gitarokan kanhi sa karaang mga kamalig. Ang bag-ong tulay sa
Epana nakapahibulong kaniya; kadtong mga balay sa tampi nga'
tuo sa suba nga gipangugbok sa ilalum sa mga kawayanan ug kakahoyan, sa utlanan sa dalan Escoka ug sa pulb sa Romero, nakapahinumdom kaniya niadtong panahon nga siya magaagian didto
sakay sa usa ka bangka padulong sa kaligoanan sa Uli-Uli.
Nakahibalag siya daghang mga salakyanan nga ginuyod ug
mga maanindot nga kabayong gagmay linuwanan sa mga kawani
nga nanagduka pa ug napadulong sa ilang mga buhatan; nakahinagbb usab siya ug mga sundalo, mga Insik, mga prayle nga
maugdag nawong, mga canonigo, ubp. Luwan sa usa ka matahum salakyanan hisigpatan ni Ibarra si P. Damaso, nagamug-ot
ug nagadiyong ang nawong, ugaling kay wala gayud siya makamuwawong pag-ayo sanglit ang salakyanan misaylo na man ug si
Kapitan Tinong nga kuyog sa iyang asawa ug duha ka anak babaye miyukbb kaniya sa malipayon nga panagway.
Sa paglugsong sa tulay, ang mga kabayb misugod pag-inug-og
padulong sa dapit nga ginatawag Paeo de la Sabana. Sa kiliran
nga wala, gikan sa Fabrica de Tabacor sa Arroceros, mabati ang
hinagpak sa mga dahon sa tabakb nga palpalon sa mga manunustos. Si Ibarra mipahiyum sa paghinumdom niadtong maisug nga
bahb sa tabakb nga sa ika 5 ang takna sa hapon magapuot sa
puente de Barca ug makahubog kaniya sa diyutay pa siya. Ang
madasigong. mga kulokabildo. ug mga tiaw-tiaw nga iyang nabati
niadtong higayona nakapahinumdom kaniya sa balangay sa Lava
pies sa Madrid di in lagmit mahitabo ang mga gubutgubut sa
mga manunustos, gubutgubut nga maoy lubagan ang alaut nga
mga polls, ubp.
Sa paghitungod niya sa Jardin Botanico,1 giabut siyag kasubb
kay nahinumdom man dayon sa maanyag uyamut nga mga jardin
botanico nga iyang nakita didto sa Uropa ug sa mga lungsod diin
gimbuhaton nga dakb ang pagpatubb ug paggalam sa mga tanum, hangtud ang mga jardin botanico sa mga colonic? nga punb
sa mga tanum, maayong pagkagalam ug binuksan alang sa kadaghanan. Si Ibarra milingiw, mitan-aw dapit sa tuo ug didto iyang
nakita ang karaan nga Manila, linibutan gihapon sa mga paril ug
halaglum mga kanal nga punb sa lapok, sama sa usa ka dalagang
masakiton nga gilimisan sa mga saput sa iyang apohan.
(1) — Tanaman sa nagkalainlaing mga kahoy sulod sa dakbayan.
(2) — Mga nasud nga sakop sa usa nga makagagahum.
-62-