Riemels un Döntjes/Wat is 'n Dreier?

(Tum Geburtsdag mienes Fründes Dr. Dreier in B.)

Wat is 'n Dreier? — Wat bedütt dit Woord? —
Dat klar to maken, darup hett woll sunnen
All männigeen van Ju, de hüt an dissen Oort
Tum Fründesfeste sick tosamenfunnen.

Ook ick heww lange grüwelt, bit ick ruut
Et kreeg, wat woll diss Name kunn bedüden,
[094]Doch weet ick't nu un will drüm driest un luut
Verkünden et vör Ju un allen Lüden.

De Dreier-Nam' is ohld fast as de Welt
Un stolt mit Recht Jedweder, de'n deit drägen,
Un säker, heww ick den Bewies hinstellt,
Warrt Alle Ji bewunnern mienen Brägen.

De Welt wöör fertig, doch se stünn noch still,
De Sünn' un Steerne noch wie fastefraren,
Un Gott seeg in, dat so dat Schöpfungs-Spill
Sick noch as Weisheit nich däh apenbaren.

Je, Je — spröök Gott — de Saake hett'n Knubbs,
Stillstand is nich de Saat, de ick wull seien —
He dacht't — he geew ehr eenen dägten Schubbs,
Un glieks drup füng de Welt sick an — to dreien!

Un drüm et uuttospräken will'k nich scheu'n,
Begriepen kann dat Müller sülwst un Meier,
Weilst in Bewegung bröcht' de Welt sien Drein —
So wöör Gott sülwsten denn —  de eerste Dreier!

Du awer, üm den wi versamelt sünd,
Weil Du Bewegung öwerall to mehren,
Dien Lewenlang bestrewt wöörst, leewe Fründ,
Un so hest Dienen Namen bröcht to Ehren:

{Sied|095}}För Di de Gläsers hell to stöten an
Roop ick, de so des Namens Sinn entsleier —
 De dorch sien Woord us oft bewegt, de Mann
Vivat! — he 's ook för us —  de beste Dreier!!

   Am 5. October 1871.