Allgemeines plattdeutsches Volksbuch/Dei krank Scheper

Dei Scheper drift up dei Hai',
Sin Backen sünd so witt,
Hei sett't sick mit dat Veih
Anne Bäk, wo 't Water flütt.

Hei knütt't an einen Strump,
Un weint ganz bitterlich
Dei Blaumen innen Sump
Seihn't un verwunnern sick.

Dei witte Lämmerwolk
Süht em bedräuwet an,
Dei Pogg röpt innen Kolk:
Wer heilt den armen Mann?

An jeren Sünndagmorgen
Geiht dei Scheper na ein Graff!
Sin Brut is da verborgen,
Dei Thranen lopt em raf.

Denn seggt dei Köster, dei olle,
Wenn hei tum Lürren geiht:
Den Scheper sing ick bolle
Woll ok dat Likenleid.

Hei geiht nich ünner dei Lüde,
Hei denkt man annen Dod:
Dei klauke Scheperrüde*)
Leggt 'n Kopp in sinen Schot.

---

*) Rüde = Hund.