Epistola a Tito Capitulo 2

 1 Ma tu expone le cosas que se conveni al san doctrina: 

 2 que le vetulos sia sobrie, grave, judiciose, san in le fide, in le amor, in le patientia: 

 3 que etiam le feminas ancian seque un conducta convenibile al sanctitate, que illas 
   non sia maledicente ni devote a multe vino, e que illas sia maestras de lo que es bon; 

 4 pro inseniar al juvenes a amar le maritos, e a amar le filios, 

 5 a esser judiciose, caste, dedicate a labores domestic, bon, subjecte a lor maritos, 
   a fin que le Parola de Deo non sia blasphemate. 

 6 Exhorta etiam le juvenes a esser judiciose, 

 7 essente te ipse in omne cosa un exemplo de operas bon; monstrante in le inseniamento puritate 
   incorrupte e gravitate, 

 8 parlar san, irreprehensibile, a fin que le adversario resta confundite, non habente nihil 
   de mal a dicer de nos. 

 9 Exhorta le servos a esser submittite a lor patronos, a complacer les in omne cosa, a non contradicer les, 

10 a non fraudar les, ma a monstrar sempre lealitate perfecte, a fin que illes honora le doctrina 
   de Deo, nostre Salvator, in omne cosa. 

11 Pois que le gratia de Deo, salutar pro tote le homines, ha apparite 

12 e nos insenia a renunciar al impietate e al mundan concupiscentias, pro viver in iste mundo
   temperatemente, justemente e piemente, 

13 sperante le beate sperantia e le apparition del gloria del nostre grande Deo e Salvator, Christo Jesus; 

14 le qual ha date se ipse pro nos a fin de redimer nos ab omne iniquitate e de purificar nos, 
   un populo sue, zelante in le operas bon. 

15 Insenia iste cosas, e exhorta e reprehende con autoritate. Que nemo te disdigna.
1 2 3
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev