Langton: ,,Dhika djhâ’ Adjhâlânan ma-ko’amma, sabâb èko’ijâ bânnja’ orèng se ta’ senneng ngatela’ orèng anjar. Sènga’ bi’ tè-ngate bhâi, ango’ dhoeliâ mangkat.”
Eduard: ,,Parkara ka’ḍinto bhoeroeng pandjhennengngan.’’
Langton: ,,Mon dhika enḍâ’ noro’ otja’ boelâ, bettjs’ dhoeli mangkat bhâi ḍâ’ ḍâḍjâ; nèko’ sorat kèbâ, bâghi ka soebât boelâ e Lancaster sè è Yorkshire. Napè nasèhatta estoaghi bi’ ongghoe, karana kareppa padâ so dhika; nanging dhika bilâ empon dâpa’ ko’assa, pas djhâ’ adjhâlânan, mè’ ta’ dkataoe rèng laen, Lagghoe’ pokol sabellâs bhâi dhika abâli ko’anto polè, ngonè’è rat-sorat sè èghibâ’â.”
Saamponna ḍâri ghika’ijâ Eduard pas ngaterraghi rat-sorat laènna dâ’ bât-soebâddh towanna djhoeghâ. Dhinèng rat-sorat bhoeroe paḍâ nètèppaghi Eduard sadhâdjâ, sarta ngarep mandhâr paḍâ’è kasokan aparèng partolongan, manabi Eduard mangghi porkara è lân-djhâlân. Sareng ampon marè sadhâdjâ, abâ’na pas ngaterraghi sorat ḍâ’ sèttong sodhâghâr radjâ, Sodhâghâr panèka adjhândjhi bhâdhi atatolonga, manabi Eduard kakorangan sango. Sareng ampon marè asa-gessa sareng sodhâghâr ghellâ’, Eduard pas abâli ka losmèn polè. Bâkto para’ tedoenga, Eduard abâlâ ka Sampson, djhâ’ bhâḍhi èngghâlâ mangkat ḍâ’ ḍâḍjâ; sarrena Sampson ta’ parlo noro’ terros, dhâddhi ladjhoe esoro palèman. Sampson ngotja’: ,, èngghi, njara kasokan saos. Marèèpon bilâ kaoelâ sè palèmana?”
Eduard: ,,Lagghoe’; boelâ pon ta’ parlo akèrèm sorat; atorraghi bhâi ka towan, djhâ’ boelâ empon mangkat, salamet, ḍâ’into. Dhinèng lamon bâḍâ parlo pè-napè boelâ ngatorana sorat ḍâri ko’issa bhâi.” :
Saamponna Eduard marè adjhoeloe pèssè bhâḍhi sango, Sampson pas mapan tèḍoeng.
Kalagghoeânnèpon pokol sabellâs Eduard njabis ḍâ’ dhâlemma towan Langton, ngonè’è rat-sorat sè bhâdhi èbhâkta’a. Sanattolla, towan Langton aḍhâboe: ,,Sorat sè sèttong nèko atorraghi ka njonja e Lancastershire, kaḍoewâ orèng, paḍâ aghâma Errom, bengkona dâri Bolton pardjhâlânan saeddjhâm. Sèttongnga nèko ka soebât boelâ e Yorkshire, bengkona è kotta York. Dhika salè-ollè mangkata dhâggghi’ sabelloenna tjompet arè. Ko’emma dhika bhârengnga?”
Eduard: ,,Ampon palèman.”
