| 4 | ЯКСТЕРЕ ТЕШТЕ. | № 35 |
дыяк а печкевлессе. Велень эрицят, думадо (арседе) те тевденть и кундатанок вейсэ дружнасто самагонкантей и машсынек коренондояк. Кона карми пицеме сонзэ эряви кундамс и милициянень ветямс. Мейле минек велива а кармить улеме маштозь-печкезь ломать, чавозь и панцизь ават (козейкат) и лия мезень берянь тевть!
Ведь самагонкань паницятне и симницятне неть самай берянь ломать, конат а думазевить, што сонзэ семиязо вачадо ашти и голойсто а сон симни пукштети печкимазозонзо.
Самогонкась пек ламо теи тенек берянь а лезэзэ сонзэ эйстэ колияк а эри. Давайте лучи не ярмакнэнь эйсэ или сюросонть школатнень енсто тейсынек, кинишкат раматанок и газет эсинек кельцэ серматстанок.
Ведь минек эрзянь газетэсь „Якстере Теште“ пек покш лезэ (польза), теи. Кода эрьва ломанесь кажной карми сермадстомо эстензэ газет ды ловномо кинигат, сестэ минек велеванок а кармить улеме маштонь ломать Паволонь гондят.
„Эрзянь ломань“.
| Стуфтозь веле. |
| Репакуж веле, Саран. у.). Пензенск. г., |
Репакуж велинесь эри вирь ало, пандо экшсэ. Чуди ведь чиресэ. Таркась самагононь панемс пек еон, ведесь маласо, васов кандомс а эряви. Секс тосо якшамо шкас парсте роботасть самогонщикне. Начальства тува пек а яки, тандавтницят арасть. Велиськак аволь пек покш.
Кизэ кунчкава велинь ломатне пуромсть ямщинань максомо Пенгилей велень ломаннень (Кавто велинетнень сельсоветэст вейке).
Ямщинанть максызь. Седиклеень ташто кой лацо, тевьде мейле кансть самогон. Симсть симсть кандовсть гармуният.
Парсте веселгалесть. Кие косо ащи, сесэ кишти. Мерят буто весексэнь севонень нерьгема номочос терьдизь, эли веленть эйсэ мирьденень максцть. Сыре атятне седе ест витизь парсте, весе одолгалесть.
Парсте роботасть самогонщикне. Цела веленень сатоць самогоност.
Ков бути самогонщикне тельня аравсызь заводост ведь чирестэ.
Лов ули, ведень пельде нужа арась.
Варштамаль киненьгак тов. Косо ульнесь сельсоветэсь сестэ?
Цыганкин.
| ВЕЛЕНЬ СЁРМАТ. |
| Берень ульнесь, а ней седияк берень ули. |
| (Борискина веле Сок-Кармалин. зол. Бугурус. у., Самарской губ.). |
Минек велесонок ульнесь ловнома кудо, козой хоть аламо яксисть а лезэ эйстонзо теник ульнесь.
Тосо получилинек эсинек кельцо газет „Якстере Теште", фисгармония ульнесь и культурно-просветительной кружок организовакшнынек. Тефтне пек енсто тукшность, да ней совсем тевесь нать лотки. Мекс буте минек ловнума кудонть пекстызь. Тевенок пек берянсто карми улеме. Минек велесонок ниле сядошка кардаз эрзятнэ и пек сынь чоподат, ламо вий эряви путомс, штобу сынст таркастост сырьгавтомс икелень чопуда таркастонть.
XIII партийной с‘ездэсь мерсь велень роботанть коряс, што велива анцяк ловнома кудотнэ пек лезэ теить народонтень, седе ламо эрявить паньжомс не кудотнэде Минек Борискина велесонок икеле волость ульнись и ловнума кудось чисто эрьзянь ульнись, кона пек лезэ тееволь бу, а уездной политпросветось сонзэ пекстызе и мерць, што минь кадтанок ловнома кудотнэнь това, косо ней покш волостнень тейсть. Всероссийской партийной с‘ездось мери, кода бу седе парстэ веленень теемс, а губернскоесь ды уезднойсь теи, кода бу улезэ седе енсто городцо, а велень тевтнень седи мееле нолдамс.
Секс как ведь волостька ловнома кудотнэнь эзга арасть книгатнэ, конатнэ улить пек ташт. А ошцо библиотекатнэнь эзга книгатнэде пек ламо и одт.
Эх эрзят, эрзят! Яла минек ланга юты сокращениясь, и минек чопуда народонть уцясказо арась, што остатка ловнома кудомок пекстызь!
Паряк центральной эрьзянь секциясь варшты минек лангс ды горянок нужанок несы, и читальнянок таго панжувсы! Сестэ пек пасиба тензэ евтатано.
Бориз велень эрзя
| Кода эрятано ды месть тейнитяно. |
| (Нушталкина веле, Бугурусланск. у., Самарской губ.). |
Велесэнек ниле сядошка кудот. Эрицетне весе эрзят, весимезэ кавто тыщашка ломань. Ули церкувамок, тов ней пек ламо а якить озномо. Попонь кемицят эщо улить сыретнень ды сюпаватнень ютксто. Велесэнек ули кооперативной лавка, конань тевензэ молить енсто. Секс вольной торговецнэ ней а пецить торговамо, пелить кооперативденть. Ули школамок, конань теинек попонь кудос. Попонть ды дияконть тулкадинек. Учительницянок кавто, конат пек енсто тонавтыть, мелезэнек тусть. Аволь кода мелят Прохорова ялгась чавсь пакшатнень эйсэ пря ланга линейкасо.
Аволь умок теинек а покш театра, пурнынекь драмат, кружок, кона косто-косто спектакольть тейни. Сермадстынек газет: „Безбожник“ , „Крестьянской Газет“, „Луч Коммуны“ ды сеятель правды.
Анцяк вана мезьде берянь, арась эсинек кельсэ газетэнек, рузоньцетне пек а чарькодевить.
Паряк минек велень эрзетне сельмест панчсызь ды сермадстыть эсинек кельцэ сермадозь газет „Якстере Теште“. Сестэ пек тенек ен ули.
Председателенек пек паро, тевензэ велесэ молить енсто.
Вейке берянь тарканок, од цератненень кодаяк а пурнави ячейка, арась тевень невтиця ды тевень ушудыця. Миньстянек кодаяк а ушодови тевесь.
Пек паро улевель, савольдеря Уездонь комсомолсто ломань, тееме тенек ячейка.
Учутанок, паряк а кацамизь. Сестэ минь седе курок стувсынек попонок.
Велесэнек улить од церат, конат пек озорничить, паро ломаннень ютамс а максыть.
Ячейканть марто истят озорникнеяк лоткить озоровамост, кундыть тевс.
Уездэнь ялгат, лездэде тенек.
Од Ломань.
Редакциянть пельде. Председатель ялгась, кемдяно сермадсты знярояк „Якстере Тештэ“ газет.
Брусланонь эрзень роботник, варштадо Нушталкинов. Илядо учо знярдо терьтядызь, тынсь моледе.
| Сонзэ лацо илядо тей. |
| (Эрзянь Темризень Ульяновск. губ. Карс. уез.). |
Минек велесэ председателесь середняк, ломанись пара, весекс марто корты парсте, кин-гак а обижи. Советце тевензэ молить, кода эряви. Хлопачась веленти телефон, коната моли вицтэ волостев, штобу седе аламо пандомс ямщикнинь. Думси добовамо веленти электричествань тол кудова. Продналогонь тевензэ тожо парт. Церкував а яки, пазнынь а верови. Ламо апак кортазь сави меремс, ломанесь народоньть кувалма седе паро аков. Аньцяк весе паро тевензэ гадясыньзе лавчо характеронзо эйсэ. Шкань-шкань маньчиви самогонкань симеме ды максне удостовереният ломаннень аволь эрямост кувалт. Вана ефтан теньк ве случай: Велисэнек ули поп, сонзэ ули церазо Петя. Петянь мелезэ тонафниме молеме, сонзо ков-гак а примить. Сон и кармась энялдомо председателеньти: Председателеньть седеезэ лавчомсь и максць попонь церанти удостоверения, буто сон эрзянь сюровидицянь цера. Ней те Петясь тонафни Ульяновской Губсовпартколасэ. Марясть те школадоньть велесэньть лия ломать. Тусть тов кавто од ломать, кафто комсомолецт: Димитрий Ильин ды Нюра Ломакина. Кавонест сюровидицянь семеястэ. Сынст тосо эзизь прима. Мерсть тест: эрзянь таркатне весе занязь. Аволь макс деря председателесь гонев попонь цераньти, ве комсомолецэсь улевель примазь.
Ванодо ялгат председательт! Минекь председателеньть лацо илядо тейть, истят гоневт кинень понксь илядо максне.
Варака.
| Сынсь эсь пряст невтизь. |
Бугульминской кантонсо весть теевсь истямо тевь.
Од сурманова велесэ престольной празникстэ попось ды дияконось якасть пурнамо велева. Пурнасть ярмак, кшеть ламо. Састь кудов кармаст явомаст.
Ульнесть сынь тетят церат. Тетясь ульнесь дияконокс, церась попокс. Попопось мери — Мон тоньдедеть покшан, моньдень эряви кавто часть. Диякон мери — Мон тоньдеть тетян, дай явсынек кавтов.
Кармасть севномо. Севность, севность, кода тюрьгадыть, Дияконость вий аламо — сыре. Попось пек кежей. Капудизе диякононть черьде ды давай кучкореме.
Диякононть тейтерезэ сайсь валек, ды давай валексо кува понксь кравтомо. Попось диякононть кадызе, кундась тейтереньтень. Каизе заборонь трокс, сайсь палка ды палкасо. Дияконось габордась пикс, каиксылизе попонть киргас, сонць апаро вайгельсэ пижни — Поватан. Поватан. Маризь ломать лоткавтызь тюремадо.
Тетят церат эсть ладя, вана кодат жаднойть. Вейкенень эряви ламо, омбоненень седеньгак ламо.
Теде мейле мольсть таго пурнамо. Народось мери, кукиш тенк. Неидизь кодаттадо тынь. Тынсь эсь прянк невтинк.
Дияконононть мик ускизь больницяв.
В. Калмыков.
| Кандодо седе ламо ойменк кис. |
| (Ташто-Дема веле, Петр. у., Сарат. г.). |
Ташто-Дема велинь церкувас кочкавт церковной старостакс Карпань Иван. Кавто иеть ютасть, кода сонзэ кочкизь. Кавто иеть сон кедензэ церькувасонть эжди. Эрзень авинетне эрьва мезень жертват кандыть церькував, нардамот, коцт. Конань пек оймезэ жалка юпканзояк канцынзе. Иван атя не жертватьнень пурнасыньзе кудозонзо канцыньзе. Аволь умок максць сон наряжамс не жертватнень эйстэ тейтеренстэнь, кона максувт Комань Федьканень урьвакс. Тейтересь радувась мекев эзиньзе макст.
Покш тейтеренстэнь, кона эри мартонзо, марявсь досадна, ней тетянстэнь мери саймадо кецтэнзэ.
Кандодо седе ламо ойменк кис. Карпань Иван тейтерензэ ланга явшасыньзе. Тейтерензэ эськаст чинек венек тюрить тынк ойменк кис.
Сюракш.
| Вечкема председатель. |
А умок якстере тештесэ сермадсть, што од ицялсо пек уж председателест паро, ламо тейсь ламо кортась ды эщо кой месть. Мон уж аздан кинень сон седе ламо тейсь лезэ, аздан веленень, аздан шныцянтень, анцяк вана мезе монень маряве а паркс, мекс жо сонзо од Ицялонь сокицятне а вечксызь? але сон пек парсте роботы крестьянтнэнень. Мон аздан кода эно сонзо а вечкемс, председателест руз од ломань паро роботыця, а крестьянтэ сонзо жо ютазь кочкома шкасто и эзизь кочкакшно советс. Ачаркудиве кода як, ну ка шныця, ялгай, можот тон кода як евтат парстине ды а тень-гак уш евтак мезнинь сонзо таго тов нерькстызь.
Сардо.
Издатель: Центр. Издат. Народов СССР. |
|
| Главлит № 21.692. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
