114
"Mè' pas ngotja' bǎrijă bhai bă'na, Eduard, apa ba'na ghi' ta' tao narėma sorat dări Humphrey?"
,,Ija, bilǎn, nangèng ella, ka, parkara djǎrėja djhǎ' endi rembhǎk satėja, mon ta' kabhenderrån does-toḍoesi bhai."
Kalana Eduard ngotja' sapanèka, Alice kalerressan kalowar ḍări kamarra, mèlana pas ngotja' ka Eduard: ,,Apa, todoes? ḍoe arapa maskè èrembhoek satèja!"
Eduard: ,,lja, mara èḍingngaghi Sanaddjhån lowan Heatherstone la tjè' ngangghebbhǎ ongghoe ka sengko', nangèng sengko' ta' narėma mon lana Arnwood djărėja èakoa anḍı'na, sabâb sèngko' ahli-bǎrissǎ. Bǎn polè maskė sėngko' tje' trèsnana ka Patientia, sèngko' ta' soka' abinė kana' djǎrėja, mon kadhighån bådǎ tjap-otjapan djbǎ' tana Arnwood djăreja bangghebbhă băn-ghibănna.”
,,Bá'na djǎrėja ghoe ta' tjè' anèna, Eduard. Due mon bǎ'na ollè Patientia so tana Arnwood djǎrėja ta' ijă lebbi senneng ètèmbhăng so ollè sala sèttongnga."
,,Ijǎ bhender otja'na djǎrėja, nangèng mara pèkkèr polè! Mon tana djǎrėja éangghep băn-ghibǎnna Patientia, dhaddhi sèngko' njamana narèma paparèng dări towan. Bărămma sèngko' se narèma'a, djbă' rèng djǎrėja lakar tang hak. Mon bărijă bhǎli' enso'ona ka Sang Radjhǎ bhai tana djårėja, rassa sèngko' mastè èparèngngaghi.
„O, Eduard, djhǎ' ladjhoe maṛobbhoe ka Radjhǎ bǎrijă. Sang Radjhǎ ta' pang-ghǎmpang pas marèngngaghi, sabelloenna mondhoet tèmbhǎngan ka para pangradjana dhålloe. Mon na-lana sè èkaanḍi' orèng laèn kabit lamba' mola, satėja pas èdhika'aghi pabǎli ka orèngnga polè, la tanto bǎnnja' orèng sè ta' senneng ka Sang Radjhă. Sambhi'anna, Eduard, ba'na ghoe ta' la tao dhibi', djhă' towan Heatherstone so èparra sé anjama Sir Ashley Cooper tje' bånnja'na pètolongnga ka Sang Radjhă, abǎnnja'an so bǎ'na polè, sabăb sè kadoewǎ djǎrėja sanjatana sè ngastèarė, Sang Radjhå kan djhoe menneng polè. Ba'na apa pètolongnga? Dhaddhi Sang Radjhå la tanto lebbiǎn ka se kadoewǎ djärèja kaprotanganna ètèmbhẳng so ḍă' ba'na. Molana mon bå'na ghi' maksa'a njo'ona bălina tana Arnwood ḍǎ' Sang Radjhǎ, sala ta' èkabbhoeli, aboe-èmboe marentek ghălina Sang Radjhǎ. Sambi'ǎnna ghoe tao ongghoe ḍa' kasokanna towan Heatherstone. Mon tja' sèngko' bettjè' bǎ'na ngantosè bhăi dhǎlloe, abǎs otabǎ tėtėnė padjhǎrna' kasokanna towan."
