partoprenis la elekto di la Komitato, qua esis la max grava ek lia taski. Lia tre tarda demiso ne povas diminutar la valoro di la decidi di la Komitato.
Kompreneble, dum ke ni esas obligata insertar malmuta demisi, ni ne povas citar hike omna letri, quin ni recevis de multa delegiti, e qui varme aprobas nia agado, gratulas ni pri Progreso e kurajigas ni omnamaniere. Progreso ne suficus por to, e ni ne povas selektar inter tala letri, pro sentimento divinebla. Ni ne lasas ni timigar da kelka deserti; e ni bone savas, ke la granda plumulto de la Delegitaro favoras e sustenas ni kun tante plu de energio, ke ni esos plu atakata. Ni dankas do samtempe nia amiki pro lia konstanta simpatio e fideleso, e nia malamiki, pro ke li pluvarmigas la fervoro e devoteso di nia amiki.
Ni ja anuncis la fondo di l’ Internaciona Klubo Progreso en London (8, Longhurst Road, Lewisham). Ni ricevis poke pose la sequanta avizo :
« Progreso, libera uniono informanta pri la nuna stando di la LI. fondesis ye la 24 mayo en Brno (D. : Brünn), Moravio. Sa skopo, quale indikas la titolo di la grupo, esas informar la esperantisti e la publiko pri la nuna stando di la LI., koleklar adheri ad la Delegitaro ed unionar la austriana partiani di ES. Yen la provizora komitato :
J. Rihák, prezidanto,
J. Had, vice-prezidanto,
J. Kajš, sekretaryo,
F. Dvořáček, vice-sekretaryo,
E. Okurek, kasisto.
La grupo pregas la stranjera partiani di ES., sendar ad ol informi pri la progresado di la reformema movado en lia landi, nam la esperantista gazeti asertas, ke nur kelka homi deziras reformi. Membri di la nuva grupo korespondos plezure kun stranjeri sive en ES. sive en EP. On adresez letri a la sekretaryo Jan Kajš, Brno, Fr. Josefstr. 124, od a la prezidanto Josef Rihák, Brno, Josefov, 41. »
Ni esas pregata anuncar la fondo di du Internaciona Klubi «%nbsp;Progreso » en Francio : un en Chartres, 7, rue des Côtes, sekretaryo : So René Isambert (Esperantista konsulo); altra en Epernon (Eure-et-Loir), 1, rue du Prieuré, sekretaryo : So André Vilfroy (Esperantista konsulo). Quale on vidas, la fondanti di ta klubi esas eminenta e konocata Esperantisti; e la klubi ipsa kontenas la max granda ed agema parto di la Esperantista grupi di la sama urbi. Cetere, la fondanti deziris konocigar lia opiniono per la sequanta letri.
