ITI RABAW TI "KUBIERTA"
5
lita, a napalaos ti ayat na a mangatkatawa ken mangang-
angaw iti ikit na. No maipapan iti daydi lakay, iti buteng-
na iti kasdi a naaramid, a kasla ket no nakapatayen iti ina,
ama, asawa wenno asideg a kabagyan, a kamkamaten ti pung-
tot ni baket na (dagidi dua nga uk-uken ken ti loro a taraken
da), dinardarasna ti nagtalaw, kas inpalubos ti kinapilay na,
simmakay iti immuna a lugan a nasarakanna, sa immallatiw
iti immuna a bangka a nasirpatna iti maysa a karayan, ket,
Ulises a pilipino napanen nagallaallatiw kadagiti inilin-ili,
pangpangukuman ken purpuro a sursuruten ken kamkama-
ten ni Calipso na, a nakaantiukos iti mangsigpit iti agong,
ket nakassusuron iti uray siasino man a dakes ti gasatna
a makasakay na. Nadamagna a ni lakay na adda sadi pangu-
kuman a La Laguna, nga aglemlemmeng iti maysa nga ili,
ket adtoy a mapan a dumanon ta inna manen ay-aywen ka-
dagiti natina a bubuok na.
Dagiti kinaluganan na, tapnon maispalda iti kinamaag-
na, agsasauda iti nabiag, a ti la adda nga inda pagsasaritaan.
Iti daydi a kanito a panaglasatda kadagiti nagsikkusikkuan
ti karayan, ti pagsasaritaan da, iso ti pannakalinteg ti ayos ti
karayan ket naipapilit a nalagipda ti pannakaaramid ti sang-
ladan.
Ni Ben-Zayb, daydi mannurat a kasla agruprupa a
praile, makisinsinnupiat iti maysa nga agkabanuag a praile
a kas met la agruprupa nga artiliero. Isuda a dua agririaw-
da, pagkutikutien ken ingatungatuda dagiti taktakiag da,
ukradenda dagiti im-ima da, pasaray agdeppada, pasaray itu-
pakda dagiti saksaka da, ket ibagbagada dagiti nibnibel, da-
giti paspasabing, ti karayan ti San Mateo, dagiti kaskasko,
dagiti indio ken sabsabali pay, a kasta unay a ragsak dagiti
agdengdengngeg, ken apas a di mailemmeng ti maysa a pran-
siskano a nataenganen a nalaos ti kuttong ken bessag na, ken
ti pay maysa a nataer a dominiko a kasla... kasla umis-isem
iti isem a narabak.
Daydi nakuttong a pransiskano, ta naawatanna ti isem
ti dominiko, kinayatna a ginuped ti riri ket kimmamang.
Nalabit ngata nga inda pagdayawan, ta apaman la a nagga-
raw dagiti im-ima na, dagidi dua nga agsupsupiat nagsardeng-
da, idi pay met ngarod madama daydi praile nga artiliero nga
ibagbaga dagiti padpadasna ket daydi mannurat a praile ibag-
bagana met dagiti mamasirib.
-Dagiti mamasirib, Ben-Zayb, ammuyo no ania da?-
kinuna daydi pransiskano, a timek na ti kasla naggapo iti
maysa a rukib, a di man la nagkir-ing iti tugaw na, ket apa-
Page:Ti Pilibusterismo Ilokano ni Jose Rizal 1963.pdf/19
Jump to navigation
Jump to search
This page has not been proofread.
![](http://upload.wikimedia.org/wikipedia/sources/thumb/4/49/Ti_Pilibusterismo_Ilokano_ni_Jose_Rizal_1963.pdf/page19-981px-Ti_Pilibusterismo_Ilokano_ni_Jose_Rizal_1963.pdf.jpg)