109
dhoeli toron èntar ka sokona panomangan; è djäḍijă ta' patè panas, molana padă băngal apara'. E sokona panomangan ijă băḍă băng-lobăngnga, tapè bănnè lobangnga apoj, ijă djareja lăn-djhǎlanna orèng makalowar ghămpèn, radjana paḍă băn bato sè èpamaso' lèbăt è labang pamaso'an è attas ghella'. Kariman njemma'è, pas ngala' bato sè ghi' bhoeroe èpakalowar, tapè pas èotjol polè sarta aserro: "Adoe, ma' ghi' tjè' panassa!" sambi pes-kèpessan tanangnga sarta roet-siroedhăn amargha kapanasan.
Ghampèn, sè èpakalowar dari panomangan djärèja, èpa- polong neng è sèttong los, ladjhoe èsèramè; tèmba panjèramanna djä-radja. Aèng, sè èsèrammaghi, pas ngalkal, okossa ngebbhoel kongsè petteng.
,,La, na'-kana', madjoe' djha' abălia ka tapsioén," tja'na ghoeroena; ladjhoe adjhälän sambi ngotja' polè: "Dagghi' ḍări djhãoeǎn tanto ba'na nangalè sèttong pangobbharanna kapor, sè la ta' èangghoej, semma' bi' tapsioén. E dissa bă'na ollè ghoe-nèngghoe polè kalaban senneng, sarta mon băḍă sè ghi ta' terrang ollèa ba'na anja-tanja polè.
Ta' antara abit sè adjhalan la napa' è panomangan sè ètjarèta'aghi bhoeroe; na'-kana' pas pada mandjheng alèng-lèngè sokona. Loen-dhalloenna pada nèngghoe bagiănna sè baba. Na'-kana' ladjhoe adjhidjhir aḍeppaè sokona pano-
