Jump to content
Se̿ng-géng/Mǎ-tuo̿i Hŭ-éng/27
- 1 Da̿u lò̤ cău-tê duōi cī-sí iáu bă-sia̿ng dĭ-bíng gâ̤ chîng-bo̿ câi-câi sióng-liông huōi-sĭ Iă-Sú:
- 2 Ciū nà gṳ̀ kŏ̤ng-bŏ̤ng kĭ lâ̤, duo̿i ko̤̿, gáu nă cŏng-dŭ Bŏ̤ng-diú Bĭ-là-dó̤.
- 3 Iŏ̤ng-cì-sî māi Iă-Sú gâ̤ Iŭ-duōi chū-gi̿ng Iă-Sú nă nêng diāng cò làu, ciū ho̿-ki̿, nà ŭ sáng-sī-tī ngê̤ng dé hi̿ng duōi ci̿-sí, iáu chîng-bo̿,
- 4 Uā, uòi māi mău c̀ nêng gâ̤ huăi, sī iŭ cò lò̤. Duōi-gá-nêng uā, Iŏ̤ng ēng gŭing uòi gâ̤ dī, nì cù-cī ko̤̿ dàng-dó̤ng.
- 5 Iú-duōi nà iŏ̤ng ngê̤ng diú hā dāing-di̿, chṳ̆ ko̤̿, cù-cī dia̿u-sĭ-tiāu.
- 6 Duōi ci̿-sí nà iŏ̤ng ngê̤ng siŏ̤ kĭ lâ̤, uā, Iŏ̤ng sī m̄i nêng huăi gâ̤ cîng, ēng gŏ̤ng ga̿ hā ku̿-bŏng-di̿ ko̤̿.
- 7 Duōi-gá-nêng câi-câi sióng-liông, ciū nà iŏ̤ng ngê̤ng ko̤̿ măi chiáu-hô nêng gâ̤ châing, nà lâ̤ co̤̿ng kă-nêng gâ̤ dĕ̤ng.
- 8 Gu̿-chu̿ iŏ̤ng châing giâ-gíng gu̿ hăng ca̿ huăi châing.
- 9 Iŏ̤ng-cì-sî síng-dí Iă-lī-mì uā-gua̿ gâ̤ dī iŭ gi̿ng-hāu, gṳ̀ uā, Gṳ̀-huōi-nêng nà-diū iŏ̤ng sáng-sī-tī ngê̤ng, sī gŏ̤ng-diāng-gṳ́ māi iŏ̤ng nêng gâ̤ ga̿-cîng, ciū-sī Ì-să̤-liĕ nêng gŏ̤ng-diāng-gṳ́ gâ̤;
- 10 Dé ko̤̿ măi chiáu-hô nêng gâ̤ châing, iŏ̤ng dú sī í-diū Cṳ̆ gáu-dō uòi gâ̤ dī.
- 11 Iă-Sú gṳè da̿u cŏng-dŭ mīng-chîng, cŏng-dŭ mōng gṳ̀ uā, Nì si Iŭ-tuo̿i nêng gâ̤ Uâng, ēng-sī? Iă-Sú uā, Cia̿ng-sī̤.
- 12 Duōi ci̿-sí iáu chîng-bo̿ ciū ga̿u Iă-Sú, Iă-Sú dú ēng a̿ing.
- 13 Bĭ-là-dó̤ ciū iáu gṳ̀ uā, Duōi-gá-nêng ca̿ gúing-ce̿ng ga̿u nì iŏ̤ng cāi dī, nì gu̿ ēng-năing tia̿ng-nī-gi̿ng?
- 14 Iă-Sú cì gṳ̿ dú ēng a̿ing, cŏng-dŭ chū sī cèng gĭ-ī.
- 15 Da̿u iŏ̤ng căi-ki̿ gâ̤ sî-hē cŏng-dŭ cia̿u-lī niōng ta̿i bă-sia̿ng bo̿ng-tiāu cì-ciă huāng-nêng, sī bĕng bă-sia̿ng o̿ bo̿ng n̄ c cì-ciă.
- 16 Iŏ̤ng-cì-sî iŭ cì-ciă chṳ̆-miâng gâ̤ huāng-nêng, hăng ca̿ Bă-là-bă.
- 17 Gu̿-chu̿ bă-sia̿ng dú cṳ̀ cì-dó gâ̤ sî-hē, Bĭ-là-dó̤ ciū mōng gṳ̀ uā, Nì o̿ uòi bo̿ng-tiāu sū-mū nêng? sī bo̿ng-tiāu Bă-là-bă à, iă sī bo̿ng-tiāu hăng ca̿ Gí-Dŭ gâ̤ Iă-Sú nī?
- 18 Bĭ-là-dó̤ gō̤-iŏ̤ng uā, sī éng-ṳē dă̤-dí ŭ duói nêng du̿-ki̿ Iă-Sú , gu̿-chu̿ nà gṳ̀ gáu lâ̤.
- 19 Cō dŏ̤ng gâ̤ sî-hē, Bĭ-là-dó̤ gâ̤ sē-mă hăng lâ̤ iáu gṳ̀ uā, Iŏ̤ng ngī-nêng gâ̤ dī nì cŏng ēng gŏ̤ng lĭ: uòi géng-diáu buŏi-mêng-mōng, éng-ṳē gṳ̀ siū cèng cāi gâ̤ kŭ.
- 20 Duōi ci̿-sí iáu chîng-bo̿ chiáu-só̤ bă-sia̿ng giŭ Bĭ-là-dó̤ bo̿ng-tiāu Bă-là-bă, miè-tiāu Iă-Sú.
- 21 Cŏng-dŭ iáu bă-sia̿ng uā, Iŏ̤ng liōng nêng nì o̿ uòi bo̿ng-tiāu nī cì-ciă? Duōi-gá-nêng a̿ing uā, Bo̿ng-tiāu Bă-là-bă.
- 22 Bĭ-là-dó̤ ĭ uā, Iŏ̤ng-gă̤-sĭ ŭ ciă hăng ca̿ Gí-Dŭ gâ̤ Iă-Sú uòi niōng gōng-ciōng-iōng bāing nī? Duōi-gá-nêng dú a̿ing uā, Niōng da̿ing gṳ̀ da̿u sí-cī-ga̿.
- 23 Cŏng-dŭ uā, Gṳ̀ ca̿-gua̿ sū-mū ŏ̤ nī? Duōi-gá-nêng ga̿ing duōi siáng hăng kĭ lâ̤, uā, Niōng da̿ing gṳ̀ da̿u sí-cī-ga̿.
- 24 Bĭ-là-dó̤ chū-gi̿ng mài uā-dă̤ bă-sia̿ng da̿u, ga̿ing nṳ̿-na̿u kĭ lâ̤ , ciū hā duōi-gá-nêng mīng-chîng nà sṳ̆ lâ̤, săi siŭ, uā, Lâu iong ngī-nêng gâ̤ huăi ēng sī uòi gâ̤ cò, nì-huōi-nêng cù-cī ko̤̿ dàng-dó̤ng.
- 25 Bă-sia̿ng dú a̿ing u, Gṳ̀ huăi gṳ́ nă uòi iáu uòi gâ̤ gṳ̆ing-só̤ng.
- 26 Bĭ-là-dó̤ ciū bo̿ng-tiāu Bă-là-bă, nà bíng lâ̤ mà Iă-Sú , gáu nă nêng da̿ing sí-cī-ga̿.
- 27 Cŏng-dŭ gâ̤ béng ĭ duo̿i Iă-Sú nì ngâ-mô̤ng, hăng tóng iâng gâ̤ béng cṳ̀ cì-dó ṳ̆-diū Iă-Sú.
- 28 To̤̿ng-tiāu gṳ̀ gâ̤ í-ciông, nà duōi-ŏng gâ̤ bău iáu gṳ̀ cē̤ng-diū.
- 29 Nà iŭ chi̿ gâ̤ chău bìng dăing māu duŏi hā gṳ̀ tê, nà cì-ăng mô̤ng-sáng chă hā gṳ̀ cia̿ng-siŭ; gṳ̄ hā gṳ̀ mīng-chîng, iáu gṳ̀ tia̿, gō̤-uā, Iŭ-tuo̿i nêng gâ̤
- 30 Ciū tu̿-to̿ hā gṳ̀ mīng-găi-di̿, nà gṳ̀ siŭ-di̿ gâ̤ mô̤ng-sáng mà gṳ̀ gâ̤ tê.
- 31 Nà gṳ̀ lōng mî-dī hí làu, ciū to̤̿ng tiāu ŭ duōi-ŏng gâ̤ bău, iáu gṳ̀ cē̤ng-diū cù-cī gâ̤ í-ciông, duo̿i gṳ̀ ko̤̿ da̿ing sí-cī-ga̿.
- 32 Chṳ̆ sêng gâ̤ sî-hē, pōng-diō̤ cì-ciă Gŭ-lī-nāi nêng miâng hăng Sái-mô̤ng, ciū gáng gṳ̀ câi kō̤ guòi-diū Iă-Sú gâ̤ sí-cī-ga̿.
- 33 Da̿u cì-ciă sù-cài hăng ca̿ Gŏ̤-gŏ̤-tá, Gŏ̤-gŏ̤-tá gâ̤ i̿-su̿ ciū-sī Kú-lĕ gŏ gâ̤ sù-cài.
- 34 Ciū nà chu̿ lâ̤ diâu kŭ-dăng-chău gâ̤ cĭ nă Iă-Sú iè: Iă-Sú iŏng iŏng hā, ēng kăing iè.
- 35 Nà gṳ̀ da̿ing sí-cī-ga̿ làu, ciū tiú-gé bṳ́ing gṳ̀ gâ̤ í-ciông:
- 36 Hē-mṳĕ cō da̿u ŭ-di̿, ia̿ng Iă-Sú.
- 37 Ĭ nà ciáu, chă hā gṳ̀ tê ciōng-bíng, siă-diū ga̿u gṳ̀ gâ̤ dī, uā, IŎ̤NG SĪ IŬ-TUO̿I NÊNG GÂ̤ UÂNG IĂ-SÚ.
- 38 Gū iŭ liòng-ciă mà-giĕ-chā̤, iáu Iă-Sú câi da̿ing da̿u sí-cī-ga̿, cì-ciă da̿u cŏ̤-bíng, cì-ciă da̿u iū-bíng.
- 39 Giăng ŭ-di̿ gua̿ gâ̤ nêng, lūing-mā Iă-Sú, iâu tê, gō̤-uā,
- 40 Nì iŏ̤ng miè-tiāu dāing, sáng góng ĭ kṳé kĭ lâ̤ gâ̤, giâ-gíng niōng giù cù-cī: ni lâ̤-sī Ciōng-Di̿ gâ̤ Gṳ̆ing, ciū giăng sí-cī-ga̿-di̿ à lâ̤.
- 41 Duōi ci̿-sí, nāng-sṳ́ nêng, iáu chîng-bo̿ iă sī iŏ̤ng-gă̤-sĭ sia̿u gṳ̀.
- 42 Uā, Gṳ̀ giù biē-nêng; dú mài giù cù-cī. Gṳ̀ sī Ì-să̤-liĕ nêng gâ̤ Uâng, giâ-gíng niōng giăng sí-cī-ga̿ à lâ̤, uòi ciū se̿ng gṳ̀.
- 43 Gṳ̀ sī ka̿u Ciōng-Di̿ gâ̤; Ciōng-Di̿ lâ̤ o̿ gṳ̀ ciū niōng giù gṳ̀: éng-ṳē gṳ̀ uā-gua̿, Uòi sī Ciōng-Di̿ gâ̤ Gṳ̆ing.
- 44 Câi da̿ing sí-cī-ga̿ gâ̤ mà-giĕ-chā̤, iă sī iŏ̤ng-gă̤-sĭ mā gṳ̀.
- 45 Giăng dó̤ng-de̿ gâ̤ sî-hē da̿u bu̿ing-de̿-làu, mŭing-si̿-tī, tíng dú ú-o̤̿ng-tiāu.
- 46 Bu̿ing-de̿-làu gâ̤ sî-hē Iă-Sú duōi siáng hăng, uā, Ì-lī, Ì-lī, lá-mă, să-bă-gŏ̤-duōi-nĭ? ciū-sī, Uòi gâ̤ Ciōng-Di̿, Uòi gâ̤ Ciōng-Di̿, ṳē-sū-dī piĕ-tiāu uòi?
- 47 Bíng-ha̿ing gṳè-diū gâ̤ nêng, tia̿ng-nī-gi̿ng, ciū uā, Gṳ̀ sī hăng Ì-lī-ngā.
- 48 Dĭ-bíng iŭ ciă nêng kṳe̿-kṳe̿ bău lâ̤, nà huŏi-ĕ̤ng, ce̿ng chu̿, găi hā mô̤ng-sáng-di̿, dé nă gṳ̀ iè.
- 49 Biē gâ̤ nêng uā, Bĕng-cie̿ gṳ̀l chū Ì-lī-ngā ŏ̤ lâ̤ giù gṳ̀ mài.
- 51 Sáng-bŭ-lĕng-dĕng dāing-di̿ gâ̤ dio̿ng-mūing giăng ciōng-bíng da̿u à-bíng liè ca̿ liòng ga̿i; diá à dòng kĭ lâ̤; ciō̤-ngâng băing liè-tiāu:
- 50 Iă-Sú ĭ duōi siáng hăng, ciū dō̤ng ki̿.
- 52 Dĕ̤ng iă liè-kṳé; dĭ-bíng sĭ-tiāu làu gâ̤ se̿ng hă-sáing, gṳ̀ gâ̤ séng-tĭ iŭ cèng cāi hŭ-sáng kĭ lâ̤;
- 53 Da̿u Iă-Sú hŭ-sáng kĭ lâ̤ làu, iŏ̤ng se̿ng gâ̤ hă-sáing giăng dĕ̤ng-di̿ chṳ̆ lâ̤, nì se̿ng gâ̤ géng-sêng chṳ̆-hīng nă cèng cāi nêng chū.
- 54 Bă-cŏng iáu câi-câi ia̿ng Iă-Sú gâ̤ béng, chū-gi̿ng diá à dòng kĭ lâ̤ , iáu ŭ duói biē gâ̤ dī, ciū giáng dă̤-hăing, uā, Iŏ̤ng do̤̿ng-céng sī Ciōng-Di̿ gâ̤ Gṳ̆ing.
- 55 Iŭ cèng cāi á-niông dàu-dàu-dï gṳè-diū chū: iŏ̤n á-niông-nêng g ciū-sī giăng Gá-lī-lī gáing Iă-Sú lâ̤, te̿-hē gṳ̀ gâ̤;
- 56 Dĭ-bíng iŭ Muŏi-duōi-là gâ̤ Mă-lī-ngā, Ngă-gŏ̤ iáu Iŏ̤-sái gâ̤ nai Mă-lī-ngā, gū iŭ Sái-bĭ-tuo̿i liòng-ciă gṳ̆ing gâ̤ năi.
- 57 Iú ciă cuòi-cṳ̆ miâng hăng Iŏ̤-să̤, sī Ngā-lī-mă-tuo̿i gâ̤ nêng, iă sī Iă-Sú gâ̤ hă-sáing;
- 58 Iŏ̤ng nêng o̤̿ng-bóng-ciĕ ko̤̿ gi̿ng Bĭ-là-dó̤ giŭ Iă-Sú gâ̤ séng-chí. Bĭ-là-dó̤ ciū gáu-dō nêng nà séng-chí nă gṳ̀.
- 59 Iŏ̤-să̤ nà Iă-Sú gâ̤ séng-chí, dé ko̤̿, nà lâi-lī gâ̤ nō̤ng iáu-gí báu kĭ lâ̤,
- 60 Bo̿ng hā cù-cī gâ̤ séng dĕ̤ng, iŏ̤ng dĕ̤ng sī chù da̿u ciō̤-ngâng dĭ-bíng gâ̤; nà duōi ciō̤ chiá da̿u dĕ̤ng-mô̤ng-chṳ̿ cà̤-diū, ciū ko̤̿--tiāu.
- 61 Iŭ Muŏi-duōi-là gâ̤ Mă-lī-ngā, iáu ŭ ciă Mă-lī-ngā, câi-câi cō da̿u iŏ̤ng dĕ̤ng do̤̿ng-mô̤ng.
- 62 Iŏ̤ng cì góng sī o̿-do̿ gua̿-căi gâ̤ nì-ciĕ. Di̿ nī góng duōi ci̿-sí iáu Huă-lī-so̿ nêng dú cṳ̀ da̿u Bĭ-là-dó̤ ŭ-di̿,
- 63 Uā, Duōi-nêng, uôi-huōi-nêng gī-dă̤ ŭ ciă pi̿ng bă-sia̿ng gâ̤ nêng sáng dō̤-di̿ gâ̤ sî-hē uā-gua̿, Gua̿ sáng góng uòi ŏ̤ hŭ-sáng kĭ lâ̤ .
- 64 Gu̿-chu̿ chiăng nì pa̿i béng nà gṳ̀ gâ̤ dĕ̤g i̿ng-diū sáng góng, giáng gṳ̀ gâ̤ hă-sáing o̤̿ng-mâng lâ̤ nà gṳ̀ gâ̤ séng-chí té ko̤̿, ciū iáu bă-sia̿ng uā, Gṳ̀ giăng sĭ-nêng dĭ-bíng hŭ-sáng kĭ lâ̤: iŏ̤ng-gă̤-sĭ ŭ hē-mṳĕ pi̿ng bă-sia̿ng gâ̤ dī, piāng tê-chîng gâ̤ ga̿ing lī-huōi.
- 65 Bĭ-là-dó̤ iáu gṳ̀ uā, Nì cù-cī iŭ béng ŏ̤ ia̿ng: cèng nì gâ̤ lì-liōng ia̿ng-dă̤ gĕng-gĕng-di̿.
- 66 Ŭ duói nêng ciū ko̤̿, nà dĕ̤ng-mô̤ng-chṳ̿ gâ̤ ciō̤ cà̤-dă̤ ì-lò̤-lò̤-di̿ ĭ nà hóng-piāu hóng-diū, béng iă da̿u ŭ-di̿ ia̿ng.
← · Di̿ 26 Cióng · Di̿ 28 Cióng →
«Se̿ng-géng» gâ̤ mù-lṳ̀
