This page has been proofread.
79
atolong ḍă orèng, sè tjalaka' djărèja, ngadjhări alalakon ana-bărna. Podjhoer ongghoe mongghoe ka orèng boeta è djhǎman satèja. Kamora'anna Pangèran ta' pabǎtes. Marè apèkkèr da'bărijă pas ngotja' ka eppa'na: ,,Pa', kaoelǎ ta' ngèra sakalè orèng boeta onèng djhăr-adjhǎrăn
tjara panèka. Elló, dari ka'dimma padatengnga na'-kana' ghǎpanèka?"
"Bärija otja'na Djoesoep bhareng nangalè na'-kana', ra-kèra băḍă sapolo, ka'-berka'an è seddhi'anna; băḍă sinnjóna, baḍa Djhabana băn bada Tjenana. Eppana njaot: ,,Djǎrèja kakabbhi na'-kana' boeta tjong, bhoeroe kalowar ḍări sakola'anna."
,,Nangèng manabi èstoa boeta, ma' onèng ka'-berka'an; ma' ta' tako' laboe."
,,Endja', sabab la bijasa da' lăn-djhălănna è ḍinna';
