Talk:Mattheo Capitulo 10
Add topicCAPITULO10
Mat10:1
E convocante a se su dece-duo discipulos, ille les dava autoritate sur spiritos immunde, pro expulsar les e pro curar tote sorte de maladia e tote sorte de infirmitate.
Mat10:2
Ora, le nomines del dece-duo apostolos son istes: Primo, Simon, qui es dicite Petro, e Andrea su fratre; e Jacobo [ filio ] de Zebedeo e Johannes su fratre;
Mat10:3
Philippo e Bartholomeo; Thomas e Mattheo le publicano; Jacobo [ filio ] de Alpheo, e Thaddeo;
Mat10:4
Simon le cananita, e Judas Iscariote, qui le traiva.
Mat10:5
A istes dece-duo, Jesus les inviava, dante les iste ordines: "Non vade per le cammino del Gentiles, e non entra in citate samaritan;
Mat10: 6
mais vade, plus tosto, al oves perdite del casa de Israel.
Mat10:7
E vadente, predica, dicente: 'Le regno del celos se ha approximate'.
Mat10:8
Cura infirmos, resuscita mortos, munda leprosos, expulsa demonios. Vos recipeva gratis; da gratis.
Mat10:9
Non procura auro, ni argento, ni cupro pro vostre bursas de cinctura,
Mat10:10
ni cartiera pro le viage, ni duo tunicas, ni calciamentos, ni baston; proque le obrero es digne de su alimento.
Mat10:11
In qualcunque citate o village que vos entra, informa vos qui in illo es digne, e ibi remane usque vos departe.
Mat10:12
Ora, quando vos entra in le casa, saluta lo;
Mat10:13
e si le casa es digne, que veni sur illo le pace que vos lo desira; mais si non es digne, que vostre pace retorna a vos.
Mat10:14
E quicunque non recipe vos, ni ascolta vostre parolas, quando vos sorti de ille casa o de ille citate, succute le pulvere de vostre pedes.
Mat10:15
Amen, io vos dice: Il essera plus tolerabile pro le terra de Sodoma e Gomorra in le Die del Judicio que pro ille citate.
Mat10:16
Ecce! Io vos invia como oves in medio de lupos; sia vos dunque prudente como le serpentes, e simplice como columbas.
Mat10:17
Guarda vos del homines; proque illes vos traira al synedrios, e flagellara vos in lor synagogas.
Mat10:18
E a presidentes provincial e a reges, illes vos ducera per causa de me, in testimonio pro illes e pro le Gentiles.
Mat10:19
Mais, quando illes vos traira, non sia anxie pro como o que vos debe parlar; proque in ille hora il se dara a vos lo que vos debe parlar;
Mat10:20
proque non son vos qui parla, si non que le spirito de vostre patre parla in vos.
Mat10:21
E le fratre traira al morte [ su ] fratre, e le patre [ su ] filio, e le filios se insurgera contra le parentes e les facera morir.
Mat10:22
E vos essera odiate de totos a causa de mi nomine; mais ille qui ha perseverate usque le fin es qui essera salve.
Mat10:23
E quando on vos perseque in un citate, fugi a un altere; amen, proque io vos dice: Que vos non completara de percurrer le citates de Israel usque le Filio del homine sera venite.
Mat10:24
Le discipulo non es super su maestro, ni le servo super su senior.
Mat10:25
Sufficiente es pro le discipulo devenir como su maestro, e al servo como su senior. Si al domino del casa illes ha appellate Beelzebul, quanto plus a illes de su casa?
Mat10:26
Dunque, non le time; proque nihil ha essite coperite que non debe esser discoperite, ni secreto que non sera sapite.
Mat10:27
Lo que io vos dice in le obscuritate, dice lo in le lumine; e lo que vos audi [ susurrate ] in le aure, predica lo sur le tectos.
Mat10:28
E non time illes qui occide le corpore mais non pote occider le anima; si non, plus tosto, time ille qui pote destruer tanto le anima como le corpore in le Gehena.
Mat10:29
Non vende on duo passeres per un moneta de poco valor? Non obstante, ni un de illos cade sur terra sin [ saper lo ] vostre Patre.
Mat10:30
Mais etiam le capillos de vostre capite son omne illos numerate.
Mat10:31
Non time, dunque: vos vale plus que multe passeres.
Mat10:32
Omne, dunque, qui confessa in me ante le homines, io etiam confessara in ille ante mi Patre qui es in le celos;
Mat10:33
Mais quicunque me renega ante le homines, io etiam le renegara ante mi Patre qui es in le celos.
Mat10:34
Non pensa que io veniva a mitter pace in le terra; io non veniva a mitter pace, mais spada.
Mat10:35
Proque io veniva a divider, le homine del patre sue, e le filia del matre sue, e le sposa juvene del matre-affin sue.
Mat10:36
E le inimicos del homine essera illes del casa sue.
Mat10:37
Qui ama a patre o a matre plus que a me, non es digne de me; e ille qui ama a filio o a filia plus que a me non es digne de me.
Mat10:38
E qui non accepta le stauro sue e seque detra de me non es digne de me.
Mat10:39
Qui trova su anima lo perdera, e ille qui perde su anima a causa de me lo trovara.
Mat10:40
Qui recipe vos, recipe me, e qui me recipe, recipe qui me inviava.
Mat10:41
Qui recipe un propheta in nomine de propheta, recompensa de propheta recipera; e qui recipe un justo in nomine de justo, recompensa de justo recipera.
Mat10:42
E quicunque darea de biber a un de iste parves tanto solo un bicario de aqua frigide in nomine de discipulo, amen io vos dice: no, ille non perdera su recompensa".
Start a discussion about Mattheo Capitulo 10
Talk pages are where people discuss how to make content on Wikisource the best that it can be. You can use this page to start a discussion with others about how to improve Mattheo Capitulo 10.
