Epistola II a Timotheo Capitulo 3
1 Ora sape isto, que in le ultime dies venira tempores difficile; 2 perque le homines essera egoistic, amante del pecunia, vangloriose, superbe, blasphemator, disobediente al genitores, ingrate, irreligiose, 3 sin affection natural, sin fide, calumniator, incontinente, cruel, sin benignitate, 4 traitor, temerari, tumescente, amantes del placeres plus quam Deo, 5 habente le forma del pietate, ma renegante su potentia. 6 Etiam istes evita! Pois que del numero de istes son illes qui se insinua in le casas e captiva mulierculas cargate de peccatos, agitate da varie cupidigie, 7 qui sempre es docite ma nunquam perveni al cognoscentia del veritate. 8 E como Jannes e Jambres contrastava Moyse, assi etiam istes contrasta le veritate: homines corrupte de mente, reprobate quanto al fide. 9 Ma illes non vadera plus ultra, perque lor stultitia essera manifestate a omnes, como lo esseva illo de celle homines. 10 Ma tu ha observate mi doctrina inseniamento, proposito, fide, longanimitate, caritate, patientia, 11 le persecutiones, le afflictiones que io suffreva in Antiochia, Iconio e Lystra. Quante persecutiones io ha supportate; e le Senior mi ha liberate de tote. 12 E etiam quicunque vole viver piemente in Christo Jesus suffrera persecutiones; 13 dum le mal homines e le seductores vadera de mal in pejo, seducente e essente seducite. 14 Ma tu persevera in le cosas que tu ha apprendite e in le qual tu ha credite, sapente ab qui tu los ha apprendite, 15 e quia ab le infantia tu ha essite instruite in le cognoscentia del sacre Scripturas, le qual pote facer sage pro le salvation mediante le fide que es in Christo Jesus. 16 omne Scriptura es inspirate per Deo e utile a inseniar, a reprehender, a corriger, a docer in justitia, 17 a fin que le homine de Deo sia perfecte, plenmente instruite pro omne bon opera.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev