110
mangan; sè mandjheng è ada'änna labang tao nangalè kantjana sè dhep-adhebbhän bi' aba'na.
Soetandar ban Djènal kana' parèkas sarta bangalan, ladjhoe maso' ka dalem panomangan lebat è labangnga. Kandhellă tèmbo'na ra-kèra 1 M.; ngabas ka attas nangalè ata'na, sè èkaghabaj dari bessè, katon ngatjelleng amargha kennèng okos; barija kèja gheddhoengnga sè è dǎlem; nangèng è babă ta' barija, tjoma èbbha' ban kapor bhoebhoek. Bhareng la marè sè ghoe-nèngghoe è djadija, kana' kaḍoewǎ djarèja pas kalowar ,,La, aroa bada ghămpèn dǎdoewă," otja'na ghoeroena.
Sèttong morèd ngotja: "Madjoe' djha' èsèrama!"
Ghoeroe ban rèd-morèddha pas onggha ka panongko'an, pada maspadha'aghi bang-labang panjoronganna apoj, sè kabhenderran pada aboekka'; tapè kala djarèja ta' katon bar-galabaran nako'è akanta sè ghella'. Tèmbo'na è djadija ijă tjè' kandhella. Salèhoen na'-kana' ahli tèn-nètènè sarta ahli měkkèr atanja ka ghoeroena: "Ghoeroe, ponapa sababbèpon bato kapor, sè èobbhar è panomangan panèka ma pas onèng aobha dhaddhi ghampèn ?" Saotta ghoeroena: "Bhab djarèja sèngko' ta' tao nerrangngaghi sè djhărna ḍă bă'na, sabab malarat sè ngartèa mongghoe ka bă'na. Tapè katerrangan pang-ghampangan bhai bă'na tanto ngartè kèja, bärinna' hawa panas è panomangan rèja naè' ka attas, tanto manasè bato kapor sè atompo' è djadija; amargha dari djarēja bada bagianna bato kapor sè tapèsa noro' naè' ka attas atjampor băn hăwǎ panas djărèja; dhinèng bato sè la kaèlangan bagianna ghella' aobha dhaddhi ghampèn."
,,Ponapa sadhädjana bato sè kèngèng èkabhadhi ghampèn panèka?" tja'na sèttong morèd polè. Endja'," soatta ghoeroena sarta ngotja' polè: "akanța bato songaj, maskè èpanasana taker ngabi' kadjoe sadjhaghat, ta' aobha keja
