ದಾಯೆಗ್, ಬೆಲ್ಲ ಪಾಡ್ದ್ ಗುಳ್ಳದ ಕೊದ್ದೆಲ್ ಮಳ್ಪುನ ಕ್ರಮ- ಬೇತೆ
ಪ್ರದೇಶದಕುಳೆಗ್ ತೀರಾ ಪುಸತ್ ಅಂಚನೇ ಪೊಣ್ಜೋವುಳು ಸೀರೆ
ತುತ್ತುನ ಮಲೆಯಾಳ, ತಮಿಳ್ದ ಲೆಕ್ಕೊ ಅತ್ತ, ಆಣ್ಜೊವುಲು ದುಂಬುದ
ಕಾಲೊಡು ರುಮಾಲದಾಂತೆ, ಮೈಯ್ಟೊoಜಿ ಬಳ್ಳಿದಾಂತೆ ಪಿದಯಿ ಪೊವಯೆರ್.
ಕಾಲ ಮಾರ್ದ್ ಪೊಂಡಲಾ, ಈ ಸ್ವಭಾವ ರಚನೆ
ಸಾಮಾನ್ಯವಾದ್ ತುಳುವೆರೆನ್ ದೂರೊಡ್ದೇ ಗುರ್ತ ಮಾಳ್ಪುನಾತ್ ಮಟ್ಟ್ ಗ್
ಒರಿದುಂಡು. ಈ ಉಣ್ಪಿನ, ತುತ್ತುನ ಸ್ವಭಾವದ ಮಿತ್ತ್ ನಮ ಏತ್ ಗಮನ
ಕೊರ್ಪನಾ ಆತೆ ಗಮನ ನಮ್ಮ ಪಾತೆರೊದ ಮಿತ್ತ್ ಕೊರ್ದುಳ್ಳ ನಂಮ
ನಂಮ ಸ್ವಭಾವ ಗುಣ ತೆರಿಯೊಂಬಿನೆಯಿಟ್ ನಂಕ್ ಅಸ್ತೆ ಆವಡ್,
ಬದಲಾವಣೆ ಅಯಿಕ್ ಅಗತ್ಯವುಂಡಾ ಇಂದ್ದ್ ಪಿನೊಂಬಿನ ಅವಡ್
ಅಗತ್ಯ ತೋಜಂದೆ ಇಪ್ಪುನಂಚ, ನಮ ಸ್ವಭಾವ ಗುಣಟ್ ಅಂಶವಾದಿಪ್ಪುನ
ಭಾಷೆ(ಪಾತೆರೊ)ದ ಮಿತ್ತ್ ನಮ ಗಮನ ಒರಿದುಂಡತ್ತ ನಮ ತುಳುವೊಡು!
1.42 ಪಾತೆರೊದ ಮುಖ್ಯ ಕಾರ್ಯ ಮನಸಿದ ಬಯಕೆನ್ ತೆರಿಪಾವುನವು.
ಮನಸಿದ ಬಯಕೆದ ಫಲವಾದ್ ಉಂಡಾಪಿನ ಉದ್ಗಾರನೇ ಪ್ರೇರಣೆ
(stimulus) ಇಂದ್ ದ್ ಆಂಡ, ಕೇಣ್ಪಿನಾಯನ ಮಿತ್ತ್ ಪ್ರತಿಕ್ರಿಯೆ
(reaction) ಉಂಡಾಪಿನವು ಭಾಷೆ ಸಾಧಿಪುನ ಕೆಲಸ. ತತ್ಪರಿಣಾಮವಾದ್,
ಪಾತೆರ್ಪಿನಾಯನ, ಕೇಣ್ಪಿನಾಯನ ಅಕಾಂಕ್ಷೆಲು ಕಾರ್ಯಗತವಾವೊಡು.
ಇಡೀ ಸಮಾಜ ಸಮುದಾಯದ ಕರ್ತವ್ಯ ಅಯಿತ ಉದ್ದೇಶ ನಡಪೊಡು.
ಉದಾಹರಣೆಗ್, ನಂಕ್ ಕೆಲವು ವಸ್ತುಲು ಬೋಡಾಪಿನ ಸಮಯೊಡು
ನಮ್ಮ ಅಂಗಡಿಗ್ ಪೋಪಾ, ಇಂಚಿಂಚಿನ ಸಾಮಾಗ್ರಿಲು ಬೋಂಡು ಇಂದ್ ದ್
ಅಂಗಡಿದಾಯಗ್ ಪಣ್ಪೋ ಆಯೆ ನಮ ಇಂಗಿತೊನು ಆಯಿನಾತ್
ಬೇಗೊಡ್ ಪಿನೊಂದು, ಆ ಸಾಮಾಗ್ರಿಲೆನ್ ತೂಕ ಮಾಳ್ತ್ ದ್ , ಕಟ್ಟ್
ಕಟ್ ದ್ , ನಂಕ್ ಕೊರ್ಪೆ, ದುಡ್ಡು ಕೊರ್ದು ವಸ್ತುಲೆನ್ ಪತ್ತೊಂದು ನಮ
ಬರ್ಪಾ. ಈತ್ ಕೆಲಸವಾವೆರೆಗ್ ಪಾತೆರ್ಪಿನ ಅಗತ್ಯ ಅಥವಾ ಸುಲಭ
ಮಾಧ್ಯಮ ಭಾಷೆ, ತೆರಿದುಪ್ಪುನವಾಂಡ ಈ ಕೆಲಸ ಮುಗಿಪುನವು ಸುಸೂತ್ರ
ಭಾಷೆ ಗೊತ್ತು ಇಜ್ಜಿಡ ಅಥವಾ ಮೂಕೆರಾದ್ ಇತ್ತಂಡ, ಕೈ ಸನ್ನೆಡ್,
ವಸ್ತುಲೆನ್ ತೋಜಾದ್, ಅವೆನ್ ಅಂಗಡಿದಾಯೆ ಅರ್ಥಮಳ್ತ್ತೊಂದು
ವಸ್ತುಲೆನ್ ಕೊರ್ಪೆ ಈ ಕೈಸನೈಲು ಪಾತೆರೊದ ಕೆಲಸ
ನಿರ್ವಹಿಸುವವಾಂಡಲಾ ಅಯಿಟ್ ಶ್ರಮ ದಿಂಜ, ಅಂಚನೇ ಬ್ಯಾರದಾಯನ,
ಭಾಷೆ ನಂಕ್ ತೆರಿದಿಪ್ಪಂದೆ ಇತ್ತ್ಂಡಲಾ ಶ್ರಮ ಇತ್ತಿನವೇ. ಬೇಆರದಕುಳು
ಸಾಮಾನ್ಯ ಕೆಲವು ಪಾತೆರೊಲೆನ್ ತೆರಿದುಪ್ಪುವೆರ್.
ತುಳು ಪಾತೆರೊ | 34 |