dhăddhi tao adjhălăn kadhibi', ta' mambhoe ètonton. Lă, arowa maso' dhibi' è kamarra. Na'-kana' djărèja paḍă mondhoek è la'ḍinna'."
,,Ponapa èsto è kă'dinto băḍă sakola'anna?"
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
,,Ongghoeăn, sèngko' ta' la abălă ḍǎ' bǎ'na?"
,,Ponapa kèngèng orèng nèngghoe è kă'ḍissa?"
,,Sèngko' ghi' matora ghǎlloe ḍă' towan, sabăb sèngko' dhibi' ghi' ta' tao èntar dă'ǎssa."
Nalèka djărèja kabhenḍerrăn towan Ḍirèktoér djheng- mandjheng è sakola'an. Pa'na Djoesoep njemma'è sarta njo'on èdhi nèngghoeă sakola'an. Towan Dirèktoér alèllanè, otja'na:
,,Engghi, maḍḍhă maso'. Nèko' boekoena."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Djoesoep lè-tolèan ḍă eppa'na, karana ta nangalè tolèsanna boekoe, se ètodhoeăghi towan bhoeroe.
Towan Ḍirèktoér njapo' semmona Djoesoep ladjhoe ngotja' sambi mèsem:
,,Orèng boeta sè matja kodhoe aghaghăp ngangghoej ghărighi'na. Aksarana ijă bănnèan băn aksara sè kappra. Abăssaghi! Mon dhăloebăng rèja èdjhoeddjhoe băn kadjoe larsèp rèja, è saladjăna pas monto ter-boenter kènè' paḍă băn tjeṭakka pako djharoem; nă djireja sè èghighặp băn orèng boeta pas èbătja. Mon la ètantoaghi, djhă' monto settong aksara: a, monto ḍoewi’aksara: è băn èn-laenna, tanto orèng tao aghǎbaj aksara ngangghoej to-monto djǎrèja. Kalamon tao aksarana, tao kèja aghăbăj otja'. Arèja' tèngghoe!" Towan Dirèktoér adjhoe-djhoeddjhoe dhăloebăng, pas ladjhoe ngolok sèttong kana' binè':
