Epistola I al Thessalonicenses Capitulo 5

 1 Re le tempore e le momento, fratres, vos non necessita que io vos scribe; 

 2 perque vos ipse sape multe ben que le die del Senior venira como 
   un robator, qui veni de nocte.

 3 Quando on dicera: Pace e securitate, alora improvisemente le ruina les cadera supra, 
   como le dolores del femina gravide; e illes non habera escappatoria.

 4 Sed vos, fratres, non sia in tenebras, a fin que celle die vos surprende 
   como un robator;

 5 pois que vos tote es filios del luce e filios del die; nos non es 
   del nocte ni del tenebras;

 6 non dormir dunque como face le alteres, sed velia e sia sobrie.

 7 Perque qui dormi, lo face de nocte; e qui se inebria, lo face de nocte;

 8 sed nos, qui appertine al die, debe esser sobrie, revestite con le cuirasse 
   del fide e del caritate, e con le helmo del sperantia de salvation.

 9 Pois que Deo non nos ha destinate al ira, sed a obtener le salvation
   per medio del Senior nostre Jesus Christo,

10 le qual moriva pro nos a fin que, sia que nos velia sia que nos dormi, 
   nos vive insimul a ille.

11 Ergo, consola vos le unes le alteres, e edifica vos le unes le alteres, 
   como etiam vos jam lo face.

12 Nunc, fratres, nos vos implora de tener in consideration illes
   qui labora inter vos, qui es inviatos del Senior e vos admone,

13 e de tener les in grande estima e amar les a motivo de lor opera. 
   Vive in pace inter vos.

14 Nos vos exhorta, fratres, a admoner qui es disordinate, a confortar 
   qui es discoragiate, a sustener qui es debile, a esser longanime con omnes.

15 Que nemo rende a alcuno mal per mal; al contrari procura sempre le ben
   le unes del alteres, e illo de omnes.

16 Sia vos sempre allegre;

17 non cessar jammais de orar;

18 in omne cosa rende gratias, pois que tal es le voluntate 
   de Deo in Christo Jesus re vos.

19 Non extinguer le Spirito;

20 non minuspreciar le prophetias;

21 sed examina omne cosa e retene le ben;

22 abstine vos de omne specie de mal.

23 Que le Deo del pace vos sanctifica completemente; e le integre esser vostre, 
   le spirito, le anima e le corpore, sia conservate irreprehensibile, 
   pro le advento del Senior nostre Jesus Christo.

24 Fidel es Ille qui vos voca, e Ille facera etiam isto.

25 Fratres, ora pro nos.

26 Saluta omne fratres con un sancte basio.

27 Io vos implora in nomine del Senior a facer in modo que iste epistola sia 
   legite a tote le fratres.

28 Le gratia del Senior nostre Jesus Christo sia con vos.
1 2 3 4 5
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud
Rev