Pitla Storia bibia/N9

Gejù resta trëi dis tl templ

Canche Gejù ova dodesc ani, ie jic si genitores cun ël a Gerusalem a zelebré la festes de Pasca. Pernanche la festes ie states finedes, ie la Madona y sant Ujep dac ëuta a cësa. Ma Gejù ie restà a Gerusalem zënza si genitores ebe sapù velch. Ëi ie jic n di alalongia y ratova de giaté Gejù danter i parënc y i cunescënc. Ëi ne l à nia giatà. Po' iesi inò dac ëuta a Gerusalem a l crì.

La ie suzeduda, che i l à giatà do trëi dis tl templ. Gejù stajova sentà a mez i dutores dla lege ite; ël i scutova su ad ëi y i dumandova. Duc canc, chëi che audiva Gejù rujenan, se fajova marueia de si sapienza y de si respostes.

Si oma à dit a Gejù: "Mi fi, ciuldì nes es fat chësc? Cëla ti pere y ie son jic cun gran mueia a te crì."

Gejù à respundù: "Percie jëisa vo a me crì? Ne savais, che ie messove vester pra chëla cosses, che ie de mi pere!"

Po' se n ie jit Gejù cun si genitores a Nazaret y fova ubedient ad ëi. Ël chersciova n sapienza, n età y n grazia dant a Idie y dant ai uomini. Gejù ie po' restà a Nazaret pra si genitores, nchina che l ova trënt'ani.