29. Tjarètana ghoeroe.
sèttong arè teppa' arè Salasa pokol doebellas lèbat saparapat morèd kellas empa' è sèttongnga sakola'an aghabajă karangan; nangèng boeroeng, sabab ghoeroena ngotja' barinna': "Saba' lèina, sèngko' atjarèta'a, bánnè dhoengngèng, tapè tjarèta ongghoean." Rèd-morèd bhoenga atèna pas pada njaba' lèina è kotak.
"Nalèka sèngko' ghi' kènè' bengkona eppa' è dhisa Karangasem; sang-tatanggha, orèng tanè, andi' ana' la- lake kadoewa, dhat-èndhit bhai băn sèngko'. Sabbhăn arè èn-maènan akanța kapprana na'-kana. Torkadhang sèngko noro ka saba long-nolongè sè alako. Mon mosèmma orèng anjè sèngko' sakantja katello pada anga-bhoenga nolongè ngangko' padi. Kongsè satèja sèngko' ghi ènga' bhai ka robana sang-reng-bhărengngan djărèja. Sè atowa'an anjama Ali, aradja'an sakonè' băn sèngko'; dhinèng alè'na, anjama Said, akènè'an. Arèja ghambharra kopè'an ghabajănna na'-kana' katello djarèja.
Ali adhalloean kalowarra ḍări sakola'an, ladjhoe amaghăng è kontroliran. Taonna polè sèngko' ban Said kalowar kèja sarta ollè tandha tammat. Said podjhoer, pas tao negghoe' ghabaj dhaddhi kalèrek pos. Sèngko' noro' èksamen dhaddhia morèd sakola'an ghoeroe, sarta kabhenderrän, ngennèng.
