ಎಣ್ಣ್‌ದ್ ಸಂಬಂಧಪಟಿನ ವಿಚಾರೊಲೆನ್ ನಾಡ್ದ್ ಪತ್‌ದ್ ಉಂದೆನ್ ಸ್ಪಷ್ಟ
ಮಾಳ್ಪೋಲಿ
ನಮ ನಿತ್ಯ ಉಣ್ಪಿನ ಅರಿತ ಸಸ್ಯವೈಜ್ಞಾನಿಕ ಪುದರ್ ಒರಿಸೆ ಸೆಟಾಇವ
Orise sativa. ಈ ಒರಿಸೆ ಶಬ್ದ ಗ್ರೀಕ್‌ಭಾಷೆದ. ತಮಾಶೆ ಇನ್ನಗ ಈ ಗ್ರೀಕ್ದ ಒರಿಸೆ
ಶಬ್ದ ಮೂಲ ತಮಿಳ್ದ ಅರಿಸೆಡ್ದ್ ಬೈದಿನಿ, ಪಿರಾಕ್ ಫ್ರಾಂತ್ಯೊಡು ಗ್ರೀಕ್-ತುಳು-
ದ್ರಾವಿಡ ಪರಸ್ಪರ ಬಾಂಧವ್ಯ-ವ್ಯವಹಾರ ಇತ್ತಿ ಕಾಲೊಡು, ಸಿಂಧಿ ಪ್ರಾಂತ್ಯದ
ಮೂಲಕ ಗ್ರೀಕೆರ್ ಅರಿನ್ ಅಮದು ಮಲ್ತೊಂದಿತ್ತಿ ಕಾಲೊಡು ನಂಮ
ಅರಿತ್ತೊಟ್ಟುಗು, ಅರಿಸೆ ಶಬ್ದಲಾ ಗ್ರೀಕೆರೆಗ್ ರಫ್ತಾತ್ಂಡ್ ಅಂಚನೇ ಸಿಂಧಿ ಭಾಷೆಡ್
ಅರಿಕ್ ವರಿಜಿ ಇನ್ಪಿ ಪುದರುಂಡು. ಖೈಬರ್ ಪಾಸದಲ್ಪ ವ್ರಿಜಿ ಇನ್ಪೆರ್, ಪಷ್ಟೋ
ಭಾಷೆಡ್ ವ್ರಿಜೆ ಇನ್ಪೆರ್ ಗ್ರೀಕ್ಡ್ದ್ ಒರಿಸೆ ಬೇತೆ ಯುರೋಪಿಯನ್ ಭಾಷೆಲೆಗ್ಲಾ
ಪೋತುಂಡು, ಅರಾಬಿಕ್‌ಡ್ ರುಸ್, ಫ್ರೆಂಚಿಡ್ ರಿ (riz), ಇಂಗ್ಲೀಷಿಡ್ ರೈಸ್ (rice)
ಇಂಚ ಮಾತಾ ಆತ್‌ಂಡ್..(ಮೈಖಲ್ ನಿಟ್ಟೆಲ್,1999).
ಅಂಚನೆ ತುಳುತ ವೊಡೆ, ವೋಲು, ವೊಲ್ಪ , ಇಂಚಿನ ವಕಾರದ
ಅರೆವ್ಯಂಜನದ ಶೈಲಿ ಗ್ರೀಕ್ಡ್ದ್ ಬೈದ್‌ಂಡ್ ಇನ್ಪಿ ಸಲಹೆನ್ ಶಿವಪ್ರಸಾದ್ ರೈಕುಲು
ಕೊರ್ತೆರ್, ಗ್ರೀಕ್ ಭಾಷೆದ ಪರಿಚಯವಿಪ್ಪುನ ತುಳು ಭಾಷಾ ವಿಜ್ಞಾನಿಲು ತುಳು-
ಗ್ರೀಕ್ ಭಾಷಾ ಸಂಬಂಧದ ಮಿತ್ತ್ ದುಂಬಾಗ್ ನನಾತ್ ಬೊಲ್ಪು ತೋಜಾವರೆ
ಸಾಧ್ಯವುಂಡು.
6.3 ಅಶೋಕನ ಕಾಲ
ಅಶೋಕನ ಗಿರ್ನಾರದ ಶಿಲಾಶಾಸನೊಡು (ಕ್ರಿಸ್ತಪೂರ್ವ 9೯೧-9೩9)
ಸತಿಯಪುತೊ ಇನ್ಪಿ ರಾಜ್ಯದ ಉಲ್ಲೇಖ ಬೈದಿನ ಓದುದ‌ರ್ ( ತುಳುಪಾತೆರೊ ಪಂಕ್ತಿ
೧.೭೪), ಸತಿಯಪುತೊ ತುಳುನಾಡ ಸಿರಿ ಪಾಡ್ಡನೊಡು ಬರ್ಪಿನ ಸತ್ಯನಾಪುರದ
ಪ್ರಾಕೃತದ ಸಮಾನ ಶಬ್ಧವಾದುಪ್ಪು. ಪುತೊ ಇನ್ಪಿ ಪ್ರಾಕೃತ ಶಬ್ಧ ಪುರ ಇನ್ಪಿ ಸಂಸ್ಕೃತ
ಶಬ್ದೊಗು ಸಮಾನ ಇನರೆ ಪಾಟಅಪುತೊ/ಪಾಟಲಿಪುತ್ರ (ಮೌರ್ಯೆರೆನ ರಾಜಧಾನಿ)
ಶಬ್ದನ್‌ ಹೋಲಕೆ ಮಲ್ತ್‌ದ್ ತೂವೊಅ, ಸುಮೇರು ಕಾಲೊಡ್ಡಿಂಚಿ ನಗರರಾಜ್ಯೊಲು
ಇತ್ತಾ ಸತ್ಯನಾಪುರ, ಸಿರಿನ ಪಾಡ್ಡನೊಡು ಬರ್ಪಿನ ಒಂಜಿ ಅರಮನೆತ
ಪುದರಾಂಡಲಾ, ಆ ಇಡೀ ನಗರೊಗು ಸತ್ಯನಾಪುರ ಇಂದ್ ಪುದರ್ ಉಪ್ಪುನ
ಸಾಧ್ಯವುಂಡು (ರಾಮಕೃಷ್ಣ ಆಚಾರ್,1999).ಅಂಚಾದ್ ತುಳುತ ಸಿರಿನ
ಕಾಲೊಡು ಸತ್ಯನಾಪುರ ಇನ್ನಿನ ನಗರರಾಜ್ಯ, ಅಯಿತುಲಾಯಿ ಅವೇ ಪುದರ್ದ
ಅರಮನೆ ಇತ್ತದ್ಂಡಾ ಆಶ್ಚರ್ಯಬಿಜ್ಜಿ.
ಉಂದೆಕ್ಕೆ ಪರ್ಯಾಯವಾದ್, "ಸತಿಯಪುತೋ" ಶಬ್ದೊಗು ಬೇತೆ ಕೆಲವು
ವಿವರಣೆ, ಅರ್ಥಕಲ್ಪನೆಲು ಬೈದಾ. ಉದಾ ಸವಿಯಾ/ಸತಿಯಾ ಇನ್ಪಿನವು
ತುಳುನಾಡ್‌ದ ಒಂಟಿ ಜನಾಂಗದ ಪುದರ್, ಇಜಿಂಡ ಸಹ್ಯ (< ಸಹ್ಯಾದ್ರಿ) ಇನ್ಪಿ
ಶಬ್ದದ ಪ್ರಾಕೃತರೂಪ (ರಮೇಶ್, 1969) ಇತ್ಯಾದಿ. ಸತಿಯಪುತ್ರ ಮಾತೃಪ್ರಧಾನ
ಸಮಾಜದ ಪುದರ್ ಇಂದ್ ಸೂಚನೆ ಉಂಡು( ಶೈಲಾ ವರ್ಮ.2002).
ಸತ್ಯನಾಪುರತ ವಿವರಣೆ ಎಚ್ಚ ಸಮರ್ಥನೀಯ ಇಂದ್ ತೋಜುಂಡು
ಉಂದು ಸಮ ಇಂದಾಂಡ ಸಿರಿನ ಪಾಡ್ದನದ ಕಾಲ ಸುಮಾರ್‌ ಕ್ರಿಸ್ತಪೂರ್ವ೩೦೦ಕ್
ಪೋಪುಂಡು. ಸಿರಿ ಪಾಡ್ಡನದ ತುಳುತ ಮೂಲಪಾಠೊಡು ಮೂಲತುಳುತ
336
ತುಳು ಪಾತೆರೂ
