Jump to content

Page:Tain Bo Cuailnge.djvu/28

From Wikisource
This page has been validated.
16
TÁIN BÓ CÚAILNGE

lorg āne ⁊ a līathrōid. Focherded a bunsach condagaibeth resīu dorodsad[1] a bun for lār. Tēit cosna maccu iarum cen naidm a ḟōesma[2] foruib.[3] Ar nī thēiged nech cucu ina cluichimag co narnasta a ḟōesam. Nī fidirseom annīsin.[4] “Nosaraigedar[5] in mac,” ol Mallamain[6] mac Conc[h]obair, [19a] “seach raḟetamar[7] is di Ultaib dō. Arguittis[8] dō :: aigid[9] foo.” Focherdat an trī cōectha[10] bunnsach fair, ⁊ arsisetar isin scíath[11] slisen huile leisseom.[12] Focherdat dino i llīathrōiti huile[13] fairseom, ⁊ nosgaibseom cach ōen līathrōid ina ucht. Focherd dino an trī .lll. lorg[14] ána fair. Araclichsom conāchrāngadar,[15] ⁊ gabais airbir dīb[16] fria ais. Rīasdarda imbisom[17] i suidiu. Indar lat ba indarcan[18] asnortt cach foiltne ina chend lasa comērgi[19] conērracht. Indar lat ba ōebell[20] tened bōi for cach ōenḟinda and.[21] Īadais indala[22] sūil connārbo lethiu andās[23] crō snāithaidi. Asoilg[24] alaile comba mor[25] bēolu fidchōich.[26] Doēraig dia glainīni[27] corrigi a hāu.[28] Asoilgg a bēolu coa inairddriuch combo ecna a inchrǣs.[29] Atrecht[30] in lūan lāth asa[31] mullach.[32] Benid fona maccu iarum. Doscara .l. macc dīb[33] sīu rīstais dorus nEmna. Forrumai nōnbor dīb[34] thoramsa[35] ⁊ Conchobar; bāmur[36] oc imirt ḟithchille. Lingidsom dino[37] tarsin fichill i ndedaig a nōnbair.[38] Gabaid Conchobar a rig. “Ní maith arrailter[39] in macroth,[40]” ol Conchobar. “Deithbir damsa, a phopa,[41] a[42] Chonchobar,[43]” olse. “Dosroacht do chluichiu ōm thaig ōm māthair ⁊ ōm athair, ⁊ nī maith robādar[44] frim.” “Cia diatā in macso[45]?” ol Conchobar,

  1. ↑ dorótsad LU.
  2. ↑ fóesama LU.
  3. ↑ forru LU. recte; at the bottom of the page YBL has forro in the text hand with no visible mark of reference
  4. ↑ fitirsom anísin LU, with the gloss .i. in ges bói foraib
  5. ↑ nonsaraigedar LU.; leg. nonsáraigedar
  6. ↑ under m is added f: Follomon LU.
  7. ↑ rafetamar LU.
  8. ↑ arguntís LU.
  9. ↑ before aigid there is a horizontal stroke, and before that on an erasure is a peculiar symbol which we cannot decipher: benaid LU.
  10. ↑ á tri cóecta LU.
  11. ↑ MS. ciath; over c, on an erasure, is something that may be meant for s
  12. ↑ lesseom LU.
  13. ↑ dano a líathróite nli LU.
  14. ↑ focher˘ dano an tri .lll. lórg LU.: leg. focerdat dano a trí cóictea lorg
  15. ↑ ɔnachrancatár hé LU.
  16. ↑ díib LU.
  17. ↑ ríastartha immiseom LU.
  18. ↑ tinnarcan LU.
  19. ↑ comérge LU.
  20. ↑ hóibell LU.
  21. ↑ and added later over the line: finnu LU.
  22. ↑ indara LU.
  23. ↑ indás LU.
  24. ↑ asóilgg LU.
  25. ↑ combo móir LU. recte
  26. ↑ midchúaich LU.
  27. ↑ In the MS. it looks like glaímm
  28. ↑ corici a hou LU.
  29. ↑ inchroes LU.; leg. ginchróes
  30. ↑ atreacht LU.
  31. ↑ láith assa LU.
  32. ↑ mull¯ LU.; leg. mulluch
  33. ↑ diib LU.
  34. ↑ díib LU.
  35. ↑ thoromsa LU.
  36. ↑ bámár LU.
  37. ↑ dano LU.
  38. ↑ fidchill i ndegaid ind nónbuir LU.
  39. ↑ Above the line between the two rs s has been added later; airrailter LU.
  40. ↑ macrad LU.
  41. ↑ popa LU.
  42. ↑ om. LU.
  43. ↑ Chonchob˘ LU.; leg. Chonchobuir
  44. ↑ rombatar LU. recte
  45. ↑ MS. ·im̄·so.
Retrieved from "https://wikisource.org/w/index.php?title=Page:Tain_Bo_Cuailnge.djvu/28&oldid=744087"