[᭑᭐10B]
᭑᭐
ᬲᭀᬮᬄᬧᬫᬢᬶᬗᬾᬗᬧ᭄ᬩᬶᬳᬃ᭞ᬫᬚᬮᬦ᭄ᬓᬤᬶᬭᬶᬂᬢᬸᬮᬶᬲ᭄᭞ᬯᬾᬦ᭄ᬢᭂᬦ᭄ᬫᬗᭀᬓᭀᬓ᭄ᬢᬶᬢᬶᬃ᭞ᬫᬗᬶᬕᭂᬲᬫ᭄ᬩᬶᬮ᭄ᬫᭂᬦ᭄ᬤᬗ᭄ᬓ᭄ᬭᬸ᭞ᬯᬾᬦ᭄ᬢᭂᬦ᭄ᬗᭂᬚᭂᬭᬂᬢᬸᬫ᭄ᬩᬓ᭄᭞ᬫᬗᬗ᭄ᬕᬃᬓᬮᬾᬯᬂᬦ᭄ᬤᬶᬗ᭄ᬓᬶᬓ᭄᭞ᬭᬾᬄᬓᬢᬃᬓ᭄ᬓᬲᬢ᭄ᬭᬸᬦᬾᬲ
ᬬᬦ᭄ᬗᬶᬜ᭄ᬘᬶᬢᬂ᭟ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬭᬯᬸᬄᬤᬶᬧ᭄ᬭᬬᬕᭂᬮᬶᬲ᭄᭞ᬫᬗᬶᬢᭂᬃᬳᬶᬬᬳᬶᬩᬗ᭄ᬓᭀᬮ᭄᭞ᬫᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬫᬸᬲᬸᬦ᭄ᬤᬸᬮ᭄ᬲᬸᬦ᭄ᬤᬸᬮ᭄ᬢᬭᬶᬓ᭄᭞ᬫᬸᬜᬶᬦ᭄ᬫ᭄ᬭᬶᬬᭂᬫ᭄ᬓᬤᬶᬓᭂᬭᬸᬕ᭄᭞ᬤᬸᬮᬸᬭᬶᬦ᭄ᬩ᭠
ᬳᬦ᭄ᬲᬸᬭᬓ᭄᭞ᬗ᭄ᬳᬶᬂᬳᬶᬩᬗ᭄ᬓᭀᬮ᭄᭞ᬗᭂᬓᭀᬂᬗ᭄ᬕᭂᬮᬄᬧᬲᬗᬶᬤᬦ᭄᭟ᬫᬓᭂᬮᬶᬤ᭄ᬤᬶᬩᬲᬂᬢᬸᬓ᭠ᬤ᭄᭞ᬳᬚᬓ᭄ᬭᬾᬜ᭄ᬘᬂᬜᬦᬾᬲᬫᬶ᭞ᬳᬢᬹᬢ᭄ᬳᬤᬫᬗᬤᬬᬂ᭞ᬧᬫᬢᬶᬂᬳᬲᬶᬓᬮᬶᬄ᭞ᬧᬫᬢᬶᬂᬭᬶᬂᬦᬕ᭠
ᬭᬶ᭞ᬗ᭄ᬕᭂᬕᭂᬃᬗᬶᬭᬶᬂᬲᬧᬶᬢᬸᬤᬸᬄ᭞ᬓᬾᬯᬮᬩᬸᬓᬗ᭄ᬕᭂᬩ᭄ᬭᬕ᭄᭞ᬫᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬓᭂᬦᬶ᭠ᬢᬶᬍᬄᬲᬶᬤᬧᬭᬧᬾᬦᬾᬚᭂᬫᬓ᭄᭟ᬫᬸᬲᬸᬳᬾᬳᭀᬜᬗᬦ᭄ᬭᬸᬲᬓ᭄᭞ᬦᬾᬩᬦᬶᬫᬗᬋᬓ᭄ᬫᬶᬚᬶᬮ᭄᭞᭠
[᭑᭑11A]
ᬓᬮᬶᬄᬬᬾᬦ᭄ᬜᬫᬗᬭᬱ᭞ᬢᬓᬸᬢ᭄ᬫᬢᬶᬦᬸᬤᬲ᭄ᬳᬸᬭᬶᬧ᭄᭞ᬭᬯᭀᬲ᭄ᬳᬗ᭄ᬕᭀᬦ᭄ᬦᬶᬩᬦᬶᬦ᭄᭞ᬤᬤᬶᬓᬸᬤᬂᬤᬶᬦᬲᬫ᭄ᬧᬸᬦ᭄᭞ᬢᬸᬳᬭᬓᬲᬶᬤᬦ᭄ᬓᬮᬄ᭞ᬳᬶᬩᬗ᭄ᬓᭀᬮ᭄ᬓᬢᬸᬗ᭄ᬓᬸᬮ᭄ᬗᭂᬜ᭄ᬚᬶᬂ᭞ᬰᬹᬭᬅᬫ᭄ᬮᬧᬸᬭᬵᬫᬗ᭄ᬓᬶᬦ᭄ᬫ
ᬫᬶᬦᭂᬳᬂ᭟ᬅᬚ᭄ᬭᬶᬄᬭᬶᬂᬳᬶᬳᬚᬶᬫᭂᬗ᭄ᬕᬄ᭞ᬩᬦ᭄ᬬᬸᬤᬦᬾᬳᬮᬮ᭄ᬓᬮᬶᬄ᭞ᬳᬶᬅᬚᬶᬲᭂᬭᬶᬂᬗᬸᬢᬸᬲᬂ᭞ᬫᬗ᭄ᬤᭃᬫᬓᬦ᭄ᬢᭂᬦ᭄ᬭᬶᬂᬕᭂᬮᬶᬲ᭄᭞ᬓᬯᭀᬦ᭄ᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬰᬹᬭᬅᬫ᭄ᬮᬧᬸᬭᬵᬤᬶᬢᬸ᭞ᬫᬗ᭄ᬕᭂᬄᬢᬸᬳᬭᬧᬶᬮᬶ᭠
ᬳᬦ᭄᭞ᬫᬗᬫ᭄ᬧ᭄ᬭᭀᬲ᭄ᬫᬯᬃᬡ᭄ᬦᬵᬚᭂᬗᬶᬲ᭄᭞ᬳᬲᬶᬂᬲᭀᬮᬄᬧᬫᬢᬶᬗᬾᬤᬤᬶᬲᬮᬄ᭟ᬩᬦᬾᬢᭀᬦ᭄ᬤᬾᬦ᭄ᬫᬜᬶᬤᬬᬂ᭞ᬓᬮᬶᬮᬶᬄᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬫᬓᬤᬶᬲᬶᬤᬓᬭᬸᬲᬓ᭄᭞ᬓᬮᬶᬄᬯᬾᬦ᭄ᬢᭂᬦ᭄ᬓᬩᬃᬚᬢᬶ᭞ᬳᭂ᭠
ᬦ᭄ᬢᭀᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬫᭂᬜ᭄ᬘᬩ᭄ᬫᬓᬾᬦ᭄ᬓᬾᬦᬦ᭄ᬜᬸᬦᬸᬢ᭄᭞ᬭᬯᬸᬄᬓᬤᬾᬰᬤᬾᬰ᭞᭠ᬫᬗᬢᭂᬧᬂᬭᬯᭀᬲ᭄ᬓᬤᬶ᭞ᬤᬸᬓ᭄ᬦᬾᬲᬫ᭄ᬧᬸᬦ᭄ᬫᬓᬋᬭᬶᬦᬗᬶᬮᬶᬲ᭄ᬘᭀᬗᬄ᭟ᬳᬶᬧ᭄ᬭᬓᬗ᭄ᬕᭀᬤᬾᬰᬤᬾᬰ᭞
Page:Bali-lontar-gaguritan-rusak-sasak-01-300ppi.pdf/11
This page has been proofread.
