| 2 | ЯКСТЕРЕ ТЕШТЕ. | № 38 |
| Советэнь масторга. |
| Сюронь ачачома губернятнева пособлить. |
ВЦИКонь президиумось тейсь комиссия Рыков ялганьть лемсэ. Те комиссиясь вети сюронь ачачома таркатнень эзга эйкакшонь чумбра чинь ванстома тевеньть. Комиссияньте нолдасть 8060.000 целковойть. Не ярмакнень явсызь ачачома губернятнень эзга и ютавцызь эйкакшонь лецямонь ды андомань тевс.
Весе ачачома таркань эрицятнень лецямо тевесь путозь Наркомздравоньть ды Красной Крестоньть лангс.
Наркомздравось те тевеньтень нолдась 29575 целковоень питне лекарстват.
Красной Крестось нолдась те тевеньтень 388500 целковой.
Теде башка Красной Крестось нолдась икелень паньжозь больницятнень кирдима тевеньте 911500 целковойть.
| Фабриксэ и заводсо анокстыть сюро видицянень товар. |
Государственной металической заводтнэ бажить эрьва иене нолдамс сюро видицянень седи ламо эрявикс товар: пелюмат, эскеть, сянгот и лият месть.
1923—24 иестэ не товартнэде нолдадасть 11 процэнттэ седи ламо мелень коряс.
1924—25 иестэ прибавасть 20 процэнтэ ламо.
1924—25 иестэ товартнэде тейсть вана зняро: пелюмат — 2.97 тысча, эскеть — 895 тысча пондт, сел.-хоз. машинат — 11 тысча, сянгот и койметь 197 тысча, эрьва кодат посудат 1 миллион и 175 тысча целковойнь питне.
| Тонафтнеме кармасть — икелев сыргасть. |
| „Умок бу истя эряволь“. |
| (Вишка-Толкай веле, Полудневск. вол., Бугурусл. у., Ульяновск, г.). |
Ноябрянь 17-це чокшнэ 1924-це Вишка Толкай велесэ, школасонть, косо тонафтыть сермас амаштыцятнэнь, ульнесь собрания „Общества долой неграмотность“. Те обществасть теизь секс, чтобу седи курок тонафтомс сермас амаштыцятнэнь. Собраниясонть согласясть каямо каявкс. Студентнэ и Толкайской эрицятнэ ветень ветень трешник месеценть, а конат служить учреждениясо, неть согласясть ¼ процэнт жаловениястост. Кочкасть ниле ломать газетс сермадомо (кореспондетокс) организовали Культпросвет, ды совасть тозой весе членкс. Собраниядонть мейле 10 минутонь ютазь ульнесь заседания культпросветонть. Заседаниясонть организовали культ-кружокт:
сельско-хозяйственной, драматической, антирелигиозной и лекционной. Обществантей и кружоктнэнень серматсть, учительтне, техникумонь студентнэ и ламо Вишка Толкай велень эрицят, конат стараить курок тонафтомс сермас амаштыцятнэнь. Эрзя ялгат, организуйте эсинк велева „Обществат долой неграмотность“. Стараядо тонафтомо сермас амаштыця ялгатнэнь, чтобо курок теемс Ленин ялганьть заветэнзэ, и октябрянь революциянь кеменьце иезэнзэ илязо уль вейкеяк сермас амаштыця ломань.
М. Л.
| Минь кинть нефтинек ки карме молеме минек мельга. |
Ульнинь оймсима шкасто кафто месецт велесэ, Покш—Сурметца самарской губ. Бугурусланского уезд, Абдулинской волостень. Ванынь, тевест молеть берянстэ. Арасель ловнома кудост. Пурнынь велень ломатнень, конатне маро серьмадынек постановления панжомс ловнома кудо. Ловнома кудоньте эряви кой—мезе. Кода сынь одов эсь тарказон, ефтынь ялгатненень красноармеецнэнь. — „Истя, мерян, тефтне велесэ молить берянстэ. Весе вейке вайгельце мерсть.“ — „Минь карматано посублямс велиньте“. Ноябрень васеньце чистэньть карминек кучомо Покш Сурметев нилё нумерт „Известия“, „Правда“, Федоровка велес колмо „Известия“ и „Правда“, Захаркинав тожо 1-го декабря кучтано „Библиотека крестьянина* — кавксонь кемень кинишкат, кото месецес колмо нумерт „Якстере-теште“ колмо нумерт „Крестьянская газета“, колмо „Якстере“ Нива, кафто „Крокодил“, колмо „Безбожник“, колмо „Беднота“.
Кадык минек мельга молить лия эрзянь красноармеецтнэ.
| Покш Сурметень Эрзя Куликень цера. |
Гор. Ташкент.
| Кода од ломатьне бажить тонафтнимас. |
Ноябрянь 17 це чистэ Аловань од ломатьне тейсть учильнясо собрания, косо постановили: теемс кружок „Самообразование“ и кармамс чокшнень-чокшнень тонафнеме. Учителесь хозяйканзо марто максь соглас безплатна минек тонафтомонок. Кармась преподовать арифметика, география, политграмота и лият месть.
Ощо решили выписать газетт „Якстере Теште“, „Крестьянская газета“ и Новая деревня“.
Истя бажить тонафнеме весе безпартийнойть, велесынек арасть комсомолецт-как.
Неяви, што од ломатнень ули покш охотаст тонафнеме.
Радаев.
| Валдумтума. |
| (Ташто Дема веле Сарат. г,). |
Ташто Дема велесэ открыли учильняс кружок „Ликвидация неграмотности“.
Ламо бажицят од ломать и од тейтерть тонафнеме, конат неграмттнойть и малограмотнойть. Те тевесь теивель деряй, пек паро ули, ата минек велесэ ламо чопуда ломать.
Эряви бороцямс не ломатнень марто. Ялгат! якадо те кружоконтень, лиседе те чоподастонть.
Каткин.
| Комсомол. |
| Тефтнень аламонь-аламонь яла нолдыть. |
| (Покш Толкай, Полудн. волость Бугурусл. у., Самарск. губ.). |
Покш — Толкаевской ячейка РЛКСМ кармась роботанть верев кепедеме и тефтне кармасть молеме икелев. Ячейкасонть весемезэ 12 члент. Секретарест сынст Костаргин ялгась, кона тефтнень эйсэ вети аберянстэ. Тейсть кружокт, косо эрьва чине чекшнен-чекшнень пурнавкшновить тонафтнеме. Кружокост вана кодат: сельско-хозяйственной, драматической и безбожной. Ули клубост, косо ветить весе роботанть эйсэ. Берянь вана сэнь кувалт: стенной газета а нолдыть. Газетась седеньгак парсто нолдавлисе тевенть. Полит читка тейнить недлязонзо кавксть.
Алац, пек алац теить ощо: „Якстере Тештес“ а сермадстыть. Ней мон саинь кецтост вейке экземпляр лангс и сынь кармить получамо. Весе члентнэ эрить берянстэ и пек трудна тенст кинишкат добувамс. Велень эрицятне аламодо косойстэ ваныть лангозост, анцяк секс, што сынь получить газетат, Безбожник и эйсэнзэ дружнасто ловныть ды кувалманзо тейнить кортнимать. Весемезэ ней газетт сермадстыть: „Якстере Теште“ 1 экз. „Безбожник“ 1 экз. и „Крестьянская газета“ 1 экз.
Истяк тефтне лац буто молизь, анцяк коммунистэнь ячейкась берянстэ кирди мартост связенть и аламо лезды тенст. Покш Толкаинь Комсомолонь ячейка! Седе енсто тефтнень нолдыть, седе ламо сермадодо эсинек келень газетантей „Якстере Тештентей“ , штобу велень ломатне-як сермадост эйзэнзэ. Ощо ванодо, штобу лац роботаст тыньк велесэнк: сельсоветось, селькресткомось, кооперациянк и больницянк.
В. А. П.
| Паро роботыця. |
Ульяновской губерниясо, Алатырской уездцэ Чеберчинской волостцэ ули эрзянь веле Ордан-бие.
Те велесэнть арасель а ячейка, а клуб. Велень бедной эрицятне ульнесть весе велень сюпавтнэнь кедь ало и сынст пельде кодамояк толк арасель. Кода кармить модань явшиме, сюпавтнэ моданть cалылизь, и бедной народось кадовиль модавтомо.
Теить промкс, весе кулакнэ молить промксов арыть икелев и кармить пижнеме бедной народонть карчо. Бедной ломанесь пшкади мезиньгак кувалт сюпавтнэнь карчо, а сюпавтнэ мерить: тон мези як а содат и иля корта. Бедной ломанесь прянзо коцькерьдясазо и туи кудов.
А умок велесэнекь тейсть ячейка Р. Л. К. С. М., совасть тозой бедной од ломать и кармасть роботамо Ленинэнь валонзо коряс народонть кис пшкадеме.
Ячейкасонть кочкасть секретарь и кармасть роботамо весе члентнэ дружнасто. Беднойтне нейсызь, што комсомолецтнэ кармасть пшкадеме бедной народонть кис. Попонть кудостонзо панизь, тозой тейсть клуб ды ловнома кудо.
Ней сюпавтне кортыть: иля яка-як промксов, тосо Паволонь Илька, сон корты светстэ и шумамодо а мери и сынь лоткасть промксов якамодо. Истя роботавольть деря эрьва велева, вейкияк сюпав эли, лиякс меремс, велень кирьгань езыця аволь уль. Вадрясто ушодыкь роботанть Паволонь Илька, ветяк истя жо эйсынзэ.
В. Е.
| ТОНАВТНИМАНЬ ТЕВТЬ. |
| Рузонь учительть эрзя велева. |
| (Кочкур веле Саранск. у., Пензенск. г.). |
Минек велесэ ноябрань 15 чистэ ульнесь учителень промкс. Промсть 8 ломать 7 учительть и волостной избач. Весе русст. Коть волосцэнек 4 покш эрзя велеть, эйсэст эрзянь учитель анцяк вейке, сеяк эзь угодявт се шкане. Вана промкссонть кармасть кортнеме сень кувалт, — кода эряви тонафтомс эрзя юткова эрзянь эйкакштнэнь. Конат-конат кортыть: мейсь эрзянь келенть тонафтомс — мезекс маштови сон? Сынць-как эрзятне бажить эрзякс тонафтомс эйкакшост. Ве учитель, Мазов, мери:
Мейсь печатыть букварть и газетт эрзянь кельсэ, анцяк юмафтнить ярмакт? Лучше-бу не ярмактнэнь эйсэ печатамс кинижкат и газет рузонь кельсэ. Омбоце учитель, Решетников, мери: давайте штобу покш роботникнень икельде прянок витемс, тейдянок постановления: Кевкстемс эрзя велень промкст — кода сынь арсить тонафтомс эйкакшост, рузонь кельсэ эли эрзянь кельсэ?
Анцяк асодаса, — сермадызь протокол лангс неть валтнэнь и кортамотнэнь — эли эзизь. Эрявить не тонафтыцятнэнь кармафтомс, кода седе чождыне, эйкакшнэнь превс совавтомс и моцест а маштомс. А виде мельцэ эрзянь пакшань тонафтома тевесь аньцяк сестэ лац туи, знярдо велесэнек кармить роботамо эрзянь тонафтыцят.
Сокицянь кружок.
| Эрзянь студентнэнь эрямо чист. |
Вишка Толкай велесэ, Полдуневской волостьсэ, Бугурусланской уездасо ули эрзянь школа педтехникум. Кармась само сексь. Сась малав тонафтнима шкась. Сех чопуда уголонь эрзянь велетнень эйстэ, кармасть пурнавомо эрзянь од церат и од тейтерть тонафтнеме. Васинь читнень ученикне эрясть велева квартирасо. Сынест ульнесь пек стака квартирань кис пандомо. Бедной студентнэ ламоксть вейшть, штобу теевельть общежития, но эйсэст яла каванясть вандысэ: ванды готовой ули!
Учовсь вандысь. Тейсть общежития. Пасиба педсоветэнте, общежитиянте нолдасть весемеде беднойтнень. Анцяк общежитиясонть как бедной студентнэнь седеест эсть ойма. Сынст кудосо мезесткак арась. Састь сынь тонафтнеме, надиясть государствань пельде получамо помощь, а костояк мезеяк амаксыть. Студентэ ютавтыть пек стака шка. Эрить пельс вачодо катфа лангсо. Сави сынест лоткамс тонафтнимада и туемс чопуда велетнева. Эрзянь секция! варчтак эрзянь студентнень лангс илить нолда сынст сралеме. Пособлик тенст, кода маштат.
Е. И.
| Педтехникумонь экскурсиятнень кувалма. |
Петровкоень педтехникумсо тонафниця ялгатне „Якстере Сокицясонть“ 21-е чинь ноябрянь номерцонть серматсть эсист экскурсияв якамаст кувалма, ну эзизь серматт кодамо Советской учреждениява якасть, — косо сермадыть, эли косо микшнить. Эсть сермадт мезе нейсть и мень паро эстест тейсть истятт экскурсиятнинь эйстэ, а теде эрявуль бу сермадумс.
Мон кода бути, акеман, штобу истятт экскурсиятне пек ламо паро максовольть тонафницятнэнень.
Монь койсэ седе паро уливель бу тонафнийця ялгатне молеве-лть деря экскурсияв робочейтнень юткс.
Петравскойсо улить мельнецят, сапунинь теима заводт „тарваз и молотка“ и лият. Тосо тонафниця ялгатне неевлезь, бу ве пельде: робочейтнень эрямост-конань, школасо поладовлизь бу общественной наукатне марто, а омбо пельде: неевлезь производстванть, конань истя жо можна поладумс физиканть—химиянть марто.
Ф. Шабалов.
| Паро тевть арсить тееме. |
Самарцо думасть телень каникульной шкастонть, партийно-советской школасонть тееме курст — совещаният вишка народонть эйстэ. Весемезэ 60-шка ломань кармить улеме: Эрзятнэде 20, чуваштнэдэ 20 и татартнэде 20. Курсатнэ таргавить колмо эли ниле недлят. Остатка енов карми улеме совещания вишка народонь роботыця инструктортнэнь марто. Самарской Губкомось паро тевь сыргавсь и не курсатне хоть аволь пек ламо лезэ максыть колмо недляс. Курсатнень парост вана мейсэ; эрьва нациясь корми содамо, што сынст кувалт свал арсить и сыненст паро арсить тееме. Кода кармить нолдамо тонафнемстэ мекев кудов, седе ламо пособият бу тенст максомс, штобу сынь кудосо-як кой мезес кармавольть тонафтнеме. А ну тонафтниця ломать! Дружнасто кундадо тонафтнеме и сестэ ламо карматадо содамо.
Тонафтозь ломаненок, чопуда чи марто бороцицянок аламо. Чопуда чись моряшка. Роботась икеленек ламо.
В. А. П.
