-
ಆತ್ ಭಾಷೆಲು ಅಕಳೆಗ್ ಗೊತ್ತು ಇತ್ತ್oಡಲಾ, ಕೆಲವು ಮಲ್ಲ ವ್ಯವಹಾರಲು
ಗುಪ್ತ ಸಂಜ್ಞೆಲೆನ ಮುಖಾಂತರ- ಟವೆಲ್ದ ಅಡಿಟ್ ಕೈ ಕೈಬಿರೆಲ್ನ
ಮುಟ್ಟೋಂದು ಮ್ಹಾಲ್ ಬಿಲೆ- ಚೌಕಾಸಿ ಮಳ್ಪುನ ಕ್ರಮಲಾ ಉಂಡು.
ಕಣ್ಪನ್ನೆಡ್ ಪ್ರೀತಿ ಬೂರ್ದಿನ ಆಣ್ಪೊಣ್ಣುಲು ಅಕುಳೆನ ಇಂಗಿತ
ತೆರಿಪಾವುನಲಾ ಉಂಡು. ತಿಗತ ಕೆಲಂಜಿಲು, ತಿಗದ ಪಟ್ಟದ ಸುತ್ತ
ಗುಯಿಂಕುಟೊಂದು ರಾಪಿನವುಲಾ ಉಂಡು. ಈ ಮಾತಾ ಸಂಜ್ಞೆ
ಸಂಕೇತಲು ಪಾತೆರೊದಂಚನೇ ವರ್ತಿಪುವಾ. ಭಾರಿ ಕೆಲಸೋಲು ಸಾಗುವಾ.
ಪ್ರೇರಣೆ ಪ್ರತಿಕ್ರಿಯೆಲು ಪಾತೆರೊ ಅಥವಾ ಸಂಕೇತದ ಮೂಲಕ ನಡಪುನ
ರೀತಿಡ್ ಇಂದೆಕುಳು ಸ್ವಾಭಾವಿಕ ಇಂದ್ ದ್ ತೋಜುವಾ. ಈ ಸಂಜ್ಞೆ
ಸಂಕೇತ ಮುಖಚರ್ಯೆ (gestures) ಪಾತೆರೊದಂಚ ಸ್ವಾಭಾವಿಕ ವರ್ತನೆ
ಆವೊಡ್ಡ, ಈ ಸಂಕೇತಲೆನ ಉಪಯೋಗ ಮಳ್ಪುನ ರೀತಿಗ್ ಅನುಭವ,
ಅಭ್ಯಾಸ ಬೋಡಾಪುಂಡು. ಉದಾ: ತಂತಿ ಸಮಾಚಾರಲು ಒಂಜಿ ಊರುಡ್ದ್
ನನೊಂಜೆಕ್ ಕಡಪುಡುನ ಈ ಸಮಾಚಾರಲು, ಎತ್ತಿನ ಜಾಗೆಡ್ ಅವ್ವೇ
ರೀತಿದ ಅರ್ಥ ಕೊರ್ಪಿನವಾಂಡ ಮಾತ್ರ ತಂತಿ ಸಮಾಚಾರ ಫಲಕಾರಿ.
ಅಯಿತ ಸಂಕೇತ ವ್ಯವಸ್ಥೆ ಉಪಯುಕ್ತ. ಅಯಿಟತ್ರ ಈ ಸಂಕೇತಲು
ಸಮಪರ್ಕ ರೀತಿಡ್ ನಡಪುಡರೆಗ್, ತಂತಿ ಸಿಬ್ಬಂಧಿಲೆಗ್ ತಕ್ಕಂತಿನ
ತರಬೇತಿ ಕೊರ್ಪಿನ ಪದ್ಧತಿ ಉಂಡು. ಅವೇ ರೀತಿಡ್ ಪಾತೆರೊ ಕೂಡಾ
ತರಬೇತಿದ ಮೂಲಕನೇ ಯೋಗ್ಯ ರೀತಿಡ್ ಅರ್ಥ ಕೊರ್ಪಾವರೆಗ್
ಸಿದ್ಧವಾಪುಂಡು.
1.43 ಪುಟ್ಟಿನ ಪುರಕಟ್ಟ್ ಬಾಲೆಗ್ ಸುರುತ ಪಾತೆರೊ, ಸಂಕೇತ
ಬುಲ್ಪಿನವೇ ಬಡವಾಪುಂಡು-ಪೇರ್ ಬೋಡು ಇಂದ್ ದ್ ಬಾಲೆಗ್ ಪಿನ್ಪಾವರೆ
ತೆರಿಯಂದ್, ಬುಲ್ತುಂಡ ಬಾಲೆಗ್ ಪೇರ್ ಬೋಡು, ಇಂದ್ದ್ ಪಿನೊಂಬಳ್
ಅಪ್ಪೆ: ಪೇರ್ ಕೊರ್ಪಳ್, ಬಾಲೆ ಬುಲ್ಪುನ ಓಡಿಯುಂಡು, ಬಾಲೆ ಅಮ್ಮ ಇನ್ಪಿ
ಪಾತೆರೊನು ಸಮೀಪದಕುಳು ಪಣ್ಪಿನವೆನೇ ತೂದ್,ತೂದ್ ಅಕುಳೆನ
ಬಾಯಿಕೆಲಸ ಮಾಳ್ಪುನ ರೀತಿನ್ ಅನುಕರಣೆ ಮಳ್ತ್ ದ್ , ಅಮ್ಮ- ಅಪ್ಪ
ಪಣೀರೆ ಕಲ್ಪುಂಡು. ಈ ಅನುಕರಣ ನೀತಿ ಮಾನವಗ್ ಮಾತ್ರವತ್
ಮಾನವಕುಲ ಸಮೀಪವರ್ತಿಯಾದುಪ್ಪುನ ಮಂಗೆರ್ಲೆಗ್ ಕೂಡಾ
ಸ್ವಭಾವದತ್ತವಾದುಂಡು, ಬಾಲೆದ ಸುತ್ತುಮುತ್ತದಕುಳು ಪಾತೆರ್ಪಿನಪಗ
ಉಂಡಾಪಿನ ಶಬ್ಧ ತರಂಗಲು ಬಾಲೆಗ್ ಶಬ್ಧ ಉತ್ಪತ್ತಿ ಮಳ್ಪುನ ವಿಧಾನೊನು
ತೋಜಾದ್ ಕೊರ್ಪಾ.
ಅಂಡಲಾ, ಪಾತೆರೊ ಸಿದ್ಧವಾಪಿನ ಕ್ರಿಯೆಟ್ ತರಬೇತಿ
ದಿಂಜ.
ಸ್ವಾಭಾವಿಕತೆ ಒಂತೆ. ಪಾತೆರ್ಪಿನ ವಿಷಯ ಸರಿಯಾದ ಪ್ರತಿಕ್ರಿಯೆ (reaction)
ಕೊರೆರೆಗಂತೂ ತರಬೇತಿ ಅವಶ್ಯ ಯಾಂತ್ರಿಕತೆ ಪಾತೆರೊದ ಕಲ್ಪಾಟೊಡು,
ಉಪಯೋಗೊಡು ಒಂಜಿ ಅಂಗ, ಅವೆನ್ ತರಬೇತಿದ ಮುಖಾಂತರ
ಪಡೆತ್ತೊಂದು ಬಾಲೆಗ್ ನಾಲೈನ್ ವರ್ಷ ಪ್ರಾಯ ಅವನಗ, ಅಗತ್ಯದ
ಪಾತೆರೊದ ವಿವಿಧ ಉಚ್ಚಾರ ಕೈಗೂಡ್ದ್ ಬರ್ಪುಂಡು. ಅಂಚನೇ ಪಾತೆರೊದ
35 | ಬುಧಾನಂದ ಶಿವಳ್ಳಿ |