This page has been validated.
20
kasúdlan sa lain. Ikaw gani hinoon...—mitapus si León.
....Apán ¿ngano pang subayon tá dínhí ang tanang ginasultihan nila? Nasáyran ná nga ang pangádyión sa mga nanagto-o kang Kupido, nianang mga binuhat nga ang mga kasingkasing ginalagbasan sa bulawanong udyong sa gugma, hata-ás uyamut, waláy katapusán.... Kanang mga malumóng pulong nga gimúgna ni Bathala alang sa mga manulonda ug sa mga babaye, gipabati ni Sidíng kang León; ug kiní, masolúb-on uyamut, nagapabati usab kang Sidíng mga pulong nga tinumog sa kamíngaw, mga pulong nga kaugalingon lamang sa kasingkasing linúmsan sa kasakit....
