| № 35 | ЯКСТЕРЕ ТЕШТЕ. | 3 |
уездной методической бюросо УОНО. Роштува ютксо думситям тейми переподготовка, конанинь терцынек весе эрзянь учительтнень, конат арасильть кизэнь Губернской курснэнь эйсэ.
Л. О. Басковский.
| Эрзятне сыргойсть. |
Кода Московсо ульнесь эрзень учителень промкс, Казаньстэ якасть тов. Филатов ды чурин ялгась.
Московсто самодо мейле тейсть промкс, козой пурнавсть эрзят. Филатов ялгась тейсь доклад, евтнесь, кода ней эряви роботамс эрзя ютксо.
Весе минь радувинек.
Теинек кружокт землячества, литературной ды драматической. Ней эрьва недлячистэ пурнавкшнотано.
Губсовпартшколасо эрзень курсантэ арсить нолдамо эрзень журнал.
Эрявить седе ламине кучнемс велев газетт ды кинигат,
Паряк ней весек сыргозить.
П. Арютин.
| Октябрянь праздник эрзянь велесэ. |
| Кода минь празднувинек Октябренть. |
| (С. Нуштайкина пригород. вол. Бугурусл. уезна, Самарской губ.). |
Тедиде минь октябрянь праздникенть сисемеце годсто пек парсте празднувинек. Сась тенек уездной комитетстэ РКП (б.) эрэя ломань и велесэнек эрясь кавто чить, кона тевенть таркастонзо сырогавтызе.
Васня пурнынек комиссия и теинек план кода празднувамс, мейле чокшне 6 ноябрянь чистэ тердинек весе сельсоветэнь члентнэнь, селькресткомонь, кооперациянь, школань ды тонафтниця пакшатнэнь. Тейсь эрзянь ялгась тенек доклад; кода эри народось лия масторга ды кода ваныть минек лангс; омбоце доклад тейсь кода минь тулкадынек бояртнэнь ды кода трудна ульнесь сестэ тенек. Ломатне пурнавкшность кодгеменьшка. Кочкинек кавто делегат ошов праздникенть стречамо и почестямо партийной комитетэнть ды советэнть, конатнэнень максынек приветственной серма, пелюма тарваз маро и атякш, чтобо тень максомсто мерест, што минь нуштайкинань эрзятнэ свал аштитянок аноксто советской властенть кис и эрьва шкане карматанок пособлямо сюросо ды сывельцэ. Тень гис миненек советэнь власть теезэ паро эрямо чи седе ламо сабат, веилкат, изамот, ситц и лия месть. Ошсо сречизь минек делегатнэнь пек енцто. 7-й ноябрястонть чить ульнесь собрания, косо таго тейнись доклад эрзянь ялгась и лият приветствия марта листнесть. Ломатне сядошка пурнавкшность. Чекшне тейнесть спектакля, косо омбоце пель сядошка ульнесь народось. Театрамок пешксе ульнесь, пек народонть мельц тусь. Кортась эрьзя ялгась эрзякс велень роботадо, комсомолонь тевде.
Спектакольдонть мейле кортась пьесанть коряс эрзякс.
Вана кода минь вадрясто ютафтынек 7-й годонь октябрянь чинть. Эка бу свал сакшновольть истят эрзят.
Нуштай велень эрзя.
| Ивань бие. |
Сисемице Ноябрянь чисэ, чокшне Ивань биесо школань кудосо налксись кавто пьескат вейкесь рузонь омбоцесь эрзень, морасть эрзень и рузонь морат, спектаклясо народозо ульнесь кавто сядодо седе ламо, действиятне ютксо кортасть. Представитель укомсомола русскс председатель кред. т-ва и агроном Кручинкин ялга эрзякс. Сон басесь Октябрень революциядо, эрзя велень эрямо чиде и лия тевде, народось пек парсте кунсолось Кручинкин ялганть.
Мейле омбоце чистэ сон Ивань биесо тейсь сел.-хоз. кружок и вейксэцэ чистэ промкссо кортась, мекс и кода эряве кадмокс трехполканть и кода теймекс многополья, кунсоломадо мейле промксось путсь постановления теймензэ многополья.
Пек жаль маряве, што миник уездцэ анцяк вейке агроном эрзя. Ды таго яла пельтям тень гак илизь панть ков гак; пек уж руз агрономтне а вечкеть сонзо, сень гис, што сон бажи, стараи эрзятнень гис.
Сардо.
| КООПЕРАЦИЯДО. |
| Минь-гак кооператив паньжинек. |
| (Навеле Петровской уездонь, Саратовской губернянь. |
Велисэнэк июлень 28 це чистэ паньчсть кооператив. Пурнасть ярмакт, рамасть товар и кармасть торговамо. Ярмакниде куть ощо аламо, но весе эрявикс товарось уле. Кулацкой лавканьти уш ки-як ней амоли. Да кие эстензэ паро а арци? Кооперативдо башка седи дешова, седе вадря товар амуят.
Аватне кандыть ой, алт и мерить: „Ней уш теникь эрьва мезень кувалма а эряви ошов якамс. Косо секень вант ярмаккить габурдасызь, эли манясызь. А кооперативсэ микшницясь эсинекь ломань, амане“.
Атятне кортыть: Лац тевесь теевсь, эрьва мезень тарканьть кувалт а сави ней алаша ошов паньцимс. Молян чокшне кооперативс, мезе тень эряви раман ды ощо газет кулцунан, месть а месть парт содамо карман. Кода а молемс? Моньць—как кооперативонь членан, — ванца, кода тосо тевтне молить, кода роботыть.
Ней весекснынь неяви, кодамо кооперативоньть лезэзэ:
1) Сокицяньти аэряви паньцимс алаша и ютафтумс шка.
2) Аватненень а эрява якамс эрьва мезень кувалт базарув, карцимань калафтомо, а сава кадномс эйкакшост чаво кудосо ваз марто.
3) Кооперативсэ товарось седе паро, седе дешова и эрьва мезеньть полавтызь эенть товар ланкс
4) Ярмакне кооперативстэ ков-гак а туить, эрьва чине сынь касыть и куть знярдо можна саимаст мекивь — а емить.
5) Понгинь деряй сокицясь мень-гак апарц, кооперативось таго а кацы емамо.
Сокицят! Не вете заповетнень илинк стуфт.
Кооперативось мельц апаро аньцяк кулакнинь ды торговойнень, конат эрьва мейсэ мешить те тевеньти. Навелень атятне чарькоцть, што ней аньцяк весеме таркасо роботазь аньцяк стят эсь пильге лангс, А умок саизь сынь кооперативоньть кец оень чавуфтуманьть, оделэзь, сонзэ эсь ярмаксост и тевс нолдызь: Тундоньти кооператовось хлопочи модань кувалт и надии получамо. Алкукс-как получи: Саветской властесь паро тевсэ трудицянень знярдо-як аотказы.
Н. М.
| Берянь веле. |
| (Трокшонь веле Ардатовск. уезд. Ульяновск. губ.). |
Минек Трокшо велесэ эрить весемезэ 1200 ломать. Кооперативенек велесэ арась. Мезе эряви рамамс, весе рамить базарсто эли Чаунзань кооперативстэ, коната минек велинть эйстэ ащи колмо вельгейпеть. Кода роботы Чаунзань кооперациясь минь а содасынек, но можна меремс, что роботы берянстэ — кото иес кооперативень роботникне весть-как эсть тейне минек велесэ доклад, кодамо кооперативесь максы польза сокицятнэнень.
Трошконь сокицятнэ удыть прок похмелиядо мейле. Волостной роботникне пувтамост акапшить? Якстере теште кармавтыть Чаунзань волостной роботникнень Трошконь асоды чаматнэнь сыргафтомо.
С. Баранов.
| Чопуда вирьсэ. |
Вирс пачкудинек чокшне порава. Кардонсо вастымим лесник эрзя.
— Эрят аштат ялгай!
Кувсезевсь лесникесь, ауль пек радувазь ваны лангозоно.
— Эрян. Мейс сыде эрзят?
Евтынек тензы мейс сынек.
— Ну кода ялгакай эрятадо — неяве ауль пек енсто?
— Мезинь теть тесэ эрямо, коть вачодо кулок. Жалованья макснить аламо, аздан уж месть теймекс — ну айда совадо кудос штоли.
Совинек. Кудось од, покш, седе икилив тесэ эресь сонсь лесничейсь, ней эрить анцяк об‘ездчик ды кавто лесникт. Комнаткинесь, косо эрить лесниктне, апокшкине, рудазов, каладозь каштомтнэ (печкатне) качадыт, вальмава кой кува пувить варрминеть.
— Истя и эрятад?
— Истя и эрятам... Ды те ощо мезе; вана миник тесэ а васоло ули кардон, тосо эрить кавто лесникть ве таркасо ве обходсо.
— Кода истя ве таркасо?
— Истя чисткадо мейле, вейкенть каизь. Тарказонзо сайсть лия.
Васинцесь туи вирив обходе, омбоцесь лесничеентень. Омбоцесь туи вирив обходс васинцесь лесничейнэнь, пенецямо, самогон саи мартонзо, истя истя вана и эрить севныть, чинь перть тюрить и те и тона а арси тумодо тосто.
— Лесничейсь эно месть лангозост ваны?
— Лесничейсь? Лесничейсь брат самогондо истя копорди, атят бабат — айда ну! Коть ки кант симсызь. Ауль умок вана уездсо сакшнось та кодамо начальникь, Союзсо штоли, мон аздаса парсте, тосо весенть начальникть. Минь яла учинек — сон весе тевенть парсте ладясы... Шайтян содасы косто сонензэ муйсть самогон, ды прибавасть тензэ тейтерь, ды сон истя мамась самогондо, вальманик мезник лесничеень комнатасо весе мик пачк тапизе; Мейле ваны кеттне а козой путмокс, стенасо неизе телефон ды кода лыкштади телефонь лангс, телефонось покольнекс мик эрьва пелев лифтесь. Насила ильтинек (проводинек) сонзо тосто. Мейле марятано Укомсь панизе сонзо службасто. Учотам лесничеень гак паньсызь, ну арась эзизь панть, а уж эряволь бу паньмекс!
— Ней гак сон истя эри сими?
— А кода эно, эщо седе пек кармассь симме, а хозейказо чинек венек а стякшны ирицтэ. Лесниктне; тензэ пецька уштыть ведь мельга яксить, скотина андыть эрьва месть тейнгть, сень гис эйсыст и кирди. Ну дайте братцы озадо чайде симме, тынь наверна сизиде, самоварось кенирсь
Анцяк чопода глухой вирсэ и можна истя эрямс истя теймекс, ки як а мари ки як а неи, арасть партийной комсомолонь ячейкат, арасть кинигат, арасть газетат. Пачтямс тень кувалма Уиков Укомов а кинень а кода, весе пелить виринь боярдо, должносьтьсто паньсы. Мезе тензэ теят?
Сардо.
| Налогонь ды самогонконь кувалт. |
| Истя аяряви тейнемс. |
| („Эрзянь Бруслан“ Пригородной волост. Бугурус. уезда). |
Эрьва газетсэ, эрьва волостьсэ, эрьва велесэ кортасть ноябрень 1-це чистоньть 45% налогонь каямонзо кувалт. Сознательной сюровидицятне каясть, но аламот (мон кортан эсь веледэнэк). Аостаткат мерить: „сюром арась“, „скотенам арась“; „сюром ули — скотинам арась“; скотинам ули — сюром арась. — а мезе миемс. А кона-кона мери: „скотинам ули, сюром ули, а налог а каян“. 45% 1-ноябрянень пеле веле эзь кая. Думасть алкукс а мейсэ. Тевесь неяви авуль истя ащи: Казанскойде икеле ютась велеваньть пурназь соломка весе тензэ каясть. Налогозо сонзо натуральной, аволь единой: розь, канста, алт, чиньчарамот, модарькат и лия эрьва мезень эрявмо пельть.
Сась казанскойсь, самогон чудизь—чуди, весемень сюро ули. Эрьва кудось велестоньть юмавць самогонокс ве пондо, а кона-кона ютавць колмо—ниле пондот. Милициясь мукшнось кова-кова ламбавтомат 10-12 ведрат. Велисонок 400 кудот, весемезе сынь ютавцьть 400 пондо розь, те розеньть питнезэ — 320 целковой. Вана тенькь 45% налогонть пелезэ. Зняро сюро юмавцть ве велисэ. А истят велетне ламо.
Зняро лезэ не ярмакнень ланкс можна-ль теемс. Саемс хуть ловнома кудо, — зняро эрьва мезень кинига рамавольть не ярмакнень ланкс. Зняро лезэ не кинигатнень ловномсто велесэ эрицятнень улевель. Не кинигатнень ловнозь сынь кармавольть содамо, кода седе вадрясто, скал алаша мельга якамс, кода сюрось агрономтнень валост кувалт седе вадрясто видемс, кода 3-х польясь кадомс ды вачодо а куломс. Ловновольть, кода лия велева самогонтомо горявтомо эрить.
Кода тень кувалт думат казанскоень вина марто проводиця? Ефтак.
Стива комсомолец.
| Велесэ самагоннканть эйстэ пек берянь тевть тукшныть. |
| (Ташто-Дамасерка, Сок-Карм. в., Бугуруслаоск. у., Сам. губ.). |
Минек велесонок пек ламо самагонкань паницят, а симицятне седеяк ламо. Вейке храмой лемезэ Митянь Дригорь а лотксияк панимадо и сонзэ зняро боканзо эсть яжа и кунце эйсэнзэ, панимадо яла теке а лоткси. Истят пицицятне пек ламо лия веливаяк Домосеркань перька. Велесэнек ульнесь кодамо а симиця Гавань Лизар и то косто-косто маньчеви. Сими анцяк салава. Лангс ванозь винань паницятнэнь кунци. Велева ломать кортнить, пек ен улевель меревелтьдерей наяв самагонканть панемадо — сон пек ламо лезэ тенек теини. А мон мерян тенст, весе бедатне безмалова самагонкадо теевкшныть и сон миненек пек ламо вред теи.
Вана велесэнек печкизь пеельцэ ирицтэ ломать иредезь ломанень.
Ки чумось? Самагонкась.
Маркелонь Ларькань кудосо симнисть цела компания самагонкадо. Мейле саизь да печкизь Ларькань церанзо Паволонь. Секс будто, что сон ламо а симиксэль самагонкадо. Братозо капоць пеель и седей бокантей орчкафтызе и сон сеск кулось. А кудостонть листь остатка ломатне и рангить: Ларькань Федя печкизе Паволонь. Ней кортыть. Вана кодамо азарць киска Федя, натай братонзо печкизе! Весе чумондыть сонзэ эйсэ. Монь койсэ сон истя жо чумо, кода остаткатне: Степань Киря, Гостятянь Матвей, Ларькатя и лият. Секс, анцяк чумот — сыньгак симсть вейсэ. Раз вейсэ симсть, то и сыньгак чумот. Паро ломать ванодо те тевенть ланкс и думадо ки чумось юткстост, чумондамс сень эряви. Истят случайтне пек ламо эрьцить. Коли сынь авольть симе ирецтэ авольть улеяк — Федя Паволонь зняр-
