᬭᬵᬫ᭄ᬮᬧᬸᬭᬵ᭞ᬫᬸᬗ᭄ᬕᬸᬄᬫᬜᬾᬦᬧᬢᬶ᭞ᬤᬶᬧᬭᬧᬾᬦ᭄ᬓᭀᬘ᭠
ᬧ᭄᭞ᬳᬶᬩᬗ᭄ᬓᭀᬮ᭄ᬫᬳᬶᬮ᭄ᬓᬬ᭞ᬲᬸᬕᬶᬄᬮᬶᬬᬸᬗᭂᬮᬄᬧᬤᬶ᭞ᬳᭂᬫᬲ᭄ᬲᬮᬓ᭞ᬧᬶᬧᬶᬲ᭄ᬫᬓᭀᬝᬶᬓᭀ᭠ᬝᬶ᭟ᬢᬦ᭄ᬓᭀᬘᬧᬦ᭄ᬮᬍᬯᭂᬲᬦ᭄ᬲᬯᬃᬦᬜ᭞ᬳᬧᬦ᭄ᬓᬧᬺᬫᬗ᭄ᬓᬶᬦ᭄᭞ᬜᬮᬦᬂᬳᬸᬢᬸᬲᬦ᭄᭞ᬓᭂᬦᬶᬲ᭠
Page:Bali-lontar-gaguritan-rusak-sasak-01-300ppi.pdf/9
This page has been proofread.
