[ 223 ]
Preske, quaze.
Uli questionas pri la difero di ca du vorti. Preske indikas stando o grado proxima : quaze indikas nur semblo o simileso. Ex. : il esis preske mortinta (il esis tre grave malsana, vundita, e c.) ; il esis quaze mortinta (il esis senmova o pala quale mortinto, o simulis mortinto, sed esis forsan tute sana). Quaze tradukas bone la F. frazeti : pour ainsi dire, en quelque sorte. Preske (F. presque près que, I. pressochè) implikas etimologie l’ideo di proximeso, do di « preske » kompleta realeso o realigo.
