| ЯКСТЕРЕ ТЕШТЕ. | № 35 |
| Сюронь ачачоманьть марто бороцямс нолдасьть 62 миллиот. |
1924—25 иестоньть сюронь ачачоманьть марто бороцямо тевеньти нолдасьть 62 миллион целковой. Не ярмакнень вана кода ютавцызь:
1) Яровой видмень рамамс 12 миллион целковой,
2) Сюровидицянь скотинаст трямс 4 миллиот,
3) Народонь трямс 14 миллиот
4) Эйкакшонь трямс 7 миллиот.
| Чумо нать чопуда чись. |
Киненьгак эщо эзь стувтов вачодо эрямонь апарось манынь иестэнть.
Тедидень иесь таго аволь шождыне сюровидиценень.
Сюрось шачсь авуль ламо, лиянь ярцамс-как иен берт а саты. Скотинанень коромось аламо. Седеяк берянь улевель а лездавольдяк тенек Советэнь властесь. Советэнь властесь шкастонзо кучсь вачо таркатнева сюро видметь, явшисть кредитс ярмакт.
Саратовской губернясо таго а паро. Ламо сюро—видицянь таго ризны седей.
Петровской Уездань келес озимтнень сэвсть сукст. Кона кона велетнень эзь кадув вейкеяк ума апак сэвь. Октябрянь месецтэ ловуманть коряс весимезе сэвезь кемнилесее тыща десятина озимь сестэ эщо сукснэ эсть лотксэ озимде ярцамодо. Эщо кенерькшнесть ламо сэвемс якшавтомазонзо.
Истя сермады вейке Петровской уездань ялга Филатов Бутавской поселкасто.
Эрьва иене сокицень вельксцэ нюрьги вачо чись. Иенть яла меньгак берянь тевь лиси, арасть пиземеть эли меньгак сукст сэвсызь сюротнень. Арасть минек виенек нетне а партнень марто тюреме. Анцяк бути поп марто паксява ютататано. Пононть лезэнзэ ней ламот чарькодизь. Куш конят тапик, коли кизэсь коське, так мезеяк а теят.
Эряви кодаяк эсить вийсэ тюремс нетҥе апартнэнь марто. Саратовской Якстере Сокицясонть кие бути сермаць: кода вейке атясь Саратовов молемстэ неинзе суксонь сэвевть паксятнень ды мери — „пазось наказы эйсэнек грехенк кис“.
Кода неинзэ опытной станцыянь озимтнень — талакаць, тетькиньзе сельмензэ ды арси, „мекс нень эзиньзе наказа пазось“?
Секс! Сынь теить аволь минек лацо, сынь превейстэ седе видить-сокить, ды маштыть Сюротне а пародо ванстомо. А тонавтнемс ли миньденек сынст пельде, а евтнесызь ли, кода сынь ванстыть сюрост эйсэ.
Сы теле, ютко-шка ламо ули. Мекс бу тенек а пурнавкшномс истямо кинигань ловномо, косо тонавтыть, кода панемс нетне а паротьнень. Мекс комсомолнэнь эли комунистэнь ячейканень а терьдемс участковой аграномонть, ды ловновтомс кацтэнзэ лекцият нетне а паротне марто тюримань кувалт.
Лият мерить; мргек а мейсь тонавтомс, минськак содасынек, анцяк арась вий.
Мезеяк минь а содатано, ды виеськак тенек апак сода а муеви. Эряви содамс, кода содыця ломать теить.
Сукснэ тунадаяк кармить ярцамо. Сынст апарост эщо эзь юта. Тельня эряви ловнокшномс, кода сынст марто тюремс.
Ды аволь анцяк сукст, ламо кой мезе янги эрямонь берть минек кирганок эйсэ.
Чумо нать чопуда чись.
Парсте эрьва мезень содамось карми ливтиманок апаросто. Секс Советэнь властесь кучи тенек агрономт кинигат. Секс сон терьди эйсэнек тонафтнеме.
Сокиця.
IV.
Весь ков валдо. Арась Яков атянь удумась. Бокасонзо Ванька корны покш ломанькс.
— Эх те проклятой комунась — корты эсь пачканзо Яков атя. Велявць омбоце бока ланкс.
— Лядось саевлизе, кие те праванть нолдызе.
Кармась матидевеме. Совась урьвазо, маць.
А куш, а кош, анцяк таракатнэ порить стенасо коневтнень эйсэ. Вальмава токи ков валдо. Киякс кунчкасо кудо икеле чувтонть сулеезе шаты.
Онстонзо маряви ки бути стуки. Стяволь а стяви, мезе бути лепшти пондакш эйсэнзэ. Таго матидеви. Маряви ки бути Якамодо. Цирькаи спицька.
Стяволь стяволь Яков атя, а стяви. Ки бути ускси эйсэнзэ кедьте. Паньжинзе сельмензэ. Вельксэнзэ кие бути комась, ваны.
А содаван теть... Стукинь, стукинь, плетень велькска уш кузинь... Кутмордасть...
Сон... Вася..! Кудосонть кепетецть шум.
Васянь низэ а соды месть тейнемс. Авариди, пейди. Ванька сыргойсь, педиксыль аварьдеме — вискс, а содасы ломаненть.
Вельместь весек одов. Пеедсть икелев севнуманть ланкс. Вася евтнесь кода сон понксь пленс, кода оргоць мекев. Ней нолдызь кудов лецямо. Вейке эзь чаркоть Яков атя, мейсь пек Вася те праванть кис пшкади.
— Ну, тетяй, минь коллективевь тутано — мере месецень ютазь Вася тетянстэнь.
— Кода мелеть, Ванок, туили теветь. Пек уш ялгатне пурнавсть берять. Сидар мень теть ялга.
Ванок... Моньдянь-олят.
Пурнавсть кемень семият. Явсть велестэнть. Стака ульнесь васня эрямось. Эрявсь весе калавтнемс, теемс одов. Жалка Яков атенень ульнесь сыргамось таркастонть, козой сон тонаць, косо эрьва кевненть содылиде.
Сидир кармась пеелеме Яков атя марто.
— Вот, Яков леляй, кеветее ие роботникекс эринь, пародо сельмем эзь некшне. Ней седеем радувазь ашти, ломанькс ловсамизь, миньцинек тевенек ули.
Куватьс пуворясь кургонзо эйсэ Яков атя, Сидоронь равноправиядо. Косойстэ ваныль лангозонзо. Народось пурнавсь дружной, тевест тусь
Тесэяк Яков атень лезэзэ эзь юма. Сон парсте паньцесь коллективиникнень эйсэ. Истяк сонзэ а ярцат.
Весе кулцоность эйсэнзэ.
Вася хлопочась машина, тейсть ведькев. Яков атя одов. Ней седеньгак парсте кундась покш тевс.
Аламонь аламонь аватнеяк тонадсть, васня яла севность, мейле лоткасть. Тейтерьтне, конат коллективстэ листь мирьденень, мекев оргодить стей, анцяк мирьдест марто.
— Минь, мери, ськамонь, ськамонь, эзинек тонат, эрямо. Ве таркасо седе паро. Велестэ цератне ней содамокс совить. Неи Яков атя лия ломанесь. Сидор марто секе тевь яла роботыть. Сидор мекшть кармась кирьдеме, сад путс — сон роботникекс ульнесь садовникень кецэ.
Косо ней коммунась седе икеле, ськамот, пеллить тува якамст. Ней тосо ведьгев, эрьва шкане народ. Таркаськак лиякс велявсь, буто мерят аволь сьнгак.
Велень беднотась ансяк дивсить.
— Яков атя месть тейни — кортыть велесэ бабатне пазнэнь лоткась, сыре дурак, озномо. Вот аля, эрямось месть тейни.
Ламонень Яков атя ней а содави.
Ф. Чесноков.
| Эрзянь-мокшонь кельсэ учебникнеде. |
Мелень тонафтума иестэнть мокшонь школава вейкеяк книга мокшонь кельцэ арасель. Эрзянь школава, эрзянь кельсэ ульнесь анцяк вейке книга — букварь „Тундонь чи*. Те букваресь печатазель 20.000 экземплярт. Весе ульнесть кучозь таркава.
Ламо губернява буквартне эсть сатокшно. Тедиде Татреспубликасто вейшсть 1.000 экземплярт „Тундонь чи“, Нижегородской губернясто 2.000 экз., но сыненст кучомс тедиде эсть савт. Вейкеяк букварь Московсо эзь кадовт. Эрзянь кельсэ одс букварь ули анокстазь, анцяк лия тонафтума иенень. Тедиде тонафтума телентень кенеринек анокстамо истят учебникть. Васенце иень тонафтума задачникь „Чождя ловомо“ эрзянь ды мокшонь кельсэ и мокшонь букварь. Не книгатнэ таркава кучозь. Нолдыксэлинек тедиде сексня мокшонь и эрзянь кельсэ букварде мейле васенце ловнума кинига, но те шкамс не кинигатнэ эщо эсть кенерть. Печатазь улеме кармить анцяк 1925 иень январень васенце чистень. Омбоце пель иестэнть можна ули эйсэст тонафтнеме. Не книгатнэсэ мелень планось прядови.
Кодат учебникт Наркомцроссо эрзянь-мокшонь бюрось издательствань секциянь марто анокставольть те иестэнь 1925—26 тонафтума иентень?
Планс сермадозь истят эрзянь-мокшонь книгат: 1) Грамматика, 2) Букварьде мейле омбоце ловнума кинига, 3) Букварьде мейле колмоце ловнума кинига, 4) Задачник (омбоце часть), 5) Эйкакшонь ловнума кинигинэть, анцяк эрзянь кельсэ анокстазь улеме кармить букварь ды природоведение.
Чтобу весе учебникне улевельть анокстазь шкастонзо, Центральной Издательствань эрзянь-мокшонь редакциясь бажи седе курок ды седе ламо ломаннень максомо не кинигатнэнь сермадомост. Эрзянь грамматиканть сермадсазо М. С. Евсеев, мокшонь грамматиканть анокстасазо Дорофеев ялгась. Эрзянь кельсэ Букварьде мейле омбоце ловнума кинигань сермадуманть кувалт Центральной Издательствась теи конкурс. Эрзянь-мокшонь ловнума кинигань лангс тожо улеме карми теезь кункурс. Мокшонь омбоце ловнума киниганть максынек уж сермадомо 3. Ф. Дорофеевнэнь.
Задачникенть эрзянь кельсэ сермадсазо М. И. Кручинин, мокшонь кельсэ Бондяков.
Эрзянь букваренть анокстамонть кувалт сермадынек Толкаень ды Петровскоень эрзянь педтехникумтнэнень. Кона эстэдест кармить сермадомо те шкамс ответ эщо эсть кучт. Эйкакшонь ловнума книгинетнеть сермадыть Данилов ды Бондяков.
Природоведение улеме карми сермадозь рузонь учебникстэ (перевод). Те киниганть сермадомонзо ощо киненьгак эзинек макст.
Эрьва киниганть печатамодо икеле карми ваномонзо эрзянь-мокшонь центрань бюронь методической комиссия. Кемдянок, что те иень планонь коряс весе кинигатнэ улеме кармить анокстазь шкастост.
Глухов.
| Эрзянь кельсэ кинигань сермадумань кувалт конкурс. |
Центр. Издат. Народов. СССР. теи конкурс ки седе вадрясто сермадсазо Букварьде мейле омбоце ловнума киниганть.
| Конкурс условиятне истят: |
1) Киниганть эряви сёрмадомс ГУС‘онь програманзо кувалт.
2) Сермадомс 10-12 печатной листсэ.
3) Рукописень кучомс 1925 иень апрелень васенце чиньтень. Рукописенть кучомс тешкстазь. Фамилиянть тешкс марто кучомс лия канвертсэ.
Весе кучозь рукописьнень карми ваномо конкурсонь комиссия. Кинь кинигазо улеме карми сермадозь сех вадрясто, сенень максыть прямия 250 целковой ды гнорар 65 целковойть эрьва печатной листэнь кис.
Кннь кинигазо комиссия примасазо улеме карми сермадозь газетсэ Маень васеньце читнестэ.
Рукописенть эряви кучомс истямо адресэнь кувалт: г. Москва, Никольская 10, Центральное Издательство Народов СССР, отдел учебников, конкурсная комиссия.
| Кода моли эрзя-мокшо юткава тонавтума тевись. |
| Лукияновкань уезд Нижноинь губернянь. |
Весимизе эрицятне Лукияновкань уздсэ 303.000, конатнень эйстэ эрзетнень ды мокшотнень ловить 50.131 ломань. Те цифрантень кеммикс не приходится. Зяро эрить эрзетне ды мокшотне Лукияновкань уездсэ парсте кияк азды. Точной учет миник уезсэ арась. Весимезэ эрзень велетне ды поселкатнень ловтам 70. Велетне ёртнизь тия тува руз вели юткова.
Эрить эрзетне пек покш велева. Паксяст васулу и модатнень сокить-видить беренстэ. Кувать ды ламо вий эряви путмокс чтобу кепедьмикс эрзень паро чись. Чоподат ощо эрзетне ды мокшотне, а курок тулкадивить таркастуст. Басинь шкане те иестэ эрзя-мокшо велива ульнесть нолдазь весимизэ 22 школа I ступени, конатнинь эйстэ тонавтнить 2200 эйкакш. Октабрень месецтэ школьной сеткантень прибавазь 2 училищат: Ст. Иванцовасо ды Мессинговкасо. Весимезэ ней роботыть 24 училища. Тонафтыть васинь иенть эрзякс, конат иетнень эсь келсэ тонавтумкс не приходится, арасть 2,3.4 иетнень учебникть. Комсь ниле училищетнень эйсэ тонавтыть весимизэ 32 учительть, конатнень эйстэ эрзень тонафтыцят 17 ломань, 5 тонафтыцят содыть ёнсто эрзякс, остатка 10 ломатне эрзякс аздыть мезияк. Сынст ней аламунь-аламунь полавтнитям и тарказуст аравтам эрзят. Пополнениякс максузь октябрень месецтэ 3 учительть. Ломаськи велив, Чиргуж велив ды Ицял велив. Эрзень школа 9 летка минек уездсэ вейке: Ицяло велисэ, конань эйсэ тонавтнить човор эрзень-рузунь пакшат, весимизэ 217 ломань. Тонавтыцят учительть те 9 летканть эйсэ 15 ломань, конатнинь эйстэ эрзят весимезэ 3 ломать. Тонавтыть эйсэнзэ васинь иенть эрзякс, а конат иетнень рузунь кельсэ, арасть учебникть ды арасть эрзят тонафтыцят. Эрзень отделениясу Починкань Педтехнкумсо эрзят тонафнить 10 ломань, конат понгсть тов те сексня. Преподователь эрзья тосо арась. Дошкольной пакшань кудо минек-эрзянь арась. Ликвидационнойть пункт Лукиановкань уездсэ 13, конань эзга думситям нолдамо васинь сроксто 400 ломань. Тонавтыть эйсысть рузунь кельсэ, эрзень учебникть кодаткак арасть. Апак тонавт сыре ломатне уездсэ 8148 ломань, конатнень эйстэ 80% неграмотнойть ават. Библиотеканок эрзень велесэ 5, конатнень эйсэ эрзякс сёрмадозь кинигат арасть. Эрзень методической бюро уездсэ арась. Думситям тейми эрзень секция, конась карми ульме рузунь
