Epistola al Hebreos Capitulo 1

1  Deo, post haber in multe vices e in multe manieras parlate olim al patres per medio del 
   prophetas,

2  in iste ultime dies Ille ha parlate a nos mediante su Filio, que Ille ha constituite herede de 
   tote le cosas, per medio del qual Ille ha create le mundo;

3  le qual, essente le splendor de su gloria e le figura de su substantia e sustentante tote le 
   cosas con le parola de su poter, post haber facite le purification de nostre peccatos, ille se 
   sedeva al dextra del Majestate in locos excelse,

4  e ille deveniva assi superior al angelos, pois que ille hereditava un nomine plus excellente de 
   illes. 

5  Pois a qual del angelos Ille aliquando diceva: Tu es mi Filio, e io hodie te ha generate? e de 
   nove: Io le essera Patre e ille me essera Filio? 

6  E ancora quando Ille introduce le Primogenito in le mundo, dice: Que tote le angelos de Deo le 
   adora! 

7  E quanto al angelos Ille dice: De su angelos Ille face spiritos, e de su ministros flammas de 
   foco, 

8  Ille dice del Filio: Tu throno, oh Deo, es in le seculos del seculos, e le sceptro de rectitude 
   es le sceptro de tu regno.

9  Tu ha amate le justitia e odiate le iniquitate; ergo Deo, tu Deo, te ungueva con oleo de 
   exultation, plus que a tu companiones.

10 E  tu, Senior, in le principio, tu fundava le terra, e le celos es opera de tu manos.

11 Illos perira, mais tu permane; tote illos inveterara como un veste,

12 e como un mantello tu los involvera, e tu los mutara; mais tu remane le mesme, e tu annos non 
   finira. 

13 E a qual del angelos diceva Ille jammais: Sede a mi dextra usque io pone tu inimicos como 
   scabello  de tu pedes? 

14 Non es forsan tote illes spiritos ministrantes, mandate a servir a pro de illes qui debe 
   hereditar le salvation?
1 2 3 4 5 6 7 8 9 10 11 12 13
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev