Epistola I a Timotheo Capitulo 4

 1 Sed le Spirito dice expressemente que in le tempores a venir alcunes abandonara le fide
   e dara ascolta a spiritos seductor e a doctrinas de demonios
 
 2 per le hypocrisia de homines que profere mendacios e ha le proprie conscientia cauterisate; 

 3 le quales prohibi le matrimonio e ordina le abstention ab cibos que Deo ha create a fin 
   que illes qui crede e ha ben cognoscite le veritate, los usa con actiones de gratia. 

 4 Pois que toto lo que Deo ha create es bon; e nihil es reprochabile, si usate con actiones de gratia; 

 5 perque illo es sanctificate per le parola del Deo e per le oration.

 6 Si tu presenta iste cosas al fratres, tu essera un bon ministro de Christo Jesus, nutri 
   te del parolas del fide e del bon doctrina que tu ha sequite. 
 
 7 Sed evita le fabulas profan e exercita te in le pietate;

 8 perque le exercitio corporal es utile a poc cosa, dum le pietate es utile a omne cosa, 
   habente le promissa del vita presente e de illo a venir.

 9 Fidel es iste parola, digne de esser plenmente acceptate.

10 Pois que per isto nos fatiga e lucta: perque nos ha sperantia in le Deo vivente, que 
   es le Salvator de tote le homines, principalmente del credentes.

11 Ordina iste cosas e insenia los. Que nemo deprecia tu juventute;

12 sed que tu sia de exemplo al credentes, in parlar, in conducta, in amor, in fide e in castitate.

13 Dum io non torna, dedica te al lectura, al exhortation, al doctrina. 

14 Non negliger le dono que es in te, le qual te esseva date per prophetia quando te esseva 
   imponite le manos per le presbyteros.

15 Cura iste cosas e dedica te a illos integralmente, a fin que tu progresso sia manifeste a omnes. 

16 Sia attente a te ipse e al inseniamento; persevera in iste cosas, perque, assi facente,
   tu salvara te ipse e illes qui te ascolta.
1 2 3 4 5 6
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev