Eduard: „Mon tja' sèngko' kasokanna towan la terrang, djhă' ta mabăliă tana djărèja klabǎn partjoma, tandhăna abă'na la maddhel bengko è Arnwood. Mon lakar ta' dăʼija kasokanna, apa parlona towan aghăbăj padhălemman èdjădijâ ?"
,,Ijă bhender, nangèng antos bhǎi ella, pola towan mè' bădă kasokanna bănnèan."
„Ijă ella, mara sèngko' noro'a otja'na bă'na bhăi.”
Alice: „Satèja sèngko' terro aberri'ă tao dă' Chaloner so dă' Grenville. Răng-bhărăngnga (ḍi' anḍi'na) djărèja bănnja' kèja sè la èrampas so Cromwell sarta satèja la èkaandi' orèng laèn kabbhi. Kèra sèngko' abă'na tjè' terrona sè njo'ona ka Sang Radjhă bălina di andi'na djărèja. Nangèng ta' kèra èparèngngaghi; parkara rèja sèngko la ngèḍing berta ḍări orèng sè èkennèng partjadjă. Mon terro èparèngaghiă bărinna': orèngnga sè anḍi' lambă' sabelloenna njo'on ka Sang Radjhă amofakat ghălloe băn orèngnga sè anḍi' satèja; bertana orèng sè ngaanḍi' satèja nèng mènta'a karogiăn sapertellonna otabă saprapatta dări arghăna bhǎrǎngnga. Kabălă bhǎi tang otja' djrèja ka Chaloner so Grenville, mè' ollè dhoeli èntar ka orèngnga sè ngaanḍi' satèja, saellana pas soro so'on ka Sang Radjhǎ."
Eduard: „Wa, djărèja parlo ongghoe, la dhina kèdi bi sèngko' èkabâlâ'â bhǎi ka Chaloner so Grenville."
Sareng sè kadoewâ panèka mèreng bekkassa Alice dâri Eduard, pas èngghâl mellè bălina tanana klabân arghă saprapatta. Eduard ghi' lastarè bătă èḍălem karaton. Abă'na asoratan ka Humphrey, èpènta ḍătengnga ka Londen.
Katjatora èḍalem karaton sèjang malem sè băḍă mènrammèn radjă. È nalèka sèttong arè Sang Radjhǎ alongghoe è korsè emmassa èsèbhâ para ghoeng-aghoeng. Laèn dări panèka, bănnja' nja-njonja sareng non-ennon sè padă noro asèbhă; Alice areng Edith èngghi ta' tjèttjèr. Eduard djheng-mandjheng èpongkoranna kalèngghiǎnnèpon Sang Radjhă; è lăn-djhălăn para pottrè, nja-njonja sareng non-ennon sè njabisă ka Rato. Băkto ghâpanèka Chaloner sareng Grenville ta' noro' atjabis, kalerressan ghi rèpot amofakatan parkara njo'ona bălina bhǎrăng ghadhoeǎnnèpon. Ta' abit towan Heatherstone raboe sambi nonton pottrana. Patientia ta nèngalè, djhǎ' Eduard băḍă èghikaʼijâ djhoeghǎ, èbăsapanèka sè adjhălăn doe'nondoe bisaos.
