Se̿ng-géng/Mǎ-tuo̿i Hŭ-éng/28
[ 81 ]
Di̿ 28 Cióng.
- Úing-sĭ-nì ka̿ing gua̿, chĭ góng gâ̤ tê cì góng, tíng châng-châng-guáng gâ̤ sî-hē, Muŏi-duōi-là gâ̤ Mǎ-lī-ngā iáu ŭ ciă Mǎ-lī-ngā lâ̤ chū dě̤ng.
- Sáng-bŭ-lěng-děng diá à cèng dòng kǐ lâ̤; Cṳ̌ sǎ̤-chṳ̿ gâ̤ giǎng tíng-di̿ à lâ̤, giǎng-ce̿ng nà dě̤ng-mô̤ng-chṳ̿ gâ̤ ciō̤ chiá-kṳé, cō hā ciōng-bíng.
- Gṳ̀ gâ̤ sio̿ng-māu su̿-siōng iāng-dáu, í-ciông bā iáu sṳĕ ĭ-búing: [ 82 ]
- Ia̿ng-dě̤ng gâ̤ béng giáng lâ̤ gō̤ tiú, bi̿ng su̿-siōng sǐ-tiāu gâ̤ nêng ĭ-búing.
- Cṳ̌ sǎ̤-chṳ̿ gâ̤ iáu ŭ á-niông-nêng uā, Ēng niōng giáng: uòi dă̤-dí nì sī lāu da̿ing da̿u sí-cī-ga̿ gâ̤ Iǎ-Sú.
- Gṳ̀ ēng-nǎing da̿u iŏ̤ng-di̿: cia̿u gṳ̀ chîng-mâng uā-gua̿ gâ̤ dī, hŭ-sáng kǐ lâ̤ làu. Nì lâ̤ chū bo̿ng Cṳ̌ gâ̤ sù-cài.
- Kṳe̿ ko̤̿, iáu gṳ̀ gâ̤ hă-sáing uā, Gṳ̀ giǎng sǐ-nêng dǐ-bíng hŭ-sáng kǐ lâ̤; giâ-gíng da̿u nì tê-chîng ko̤̿ Gá-lī-lī; da̿u ŭ-di̿ ŏ̤ gi̿ng-dă̤ gṳ̀ diō̤: uòi giâ-gíng iáu nì uā làu.
- Ŭ liòng-ciă á-niông-nêng kṳe̿-kṳe̿-di̿ giǎng dě̤ng-di̿ ko̤̿-tiāu, ǐ giáng, ǐ cèng ka̿u-uòi, bǎu ko̤̿ ba̿u-se̿ng nă Iǎ-Sú gâ̤ hă-sáing dă̤-dí.
- Ko̤̿ ba̿u-se̿ng gâ̤ sî-hē, Iǎ-Sú da̿u diō̤-di̿ pōng-diō̤ gṳ̀, uā, Ngṳ̄ing nì běng-úing. Ŭ á-niông-nêng giǎng-ce̿ng pāu-diū Iǎ-Sú gâ̤ káu, ba̿i gṳ̀.
- Iǎ-Sú iáu gṳ̀ uā, Ēng niōng giáng: ko̤̿ hǎng uòi gâ̤ hiáng-dī kǐ-séng ko̤̿ Gá-lī-lī, da̿u ŭ-di̿ ŏ̤ gi̿ng-dă̤ uòi diō̤.
- ¶ Ŭ liòng-ciă á-niông-nêng ko̤̿ gâ̤ sî-hē, ŭ ia̿ng-dě̤ng gâ̤ béng iǔ gǐ-ciă iǎ nì sêng, nà ka̿ing chū-gi̿ng gâ̤ dī, dú gŏ̤ng nă duōi ci̿-sí tia̿ng-nī.
- Duōi ci̿-sí iáu chîng-bo̿ cṳ̀ cì-dó, sióng-liông làu, ciū nà cèng cāi ngê̤ng nă béng,
- Uā, Nì niōng iŏ̤ng-gă̤-sĭ uā, Uòi-huo̿i-nêng mì-chĭ-diō̤ gâ̤ sî-hē, gṳ̀ gâ̤ hă-sáing tê-mâng lâ̤, nà gṳ̀ gâ̤ séng-chí té-ko̤̿.
- Iŏ̤ng-dī lâ̤ ŏ̤ dṳ̌ing hā cǒng-dŭ nèng-chṳ́ing-di̿ ko̤̿, uòi ciū ŏ̤ kṳ̿ing gṳ̀, báu nì mǎu dī.
- Béng nà ngê̤ng dé ko̤̿, í-diū gáu-dō gṳ̀ gâ̤ dī ko̤̿ uā: gu̿-chu̿ iŏ̤ng dī dṳ̌ing da̿u Iǔ-tuo̿i nêng dǐ-bíng, cì-dā̤ da̿u giâ-gíng.
- ¶ Sí-ĭ-ciă hă-sáing ko̤̿ Gá-lī-lī, da̿u Iǎ-Sú tê-chîng gáu-dō gṳ̀ ko̤̿ gâ̤ súing ŭ-di̿.
- Chū-gi̿ng Iǎ-Sú, ciū ba̿i gṳ̀; lâ̤-sī dǐ-bíng gu̿ iǔ ciă-bǎ nêng ngǐ-séng. [ 83 ]
- Iǎ-Sú giǎng-ce̿ng iáu gṳ̀ uā, Da̿u tíng ciōng, da̿u si̿-gáing lǒng-cǒng gâ̤ gṳ̌ing-ba̿ng dú gáu nă uòi làu.
- Gu̿-chu̿ nì niōng ko̤̿ hǎng tóng-tíng-à gâ̤ bă-sia̿ng ca̿ uòi gâ̤ hă-sáing, ta̿i gṳ̀ sí sǎi-lǐ, hū da̿u Dá, Gṳ̌ing, Se̿ng-Sěng gâ̤ miâng à.
- Uòi mǎu-lō̤ng gáu-dō nì sū-mū dī, nì dú niōng háu gṳ̀ í-diū ko̤̿ ca̿: uòi iǎ nì-nì góng-góng iáu nì câi cì-dó, cì-dā̤ da̿u si̿-gáing gâ̤ sṳē-mṳě.