| № 38 | ЯКСТЕРЕ ТЕШТЕ. | 3 |
| Тевенек пек берянстэ молить. |
| (Бугурусл. у., Самар губ.). |
Минек губерняеонок эрьзятие 400 тыщашка, а Брусланонь уездганть эрьзятне 130 тыщтяшкат, весемезэ эрицятнеде уездсэнть 600 тыща. Эрзянь велетнэ кафто сядодо ламо, а школатне весемезэ 69. Учительтнеде жо эрьзянь арасть коломьгеменьшкаяк.
Грамотнойтнеде весемезэ улить анцяк 12-15%. Уездсонок М.-Толкай велесэ ули эрьзянь учителень школа (педтехникум) конань васня ловилть центральнойкс.
Остатка енов теевкшнесь губернскойкс, секс, што лия губернятнень эзга тоже паншсть эрьзянь учителень школат. Ульнесь те педтехникумонть эйсэ подготовительной группат, но сынст пекстакшнызь. Минь тедиде койкак добувинек эстенек Уисполкомонь кецтэ ярмакт, штобу подготовительной группатнень таркас панжомс эрьзянь 7 летка школа и миненек нолдасть ярмакт се школанть кирдемс. Минь думсинек што техникумонок ули и 7 летканокак ули. Но адавно мольцть техникумстонть жаловнянь получамо, а сынест и мерить, што тынк техникумонк туртов костыяк а думсить максомо ярмакт. Жаловненть кафто месецть уш эсть получа. Лиси истя что техникумонть думить пекстамонзо совсем. Пекстасызьдере эрьзянь педтехникумонть, то минек 400 тысячной эрьзянь населениясь кадуви школафтомо и сестэ пек берянь ули.
Ков думсить ертомонзо национальной вопросонть, косо кортыть што каждой нациясь может эсинзэ, кельцэ школат тееме газет нолдамо и кинигат сермадомо. А содан кода истя лиси рузонь техникумс улить ярмакт, эрьзянь техникумс арась! Эрьзянь ЦК РКП (б). и „Якстере Теште“ газетанок варштадояк лангозонок и кирдинкь минек техникумонок, илинк пекстафт! Коли истя кармить пекстафтнеме минек школанок, то кияк эрьзянь роботникак парсте а карми роботамо и мейле чопуда эрьзятне седе як удалов кадувить.
Тевенек пек берянстэ туить, коли пекстасызь минек педтехникумонть! Седе як берянстэ кармить эрямо чопуда эрьзятне Самарской губернясонок!
Инструктор мордсекции Бугуруслан. Укома Самар. г.
В. Платонов.
Центр. Издат. Народов. СССР. теи конкурс: ки седе вадрясто сермадсазо Букварьде мейле омбоце ловнума киниганть.
1) Киниганть эряви сермадомс ГУС‘онь програманзо кувалт. 2) Сермадомс 10-12 печатной листсэ. 3) Рукописень кучомс 1925 иень апрелень васенце чиньтень. Рукописенть кучомс тешкстазь. Фамилиянть тешкс марто кучомс лия канвертсэ. Весе кучозь рукописьнень карми ваномо конкурсонь комиссия. Кинь кинигазо улеме карми сермадозь сех вадрясто, сенень максыть прямия 250 целковой ды гнорар 65 целковойть эрьва печатной листэнь кис Кннь кинигазо комиссия примасазо, улеме карми сермадозь газетсэ Маень васеньце читнестэ. Рукописенть эряви кучомс истямо адресэнь кувалт: г. Москва, Никольская 10, Центральное Издательство Народов СССР, отдел учебников, конкурсная комиссия. |
| Эрзянь мокшонь тевть. |
| Эряви эли а эряви эсист эрзянь роботникть. |
Сеедстэ и эрьва косто марятанок кортамодо и толкувамодо эрьзятнень ды русстнень кувалт и эрзятнень ютксо марясак яла лиси спор.. Конат мерить, што миненек а эрявить эрзянь кинишкат и эйкакшнэнь совсем а эрявить тонафтомс эрзякс! Лият мерить, об‘язательно эрявить эрзянь букварьть и лият кинигат. Да, ялга миндяк мердяно: Эрявить и пек эрявить эрзянь кинишкат а особенно букварть. И аволь анцяк букварьть, лият кинишкат, и газет, а сех икеле эрявить минцинек эрзянь роботникть, учительть, агрономт. Мекс жо неть пек эрявить? Давайте вансынек: 1) если тонть, ловныця ялгай, озафтомс училищас, косо улевель учитель татар и кортаволь анцяк татаркс, тонафтоволь татаркс, сестэ тонть прят первой дураскадоволь. Улевель деряй учителесь эрзя и тонафтомо кармаволь татаркс, тон наверна седе курок тонадоволеть.
Кона валонть а чаркудцак, сей тенть ефтасы эрзякс. Вана мейс эрявить тенек эврянь* учительтне. Аволь секс, што минек меленек совсем кадомс рузонь келенть, а секс, штобу кона валось а муиви эйкакшонтень рузокс, то учителесь толкувасо тензэ эрзякс.
2) Мейс эрявить эрзянь кинишкатнэ? Вана мейс. Давай макстам эйкакшонтень букварь рузонь кельсэ, сон вовсе а машты рузокс и киниганть лангсо ули теезь изамот ды сока. — минь кевксцынек, мезе те? Кода сон тенк ефтасы? Сон мери: изамо — амери „борона“. Сон рузокс а содасы лемензэ.
Эщо пример: Тонеть совась немец и веши кши немецекс, а тон а чаркудят и мерят: не понимаю, если маштат рузокс кортамо. А если а маштат, наверна мерят — мезияк а чаркудян. Истяжо немецеськак, если а соды лия-кель, корты анцяк сонсензэ кельцэ. А ощо оно мейс, хоть тон эрзя, буто маштат кортамо рузокс, но улить валт, конань а чаркудцыть а уш козяйкат подавно.
Эрьва велень общественной советской тевсэ эрзя ютксо эрявить эрзянь роботникть.
Саемс примерокс хоть волостьсэ роботань: Улезэ вейке руз, омбоце эрзя и ванцынек конанень седе кармить молеме эрзя народось и конань седе чаркудцызь валонзо, содазь — эрзянь. И мейле, если Уездсэнть тожо улить деряй весе эрзянь роботникть, сынь эрзянь эрямо чист и интересэст седе вадрясто содасызь ды седе парсте тейсызь.
Секс эрзя ютксо, эрьва общественной советской роботасо пекь эрявить эрзянь ломать ды эрявить эсинек кельсэ кинишкат.
Сокицянь кружок.
| Атаркасонзо. |
| (Секретарка веле Бугурусланск. у., |
Секретаркасо эрить весе эрзят: сынст ули школаст и се школасонть кавто тонавтыцят. Ве тонавтыцясь Мартынов эрзя, а обмбоцесь Горшенина-рузава, кона эрзякс ве вал-гак амашты евтамо.
А эрзянь тонавтыцянть Симдянкиновонь, кона чачськак Секретаркасо, кучизь руз велив, Жмакинав.
Рузавась эрзянь пакшатнэнь ды эсь прянзо анцяк муци а лезэ зняро атеи, зняро теквиль бу эрзянь тонавтыцясь.
Козой ваны волостень уполномоченноесь? Сон эрзя и уездонь нацменынь иструктор. Сонзэ тевизэ, эрзянь велева лацемс эрзянь тонавтыцят, а руз велева рузонь. А тевесь лиси мекев ланг.
Знярдо эрзянь бюрот не тевтнень витнесыньк.
Амазый.
| Тевесь эряви витемс. |
Петровской ош маласо эрзянь велетне те сексеньть эсь олясост совасть Петровскоень волосьц. Икеле Сининька веле ды Пумбра ульнесть Вязьминской волосцо, а од Захар велень волостезэ ульнесь секе велесэньть.
Не велетне Петровской волостевь совасть седе чождяня волостевь якамонь кувалт: конатненень седе маласо, конатненень седе ен базарув якамоньть марто.
А ней пеняцить, что Петроскоень волостенть эйсо вейкияк эрзянь роботник арась, „буто вирць мере молить, акинень пшкадимс, кона бу седе парсте превс путовлемезь“.
Те, ялгат, виде тевись, хотя улить Петровскоень волостьсояк превс путыцят, ну минь эште пек чоподатоно-эрзятнэ, миненек ошонь ломанесь аздан мязекс неяви.
Монь койсэ, штобу эрзятне иляст пеняця, эряве Петровскоень волостьц арафтумс хоть кафтушка эрзянь писарть, конат бу тонафтувлизь эрзятьненьгак апелимас ошонь руздо, эли вяйкинька арзянь уполномоченной кучомс Волиспалкомонтей член эрьгас.
Уисполкомонтень тень кувалт эряве парстине думамс и теимс истя, штобу эрзятнэ больше иляст пеняця, кода корты Сталин ялгась нацианальной вопросцонть.
Ф. Шабалов.
| САМОГОН МЕШИ ТЕВЕНТЬ ТЕЕМЕ. |
| Свал авардсть, а Михаловонь чинть букакс парасть. |
| (Нуштай веле, Пригород, вол., Бугурусл. у, Самарск. губ.). |
Нуштай велень ломатне Един. с.-хозяйственной налогонть пандсть пек беряньстэ и кода мон ульнинь велесэнть, яла жалубасть и аварьцть налогонть пандомс а мейсэ и пек трудна тенст сакшны.
Мон кулцонынь эйсэст видекс и кеминь, што сыненст трудна пандомс и секс авардить. Кортынь тенст, што эрьва кува истя жо эрить, лиява эщо седень-гак беряньстэ. Секс анцяк беряньстэ эрятанок, што минь чопудатанок. Весе согласясть и лоткасть авардимадо. Вана ютынь велеваст кафто недлядо мейле, совсем лият неинь велесэнть. Угодявинь се шканть, кода сынст ульнесь престольной праздникест, пекень валномо и пештямо чист „Михалов чи“. Те чистэнть народось совсем лията ульнесь и буто налогосткак весе пандовсь и сюросткак парсте чачсь. Сынь уш эсть аварть икелень лацо. Якить сяворькшнезь моро марто, а конат ульцяванть якить ниле пильге лангсо и весе вальгейсэст парыть букакс. Мон сынст кевкстинь — „кода истя, икеле авардиде а мейсэ пандомс налогось, а симемс и самогонкас ули?“ Сынь мерить: „Се налог, а те праздник — пазонь чи и попось баславимизь симеме“. Мон думсян, што сынст пазось баславинзе и букакс пижнеме ды ульцява сяворкшнеме ды беднойкс эрямо!
Эх, Нуштай велень эрзят, хоть тынь кемгавтово вайгель песэ эрятадо ошстонть, а сетыки чопудатадо! Аразикс ней кемить попонь баславамо валт и сынст следга якить?
Ней шкась сась истямо, знярдо праздник чистэ эряви седе ламо газет ды кинишкат ловномс, аволь букакс парамс.
В. А. П.
| Тумолов велень тевть. |
| (Тумолов веле, Рачейской вол., Сызр. у., Ульяновской губ.). |
Кизэ чистэ Тумолов велень атятнэ пурнасть промкс модань кувалт. Колоньгемень вайгель пе веледенть ули мода, коната ульнесь революциядо икеле бояронь кецэ. Атятнэ кармасть кортамо промкссонть: кода бу хлопочамсь те моданть. Модась эряволь бу улемс Тумоловонь, но васоло якамс тов сокамо. Сынь полавтыксэлизь моданть рузонь Озерка веле марто. Русснэ максыкс эльть мода Тумоловонь маласто. Тевенть тееме кочкасть ломань, Якунин Костянь, конатане ульнесь охота молеме тов ды сонстензэ саемс седе ламо мода.
Якунин ялгантень максть ярмакт сядо кавксоньгемень целковой. Эрзятнэ арсесть, што сон тевенть тейсы. Озеркав молемадо, мольць сон Сызраньс ды рамась не ярмакнэнь лангс самолетка (велосипед) сонцтензэ. Сась кудов ды мери атятнэнень: атят, модась а хлопочави, а ярмакнэде каш моли. Ломанесь сон сюпав, атятнэ мельдензэ пелить. Сынь кортыть: а эряви тень кис апарксавтамс ломанесь, мейле сонензэ мезинь кис-как иля моль, мези-як а максы. Истя и рамасть Якунынь Костянень веленек велосипед.
Кочкасть лия ломань те тевенть ветямо, Кудяков Ленянь. Мольсь Озеркав модань хлопочамо, зняро тензэ макснесть ярмакт, максынзе межовойнень. Кевкстизе межовоинть: сакшнось ли тезэй Костя Якунин те тевенть кувалма? Сон отвечась: Якунинынь мон эзи ней-гак.
Нейсыньк ялгат, кода велень тевеньть тейсызь беднойтне, кода сюпавтнэ.
Содыця.
| Председателень тевть. |
| (Мурза велесэ Ташто Захар велень волость Петр. у., Сарат. г.). |
Мурза велесэ неень председателесь пек паро. Тевензэ эйсэ теи лац. Анцяк-сень кувалма аволь вадря, цют самагондо сими ды буржуйтне марто пекь дружнасто эри. Сонзэ кецэ эрьва праздникстэ куринканек панить самогон. Весемеде ламо пани содамозо. Конанень косояк а мерить панимадо самогон, а предось мери: сак монь кецэ заторяк, кияк мезияк тонеть а мери и а теи. Комсомолтнэ монь эйстэ пелить, а милиционерось родням, иля пель кидеяк. Монь койсэ истят ломатнень, эряволь бу ертомс советстэ, ладямс тозой паро честной ломать.
Ютыця.
| Стуфтумальть уш орожиятне ды колдунтне. |
| Орожия. |
| (Вирь ало Тавла Саранск, у., Пензань губерния). |
Минь пек и пек чопудатанок! Аволь минек велесь эли кругомганок велетне, а ошонокак: Эрьва таркасо улить орожият, знахарть и ломанень и скотинань лецицят. Вирь ало Тавласо ули орожия пек содыця. Аволь теке велестэ аньцяк тензэ сакшныть орожиямо, а кругом велетнень эйстэ-як рузонь велетнестэ-як. Кода-жо сон орожии? Васня кайси картасо, конань кодамо уцясказо. Максы таргамс карта колодастонть и картанть лангс ванозь ефтни, кодамо конань эрямо чизэ. Акона карми прянзо шатафтомо сенень лия карта таргафты — лиякс карми кортамо; истя ламоксть тек, знярц
