9. Èntar ka ghoenong Bromo.
Soedarso, morèd sakola'an bhakal pardjǎdji è Probolinggo la adjhǎnḍhji ḍǎ' tarètanna akèrèma sorat, njarèta'aghiă sè èntar ka ghoenong Bromo. E sèttong bakto Soedarso pènoddjhoe senneng atèna sarta taḍă' lalakon sè parlo pas nolès sorat, nepteppè djhǎndjhina akanța è băbă rèja:
Probolinggo, 7 Sèptèmber 1915.
Ka'emmas!
Ḍhimèn kaoelǎ ampon mator ḍǎ pandjhennengngan ngatorana pamèjarsa padjhălănan kaoelǎ sè ka ghoenong Bromo; anangèng bhoeroe samangkèn onèng ngatorè, sakèng ta' kobherrèpon tor ta' mangghi tèmpo, amarghǎ băktoèpon taḍă' è pangadjhărăn bhisaos. Pandjhennengngan tanto ampon ngaghǎli djhoeghăn, manabi rèd-morèd sakola'an opleiḍeng mastè kodhoe bhǎdjheng djhăr-adjhǎrăn. Serrèna arè mangkèn kalerressan sakola'an notop, ponapa polè kaoelǎ ampon ollè djhǎr-adjhărăn sè kaangghoejă lagghoeèpon, dhǎddhi onèng nepteppè ator sè ḍhimèn.
