Si̍ng-ging/Cho̤̍ng-sa̤̍-gi̍/5
Dā̤ 5 Ca̤uⁿ
[edit]5:1 A̍-do̤ng ē hāu-a̤̍ io̤h-lio̤̍h gi̍ deó ō̤-dâ̤. Dng Siō̤ng-Da̤̍ cho̤̍ náng sí-cā̤, sī chā̤uⁿ Siō̤ng-Da̤̍ ē siō̤ng cho̤̍ i;
5:2 cho̤̍ náng, iā cho̤̍ dṳ̂; dng cho̤̍ i bṳ̂ seo̍h di̍h, Siō̤ng-Da̤̍ ta̤̍h ho̤h-ki̍ ṳ̂ng i, ching i ceo̍ náng.
5:3 A̍-do̤ng seo̍h-bā so̤ⁿ-se̍h ho̍i buh saⁿ giô̤ⁿ, ching-chā̤uⁿ ga̍i ē siō̤ng, ching i ē miá ga̤̍u Seh-de̍h.
5:4 A̍-do̤ng saⁿ Seh-de̍h āu, cāi sa̤̍ bā̤-bā níng, ho̤h ca̍i saⁿ náng-dṳ̂-giô̤ⁿ.
5:5 A̍-do̤ng ho̍i-siū sia̍h ga̍u gâu-bā so̤ⁿ-se̍h ho̍i cia̍ⁿ sî.
5:6 Seh-de̍h seo̍h-bā léng ngō ho̍i saⁿ Î-nô̤-seō:
5:7 Seh-de̍h saⁿ Î-nô̤-seō āu, cāi sa̤̍ bā̤-bā léng chih níng, ho̤h ca̍i saⁿ náng-dṳ̂-giô̤ⁿ:
5:8 Seh-de̍h ho̍i-siū sia̍h ga̍u gâu-bā se̍h-dī ho̍i cia̍ⁿ sî.
5:9 Î-nô̤-seō gâu-se̍h ho̍i saⁿ Gai-náng:
5:10 Î-nô̤-seō saⁿ Gai-náng āu, cāi sa̤̍ bā̤-bā se̍h-ngō níng, ho̤h ca̍i saⁿ náng-dṳ̂-giô̤ⁿ:
5:11 Î-nô̤-seō ho̍i-siū sia̍h ga̍u gâu-bā léng ngō ho̍i cia̍ⁿ sî.
5:12 Gai-náng chih-se̍h ho̍i saⁿ Mâ-leh-le̍h:
5:13 Gai-náng saⁿ Mâ-leh-le̍h āu, cāi sa̤̍ bā̤-bā si̍-se̍h níng, ho̤h ca̍i saⁿ náng-dṳ̂-giô̤ⁿ:
5:14 Gai-náng ho̍i-siū sia̍h ga̍u gâu-bā ih-se̍h ho̍i cia̍ⁿ sî.
5:15 Mâ-leh-le̍h la̍h-se̍h-ngō ho̍i saⁿ Ngâ-le̍h:
5:16 Mâ-leh-le̍h saⁿ Ngâ-le̍h āu, cāi sa̤̍ bā̤-bā so̤ⁿ-se̍h níng, ho̤h ca̍i saⁿ náng-dṳ̂-giô̤ⁿ.
5:17 Mâ-leh-le̍h ho̍i-siū sia̍h ga̍u bā̤-bā gâu-se̍h-ngō ho̍i cia̍ⁿ sî.
5:18 Ngâ-le̍h seo̍h-bā la̍h-se̍h-dī ho̍i saⁿ Î-do̤̍h:
5:19 Ngâ-le̍h saⁿ Î-do̤̍h āu, cāi sa̤̍ bā̤-bā níng, ho̤h ca̍i saⁿ náng-dṳ̂-giô̤ⁿ:
5:20 Ngâ-le̍h ho̍i-siū sia̍h ga̍u gâu-bā la̍h-se̍h-dī ho̍i cia̍ⁿ sî.
5:21 Î-do̤̍h la̍h-se̍h-ngō ho̍i, saⁿ Mâ-tô-sah-la̍h:
5:22 Î-do̤̍h saⁿ Mâ-tô-sah-la̍h āu, hō̤ng-seō Siō̤ng-Da̤̍; ("Hō̤ng-seō Siō̤ng-Da̤̍," ngé̤ng-meóng sī "Gah Siō̤ng-Da̤̍ cá̤ giáⁿ.") cāi sa̤̍ so̤ⁿ bā níng, ho̤h ca̍i saⁿ náng-dṳ̂-giô̤ⁿ:
5:23 Î-do̤̍h ho̍i-siū sia̍h ga̍u so̤ⁿ-bā la̍h-se̍h-ngō ho̍i:
5:24 Î-do̤̍h hō̤ng-seō Siō̤ng-Da̤̍, Siō̤ng-Da̤̍ cī i kṳ̍; go̍-cheô beó deó ciâ sa̤̍-gang.
5:25 Mâ-tô-sah-la̍h seo̍h-bā beh-se̍h-chih ho̍i saⁿ La̍h-be̍h:
5:26 Mâ-tô-sah-la̍h saⁿ La̍h-be̍h āu, cāi sa̤̍ chih-bā beh-se̍h-dī níng, ho̤h ca̍i saⁿ náng-dṳ̂-giô̤ⁿ:
5:27 Mâ-tô-sah-la̍h ho̍i-siū sia̍h ga̍u gâu-bā la̍h-se̍h-gâu ho̍i cia̍ⁿ sî.
5:28 La̍h-be̍h seo̍h-bā beh-se̍h-dī ho̍i saⁿ giô̤ⁿ:
5:29 ching i miá ga̤̍u Nô̤-a̍, (Nô̤-a̍ huang-i̍h cuh sī "ang-hē̤" ē i̍-gī) gô̤ng, Cṳ̂ lâ̤-mo̤̍ ciâ dā̤, sâi guâ chiû ceo̍ ló̤-kô; da ca̤̍ giô̤ⁿ dih-dih ang-hu̍i guâ.
5:30 La̍h-be̍h saⁿ Nô̤-a̍ āu, cāi sa̤̍ ngō-bā gâu-se̍h-ngō níng, ho̤h ca̍i saⁿ náng-dṳ̂-giô̤ⁿ.
5:31 La̍h-be̍h ho̍i-siū sia̍h ga̍u chih-bā chih-se̍h-chih ho̍i cia̍ⁿ sî.
5:32 Nô̤-a̍ ngō-bā ho̍i, saⁿ Siâng, Háng, Ngâ-heo̍h.