ಭಾಷೆದ ಸ್ವಚ್ಛತೆಗ್, ಅಯಿತ ಪೊರ್ಲುನ್ ಎಚ್ಚಿಗೆ ಮಳ್ಪರೆ ಭಾಷಾಶಾಸ್ತ್ರ ಅಗತ್ಯವುಂಡು.
1.81 ಬರವಣಿಗೆ (ಬರವು) ಪಾತೆರೊದ ಛಾಯಾಚಿತ್ರ. ನಂಮ ರೂಪೊಡು ಕಾಲಕರಿನಂಚನೇ ಮಾರ್ಪಾಟಾವೊಂದು ಪೊಪುಂಡು. ಅಯಿಟತ್ರ ನಮ ಛಾಯಚಿತ್ರೊನು (ಫೊಟೊ) ಅಪಗಪಗ ದೆಪ್ಪಾವಾ. ಅಂಚನೇ ಪಾತೆರೊಡು ಕಾಲಕಾಲೊಡು ಮೂಡ್ದ್ ಬರ್ಪಿನ ವಿವಿಧ ಮಾರ್ಪಾಟಲು, ಛಾಯಚಿತ್ರದಂಚ ಬರವುಡ್ ದಾಖಲಾದ್ ತೋಜಿದ್ ಬರೆರೆಗ್ ಸಾಧ್ಯವಾಪುಂಡು. ನಂಕ್ ತುಳು ಪಾತೆರೊ ಎಣ್ಮನೆ ಶತಮಾನೊಡು ಇತ್ತ್ಂಡಾ ಇನ್ಪಿ ಪ್ರಬಲ ಸಂದೇಹ ಬರ್ಪುಂಡು. ಚಿತ್ರವಾಹನ ಆಲೂಪೇಂದ್ರ ಪಾಂಡ್ಯನ ಕಾಲೊಡು ತುಳುವ ಪಾತೆರೊ ಇತ್ತ್ ಜಿ ಇಂದ್ದ್ ಏರಾಂಡಲಾ ಪಂಡೆರ್‌ಡಾ ನಮ ಅವೆನ್ ನಂಬುವಾ, ದಾಯೆಗಿನ್ನಗ, ಆ ಕಾಲೊಡು ಶಿಲಾಲೇಖಲು ತುಳುಭಾಷೆಡ್ ಇತ್ತಿನಯಿಕ್ ದಾಖಲೆ ಇಜ್ಜಿ, ಈ ಇರ್ವನೇ ಶತಮಾನೊಡು ತುಳುಭಾಷೆ ಅಸ್ತಿತ್ತೊಡು ಇತ್ತಂಡಾ ಇಂದ್ದ್ ನನೊಂಜ ಶತಮಾನದ ನಂತ್ರದಕುಳೆಗ್‌ಲಾ ಆತೇ ಸಂಶಯ ಬರುವು! ದಾಯಗಿನ್ನಗ ಮಲ್ಲ ಗ್ರಂಥಲು ಸಾಹಿತ್ಯಲು ಅಯಿಟ್ ಇದ್ದಿ. ಜನಮಾನಿ ಅವನೇ ಜನಾಂಗಿಕ ಮೂಲಭಾಷೆದ ಲೆಕ್ಕೊ ಪಾತೆರೊಂದು ಇತ್ತೆರ್ ಇನ್ನೂ ವಿಷಯ ಅಕುಳು ಮಾತ್ರ ತೆರಿವರೆ. ಬ್ರಿಜೆಲೆರೆನ ಇಂಗ್ಲೀಷಿಡ್ ಬರೆತ್ತಿನ ವ್ಯಾಕರಣ ಅಕುಳಿಗ್ ತಿಡ್ಕೊಂಡ. ಈತಾಂಡ ನಮ ನೆರೆಕರೆತ್ ಕನ್ನಡ ಭಾಷೆ ಏತ್ ಬಲತ್ದ್ ಬತ್ತಿದಿತ್ತಂಡ್ ಇಂದ್ ತೆರಿಪಾವೆ ಕವಿರಾಜಮಾರ್ಗಕಾರ. ಪಂಪಭಾರತ, ಗದಾಯುದ್ಧ, ವಡ್ಡಾರಾಧನೆಡ್ ಕನ್ನಡ ಭಾಷೆ ಎಂಚ ಇತ್ತ್ಂಡ್, ಕೇಶಿರಾಜನ ಕಾಲೊಡು ಏತೊಂಜಿ ಚಕಾರಾಂತ ಕ್ರಿಯಾಧಾತುಲು ಆ ಭಾಷೆಡ್ ಇತ್ತಾ ಇಂದ್ ತೆರಿಪುಂಡು. ನಂತ್ರ ಜೈಮಿನಿ ಭಾರತೊಡು ಇಪ್ಪುನ ಕನ್ನಡ ಭಾಷೆಗ್‌ಲಾ ಕವಿರಾಜಮಾರ್ಗದ ಕನ್ನಡೊಗುಲಾ ಇಪ್ಪುನ ವ್ಯತ್ಯಾಸ ತೆರಿದ್ ಬರ್ಪುಂಡು. ಕೇಶಿರಾಜನ ಕಾಲದ ಮುಟ್ಟ ಏತೋ ತುಳು ಶಬ್ಧಲು ಕನ್ನಡ ಕಾವ್ಯಲೆಡ್ ಅಂಚನೇ ಉಚ್ಚಾರ ಅರ್ಥಪತ್ತೊಂದು ತೋಜಿದ್ ಬತ್ತಾ. ನಂತ್ರ ಬಹುಷಃ ಮುದ್ದಣನ ರಾಮಾಶ್ವಮೇಧ ಇನ್ದಿ ಗದ್ಯ ಕಾವೊಡು ಅತ್ತಾವಂದೆ ಬೇತೆ ಕನ್ನಡದ ಕಾವ್ಯಲೆಡ್ ತುಳು ಶಬ್ದಲು ಮಾದೇ ಪೋಯಾ! ಇಂದ್ ದಾಯೆಗ್? ತುಳುವ ಭಾಷೆ ಕವಿರಾಜಮಾರ್ಗದ ಕಾಲೊಡು ಇತ್ತಡ, ಅಂತ ಕೆಲವು ಪದಲು ಕನ್ನಡೊಡು ಇತ್ತೆ ಪ್ರಚಾರದಾಂತೆ ತುಳುವೊಡು ಮಾತ್ರ ರೂಢಿಡೇ ಇಪ್ಸರೆ ಕಾರಣ ದಾನೆ? ಇಚ್ಛೆ ಹಲವು ವಿಷಯದ ಮಿತ್ ನಂಕ್ ತಿಳುವಳಿಕೆ ಬರ್ಪಿನವು ಭಾಷಾಶಾಸ್ತ್ರದ ಅಧ್ಯಯನೊಡು. 1.82 ಬರವಣಿಗೆಗ್ ಅಗತ್ಯ ಅಪಿ. ಕೆಕ್ ಕೇಣುನ ಧ್ವನಿಮೆಲು ಕಣ್ಣಿಗ್ ತೋಜಾವುನವು ಅಪಿಲು. ಇನ್ನಗ ಪ್ರತಿ ಒಂಟಿ ಧ್ವನಿಮೆಗ್ ಒಂಜಿ ಅಪಿ ಸಂಜ್ಞೆ 59 ಬುಧಾನಂದ ಶಿವಳ್ಳಿ
