ಭಾಷಾವೈಜ್ಞಾನಿಕ ಅಂಶೋಲು ಸಂಶೋಧಕೆರೆಗ್ ತಿಕ್ಕುನ ಸಾಧ್ಯತೆ ಉಂಡು
ಸಿರಿಪಾಡ್ದನಲಾ ಕಾಲಾಕ್ರಮೇಣ ಬಾಯಿಡ್ದ್ ಕೆಬಿ ಬಾಯಿಗ್ ಪಗರ್ದ್ ಬನ್ನಗ
ಅಯಿತ ಭಾಷೆ-ರಚನೆ ವಿಕಾಸವಾದುಪ್ಪು. ಸಾಮ್ರಾಟ್ ಅಶೋಕ
ಸವಿಯಪುತೊ/ಸತ್ಯನಾಪುರ ಇಂದ್ ಈ ಪ್ರದೇಶೊನು ತನ್ನ ಶಾಸನೊಡು ಉಲ್ಲೇಖ
ಮಲ್ಪೊಡಾಂಡ, ಈ ಪ್ರದೇಶೊಗೊಂಜಿ ವಿಶಿಷ್ಟವಾಯಿನ ಸ್ವತಂತ್ರ ಭಾಷೆ, ಸಂಸ್ಕೃತಿ
ಅದಗ ಇತ್ತುದುಪ್ಪೊಡು.
6.4 ದ್ರಾವಿಡ ಭಾಷೆಲು
ದಕ್ಷಿಣ ಭಾರತದ ಮುಖ್ಯ ನಾಲ್ ಭಾಷೆಲು-ತಮಿಳು, ಕನ್ನಡ, ತೆಲುಗು,
ಮಲಯಾಳಂಲೆನ್ ಬೊಕ ತುಳು, ಕೊಡವ,ಮಾಲ್ಟೋದ ಉಲಾಯಿದ ಪರಸ್ಪರ
ಸಾಮ್ಯತೆ-ಸಂಬಂಧೊನು ೧೮೧೬ಡ್ ಸುರುಟು ಗುರುತು ಮಲ್ತಿನಾರ್ ಬ್ರಿಟಿಷ್
ಅಧಿಕಾರಿ ಫ್ರಾನ್ಸಿಸ್ ಎಲ್ಲಿಸ್ ೧೮೫೬ಡ್ ರಾಬರ್ಟ್ ಕಾಲ್ಡ್ವೆಲ್
ಕೋಟ,ತೋಡ,ಗೊಂಡಿ, ಕುಯಿ,ಕುರುಖ್,ಬ್ರಾಹುಯಿ ಭಾಷೆಲೆನ್ ಈ ಗುಂಪುಗ್
ಸೇರ್ಸಾಯೆರ್, ದ್ರಾವಿಡ ಇನ್ಪಿ ಸಂಸ್ಕೃತ ಶಬ್ದೊನು ಆಯ್ಕೆ ಮಲ್ತ್ ಈ ಭಾಷೆಲೆನ
ಗುಂಪುಗು ಪುದರ್ ದೀಯೆರ್, ದ್ರಾವಿಡ ಇನ್ನಗ ತಮಿಳ್ ಇಂದ್ ಅರ್ಥ.
ರಶಿಯಾದ ಭಾಷಾತಜ್ಞೆರ್ ಎಂ. ಎಸ್. ಅಂದ್ರೊನೋವ್ ಅರೆನ ಪ್ರಕಾರ ಮೂಲ
ದ್ರಾವಿಡೊಡ್ದ್ ೨೧ ದ್ರಾವಿಡ ಭಾಷೆಲು ವಿಕಾಸವಾತ. ಉಂದೆಕುಲೆನ್ ಉತ್ತರದ
ದ್ರಾವಿಡ (ಬ್ರಾಹುಯಿ, ಮಾಲ್ಟೊ ,ಕುಡುಕ್), ಮಧ್ಯ ದ್ರಾವಿಡ (ಗೊಂಡಿ, ಕೊಂಡ,
ಕುಯಿ, ಮಂಡ, ಪರ್ಜಿ, ಗಡಬ, ಕೊಲಮಿ, ಪೆಂಗೊ, ನಾಯಿಕಿ, ಕುವಿ, ತೆಲುಗು)
ಬೊಕ ದಕ್ಷಿಣ ದ್ರಾವಿಡ (ತುಳು, ಕನ್ನಡ, ಕೊಡಗು, ತೊಡ, ಕೋಟ, ಮಲಯಾಳಂ,
ತಮಿಳು) ಗುಂಪುಲಾದ್ ವಿಂಗಡನೆ ಮಲ್ತ್ದೆರ್.
6.5 ತೆಲುಗು ನೆರೆಕರೆ
ತೆಲುಗು ಭಾಷೆ: ತೆಲುಗು, ತೆನುಗು, ತೆಲಂಗಾಣ ಇನ್ನಗ ತೆಂಕು ದಿಕ್ಕ್ಗ್
ಪೋತಿನಕುಲು ಇಂದ್ ಅರ್ಥಗೆ, ದುಂಬು ಅಯಿಕ್ "ದಕ್ಷಿಣ ಪಾದ' ಇಂದ್ಲಾ
ಲೆತ್ತೊಂದಿತ್ತೆರ್.
ಮೌರ್ಯರೆಡ್ದ್ ಬೊಕ ಆಂಧ್ರೊನು
ಶಾತವಾಹನೆರ್ (ಶಾಲಿವಾಹನ/ಸಾತಕರ್ಣಿ) ಆಳಿಯೆರ್ಗೆ ಕ್ರಿಶ. ಆಜನೆ ಶತಮಾನದ ಮುಟ್ಟ
ಪ್ರಾಕೃತ-ಸಂಸ್ಕೃತ ಅಧಿಕೃತ ಆಡಳಿತ ಭಾಷೆಯಾದಿತ್ತಿನಾಂಡ, ಕ್ರಿಶ.೬೨೪-೧೩೨೩ದ
ನಡುಟ್ ಪೂರ್ವದ ಚಾಲುಕ್ಯೆರ್, ರಾಷ್ಟ್ರಕೂಟೆರ್, ಚೋಳೆರ್ -ಮೊಕಲೆನ ಕಾಲೊಡು
ದೇಶಿಭಾಷೆ ತೆಲುಗು ಬಲೆವೊಂದು ಬತ್ತ್ಂಡ್. ಚಾಲುಕ್ಯ ರಡ್ಡನೆ ಪುಲಕೇಶಿ ಕ್ರಿಶ
೬೨೪ ಕನ್ನಡದ ಬಾದಾಮಿಡ್ ಆಳೊದಿಂತ್ತೆ, ಆಯನ ಮೆಗ್ಗೆ ಕುಬ್ಬ ವಿಷ್ಣುವರ್ಧನನ್
ವೆಂಗಿ ಎಲೂರುದ ಕೈತಲ್ ರಾಜೆ ಆವಿತ್ತೆ ಚಾಲುಕ್ಯೆರ್ ಕನ್ನಡದಕುಲಾಂಡಲಾ
ತೆಲುಗುಗು ಪ್ರೋತ್ಸಾಹ ಕೊರಿಯೆರ್, ಕನ್ನಡದ ಚಾಲುಕ್ಯ ರಾಜೆರ್ನಕುಲು
ಅಂಧ್ರೊನು ಆಳೊಂದು ಇಪ್ಪುನಗ ತೆಲುಗು ಭಾಷೆ ಬರೆವರೆ ಅದಗದ ಪರಕನ್ನಡ
ಲಿಪಿನ್ ಬಳಕೆ ಮಳ್ತೆರ್, ತೆಲುಗು ಲಿಪಿ ಪರಕನ್ನಡೊಡ್ದ್ ವಿಕಾಸವಾದ್ ಕ್ರಮೇಣ
ಸ್ವತಂತ್ರವಾಂಡ್.
ನನ್ನಯ್ಯ ಇನ್ಪಿನ ಕವಿನ ಕಾಲೊಡು ತೆನುಗು ಇನ್ಪಿ ಪುದರ್ ದ ಭಾಷೆ
ಛಾಲ್ತಿಗ್ ಬತ್ತ್ಂಡಾ ಕೇತನ ಇನ್ಪಿ ಕವಿನ ಕಾಲೊಡು ತೆಲುಗು ಇನ್ಪಿ ಶಬ್ದ ರೂಢಿಗ್
ಬತ್ತ್ಂಡ್, ಬಲೂಚಿಸ್ತಾನದ ಬ್ರಾಹೂಯಿ, ಅಫಘಾನಿಸ್ತಾನದ ಪಾಪಾಯಿ, ಕಾಶ್ಮೀರದ
337
ಬುಧಾನಂದ ಶಿವಳ್ಳಿ