sarta pasana'; otja'na alos, ressep ka atè. Towan sè anḍi' bengko ijă pas ḍăteng, sèngko' èbherri'i kakanan sè mannjaman sarta makowat abă'; ah, paratèn ongghoe towan djǎrèja.
È sèttong tempo sèngko' atanja, apa Pa'na Djămédín ètolongè kèja băn towan. Robǎna towan katon sossa sarta njaot: ,,Endjǎ', tjong, sèngko' ta' tao abherri' partolongan orèng laèn kadjhabhăna ba'na; orèng sè èlang èlanjo' ba'ǎ ta' ètemmo bărămpa bănnja'na, tapè mastè bănnja". Towan sè ngotja' bărija sambi akèpek sarta beng-ngarembeng aèng tèngalla; sèngko' ijă noro' nangès. Kongsè satèja mon ènga' ka towan sè bellăsan djărèja sèngko' ghi' arassa kaparotangan. Saellana para saboelăn sèngko' sè ètambhai sarta èraksa è bengkona towan ghella', la bărǎs ongghoeăn. Saapa radjăna sang-panarèma ḍă' towan, ḍǎ ḍokter băn ḍă' orèng binè' sè aladhinè sèngko' ta' kennèng èkotja'aghi. Kongsè satèja mon mosèm nèmbhǎră' mangka odjhăn dherres, ghaloed hoegghă băn kèlappa salang papèjar sèngko' pas ènga' katjalaka'an è malem djǎrèja, sè aghibă patèna Pa'na Djǎmédín.
