120
Arèja ghambhărra messin djărèja. Saongghoena sèngko' ta' parlo nerrangngaghi, sabab la njata è ghambhar arèja baramma djhălănna.
Landjhăngnga messín djarèja 40 M. Pakakas pakakassa è ator kalaban tjè' apèkka sarta angghettonnaghi. Mon ba'na nalèktèkè ghambhar djarèja tanto nangalè bhakalla dhaloebang, ijă arèja tadjhinna rambing otaba tadjhinna dharamèjan, neng è pèngghir sè katjèr, pakalowarra è pèngghir kangan, la dhaddhi dhaloebang.
Tadjhin djarèja ngalotjor dari băḍdha (a) noro' pantjoran kènè' ghǎgghär è panjarèngan, sè èkaghabaj dari anjaman kaba' tjè alossa. Panjarèngan djarèja èghiling bǎn salènder kongsè tadjhin bhakalla dhaloebang ghella' adjhălăn ka kangan sambi makalowar aèngnga sè ta' aghoena, ladj hoe adjhălăn è antarana ghilingan panjarèngan, molana aèngnga kalowar polè; dhinèng bhakalla dhaloebangnga atamba metmet. Amarghă dări pa djha-lanna ghilingan panjarèngan bhoeroe, dhăloebangnga terros adjhălăn ka kangan maso' è antarana ghilingan panjarèngan sè laèn, kongsè atamba kessap. Di-boedina dhaloebang djarèja maso è antarana ghilingan, sè èpanasè, molana atamba tèpès sarta kerrèng. Saellana ărèja dhăloebangnga èra'-kerra' dhaddhi pan-barampan lempèr otabà èghoeloeng, bårămma sokana orèngnga. Ba'na tantona ija la tao dhaloebang ghocloengan otabà lempèran sè èdhoe'-bhoendhoe' ghan sarim.
Baramma djhalanna aghabaj dhăloebăng kardoés pèkkèr dhibi' bhǎi.
