Biblia/Glossario/r

Biblia/Glossario biblic

A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z

R

Recapitular [ἀνακεφαλαιόω G346 (anakephalaioó)], resumer, summarisar, colliger insimul in uno. Le significato precise del infinito ἀνακεφαλαιώσασθαι (anakephalaiōsasthai) in Ephesios 1:10 es difficile a determinar. On poterea mentionar: (1) "resumer". Tote le cosas in celo e sur le terra pote esser "resumite", trovar su significato in relation al Christo. (2) "renovar". Tote le cosas, depost haber se corrumpite a causa del peccato, es renovate per le advento del Christo e de su obra de redemption. (3) "Colliger insimul", "poner sub". Le Christo, in le completion del tempores, ha essite exaltate e nominate chef (capite) de tote le cosa (includite le Ecclesia). Iste ultime significato pare le melior. In: Romanos 13:9; Ephesios 1:10. Usage: recapitular; recapitular le punctos de un discurso; recapitulation; recapitulation de lo que precede; recapitulative: recapitulative [capitulo], recapitulative [lista].